2 CORINTIOS 7:1 - Nuevo Testamento en Quichua Cañar 1996

¹ Caicunami Dios ñucanchicman allicunata cushami nishcacunaca. Shina cashcamanta c'uyashca criccuna, cuerpotapish, almatapish tucui imapish mapayachinamantaca huacaichirishpa, chuya cashunchic. Shinallatac Taita Diosta manchashpa, paipaclla tucushpa causanata yuyailla cashunchic.

Dios Rimashcata Quillcashcami

¹ Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

2 CORINTIOS 7:1 ပူးပေါင်းရင်းမြစ်များ

SAN MATEO 12:33

Caita yuyarishun: Alli yuraca alli granotami p'ucun. Mana alli yuraca mana alli granotami p'ucun. Ima yurapish alli cashcata, mana alli cashcataca p'ucushpami ricuchin.

SAN MATEO 5:48

Jahua pachapi tiyac cancunapac Taita Dios ima shinami allitac can, chashnallatac cancunapish allitac caichic.

SAN MATEO 5:8

Taita Dios yuyailla causanata munashpa, chuya shungu canata munaccuna, ¡cushicuichic! Cancunami Taita Diostaca ricunguichic.

HECHOS 9:31

Chaimantami Judea llactapi, Galilea llactapi, Samaria llactapi causac tucui criccunaca alli sumacta causarcacuna. Paicunaca Mandac Diosta manchashpa, ashtahuan sinchi criccunami tucurcacuna. Shinallatac Diospac Espíritu pushacushcamanta, ashtahuanmi achca criccuna tucurca.

ROMANOS 5:20

Mandashcacunata Dios cucpica, juchaca ashtahuanmi mirarirca. Chashna miraricpicarin, Taita Diosca ashtahuanmi c'uyaita ricuchirca.

1 CORINTIOS 6:20

ashtahuanpish Taita Diosmi cancunataca tucuimanta yalli valic-huan paipacta ruhuachun randirca. Chashna cashcamantami tucui cuerpohuan Diospaclla alli causana canguichic.

2 CORINTIOS 1:20

Taita Dios tucui imatapish cushami nishcataca, Jesucristomi pactachirca. Chaimantami Taita Diosta alli nishpaca, Jesucristomanta “chashna cachun” ninchic.

EFESIOS 2:3

Shinallatacmi tucui ñucanchicpish ñaupaca quiquin munaita ruhuashpa, cai pacha jucha munashcallata, ñucanchic yuyashcallata c'atishpa causarcanchic. Chashna quiquin munashcata c'atishpa juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

1 TESALONICENSES 3:13

Shinallatac cancunata Taita Dios tucui shunguhuan cricta ruhuachunmi munanchic. Chashna cashpami Apunchic Jesús paipaclla caccunahuan tigramucpica, ñucanchic Taita Diospac ñaupapica Diospaclla tucushca, pi mana juchanchipac cashun.

1 TESALONICENSES 4:7

Taita Diosca millaita ruhuashpa causachunca mana acllarcachu, ashtahuanpish paipaclla causachunmi acllarca.

1 TESALONICENSES 5:23

Sumac causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca paipaclla, pi mana juchanchipacta ruhuashpa huacaichichun.

HEBREOS 12:23

Jahua pacha libropi quillcashca, Diospac punta huahuacuna tandanacushcaman, tucuita taripashpa ricuchic Diospacman, shinallatac cashcata ruhuaccunata Dios allita ruhuashca almacunapacmanmi chayarcanguichic.

HEBREOS 12:28

Dios cushca maipi mandacucca, mana cuyuchipacchu. Chaimanta manchaihuan, pai munashca shina tucui shunguhuan pagui nishpa, alli nishunchic. Paica chaitami munan.

HEBREOS 4:1

Chashna cashcamanta chai samarinapi Dios ñucanchicta yaicuchisha nicucpirac, allita yuyarichic. Cancunapuramanta shucllapish pacta yaicunata mana charic shina saquiringuichicman.

HEBREOS 6:9

C'uyashca criccuna, cashna rimashpapish cancuna imatapish allita ruhuashpa, quishpirinaman pushac alli ñanta c'aticushcatami yachanchic.

SANTIAGO 4:8

Taita Diosman cuchuyaichic, paipish cancunapacman cuchuyangallami. Mana allita ruhuashpa juchalliccunaca, maquita jahuac shina chaita ruhuanata saquichic. Taita Diostapish, cai pachapaclla caccunatapish c'uyasha niccunaca, shunguta allichichic.

1 PEDRO 1:15

Ashtahuanpish cancunata acllac Diosca ima jucha illacmi. Shina cashcamanta cancunapish tucui causaipi ima jucha illac causanata munaichic.

1 PEDRO 1:17

Cancunaca pimanpish mana tucushpa, imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

1 PEDRO 2:11

C'uyashca criccuna, cancunaca caru llactamanta shamushpa, causac shinallami cai pachapica canguichic. Cai pacha jucha munaicunaca cancunapac almahuanca macanacucunmi. Shina cashcamanta chai munaicunamanta huacaichirichun ninimi.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

1 JUAN 1:7

Ashtahuanpish Taita Dios achic luzpi cac shinallatac ñucanchicpish achicpi causacushpaca, shuc shinallami caishuc chaishuchuan canchic, shinallatac paipac Churi Jesucristopac yahuarca tucui juchacunatami p'ichan.

1 JUAN 1:9

Shina cashpapish ñucanchic juchacunata Taita Diosman huillacpica, paica imatapish cashcata ruhuac cashcamanta, shinallatac imatapish pactachic cashcamantaca perdonangami, shinallatac tucui mana allicunatapish p'ichangami.

1 JUAN 3:3

Chashna cashcamanta maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchuricun.