2 CORINTIOS 3:4 - Nuevo Testamento en Quichua Cañar 1996

⁴ Cristomanta Taita Diospi shunguta churashpami, tucui caicunaca chashnatac cashcata yachanchic.

Dios Rimashcata Quillcashcami

⁴ Cristomanta Diospi shunguta churashpami, tucui caicunaca chashnatac cashcata yachanchic.

2 CORINTIOS 3:4 ပူးပေါင်းရင်းမြစ်များ

2 CORINTIOS 2:14

Cristohuan ñucanchic mishaccuna cashcata ricuchingapacmi, Taita Diosca tucuipac ñaupapi millaita mishashpa pushacun. Shinallatac mai llactapipish mishquilla ashnacuc shina Cristopac alli huillai ñucanchicmanta huillarichunmi, tucuipi pushacun. Chashna cashcamantami Taita Diostaca pagui nicunalla canchic.

EFESIOS 3:12

Chashna cacpimi: “Cristota crishpa paihuan shuc shinalla tucushcamantaca, Diosca chasquingallami” nishpa, mana manchashpa paipacman cuchuyanata pudinchic.

FILIPENSES 1:6

Cancunapi callarimanta pacha allita ruhuac Taita Diosca Jesucristo cutimuna punzhacaman, chai allita ruhuashpa c'atina cashcatami yachani.

1 TESALONICENSES 1:8

Cancuna crishcataca mana Macedonia llactallapi, mana Acaya llactallapichu yachac chayashcacuna, ashtahuanpish tucui llactacunapimi cancunamanta uyashpaca, Diosmanta alli huillaitaca yachac chayashcacuna. Chaimantami cancuna alli crishcataca, ña mana huillana canchic.