2 CORINTIOS 13:14 - Nuevo Testamento en Quichua Cañar 1996

¹⁴ Apunchic Jesucristo sumac c'uyaita cucpi, Taita Dios c'uyacpi, shinallatac Diospac Espíritu shuc shinallatac ruhuacpi, cushilla causachunmi munani.

Dios Rimashcata Quillcashcami

¹⁴ Apunchic Jesucristo sumac cuyaita cucpi, Dios cuyacpi, shinallatac Diospac Espíritu shuc shinallatac ruhuacpi, cushilla causachunmi munani.

2 CORINTIOS 13:14 ပူးပေါင်းရင်းမြစ်များ

SAN MATEO 6:13

Ama ima millaipi urmachun saquinguichu, ashtahuanpish tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]’ nishpa mañanguichic.

SAN JUAN 4:10

Shina nicpi Jesusca: —Canca Taita Dios imata cusha nicushcatapish, shinallatac pi yacuta mañacushcatapish mana yachanguichu. Yachashpacarin, canracmi ñucaman ‘yacuta carai’ nishpa mañanguiman. Chashna mañacpica, causaita cuc yacutami cuiman— nirca.

SAN JUAN 4:14

Ashtahuanpish ñuca cusha nishca yacuta maijanpish ubiacca, jaicapi mana yacunachingachu. Ñuca cusha nishca yacuca paipica huiñai causaita cuc, tucyacuc yacu shinami tiyanga— nirca.

SAN JUAN 7:38

Dios quillcachishcapica: ‘Maijanpish ñucata cricpac shungumantaca, causaita cuc yacu shinami llucshinga’ ninmi— nirca.

HECHOS 15:11

Ashtahuanpish Apunchic Jesús c'uyashcallamantami, ñucanchicpish paicuna shinallatac quishpichishca canchic— nirca.

ROMANOS 16:20

Chashnami sumac cushicui causaita cuc Taita Diosca Satanastaca*f** cancunapac chaqui sarunapi ñalla churanga. Ñucanchic Apunchic Jesusca cancunata mai c'uyashpa allicunata cushca cachun.

ROMANOS 16:23

Shinallatac ñucatapish, tandanacushca criccunatapish pozachic Gayopish “allilla cashca cachun” nishpami cachan. Cai pueblopac cullquita tandachic Erastopish, Jesusmanta huauqui Cuartopish “allilla cashca cachun” nishpami cachancuna.

ROMANOS 16:27

¡Tucuita yachac, shuclla Taita Diosca Jesucristomanta huiñai huiñaita sumacyachishca cachun! Chashna cachun.

ROMANOS 5:5

Taita Diosca paipac Espirituta cushpami, ñucanchic shungupica yallita c'uyaita churashca. Chaimanta mana yangamantachu shuyacunchic.

ROMANOS 8:39

jahua pachapish, ucu pachapish, tucui ima tiyaccunapish, ñucanchic Apunchic Jesucristomanta ñucanchicta Taita Dios c'uyashcamantaca imapish mana anchuchingachu.

ROMANOS 8:9

Cancunapica Diospac Espiritumi causacun. Chaimantami cai pacha jucha munashca shinaca mana causacunguichic, ashtahuanpish Diospac Espíritu yuyaita cushca shina causacunguichic. Maijanpish Cristopac Espirituta mana charicca, mana Cristopacchu.

1 CORINTIOS 12:13

Chashna shuclla cuerpo tucungapacmi, tucui ñucanchicca israel*f** cashpa, mana israel cashpa, amopacta ruhuac cashpa, mana amopacta ruhuac cashpapish, Taita Diospac shuclla Espirituhuan bautizarishca canchic. Shinallatac Taita Diosca chai Espiritullatatacmi yacuta ubiachic shina, ñucanchicmanca curca.

1 CORINTIOS 14:16

Canca cambac espiritullahuan Diosta pagui nicpica, ¿ima shinatac shuc manarac yachacca entendingayari? Chashna mana entendishpaca, ¿ima shinatac canhuan pacta Diosta pagui ningayari?

1 CORINTIOS 16:23

Apunchic Jesucristo paipac sumaimana c'uyaita tucui cancunaman cushca cachun.

1 CORINTIOS 3:16

Cancunaca Dios causana huasi cashcata, shinallatac Diospac Espiritupish cancunapac shungupi causacushcataca, ¿manachu yachanguichic?

1 CORINTIOS 6:19

Cancunapac cuerpoca Dios cushca Espíritu causana huasi cashcatapish, Diospac Espíritu cancunapac shungupi causacushcatapish, ¿manachu yachanguichic? Cancunaca mana quiquinpacllachu canguichic,

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Taita Diospacman cuchuyanata pudinchic.

EFESIOS 2:22

Shinallatacmi cancunapish Jesucristohuan shuc shinalla cashpaca, tucuilla tandanacushpa, Diospaclla cac huasi shina tucunguichic. Chashna cacpica Taita Diosmi paipac Espiritumanta chaipi causacun.

EFESIOS 5:9

Achic luzca alli shungu canata, imapish cashcata ruhuanata, shinallatac mana llullac cana yuyaitami cun.

EFESIOS 6:23

Taita Diospish, Apunchic Jesucristopish tucui criccunaman sumac causaita, c'uyac canata, alli cric canata cushca cachun.

FILIPENSES 2:1

Cristo paipac c'uyaihuan cancunata sinchiyachishpa cushichicucpica, Diospac Espiritupish cancunahuanmi. Chaimantami caishuc chaishuc c'uyanacuipish, llaquinacuipish tiyan.

1 JUAN 1:3

Ima shinami Taita Dioshuan, shinallatac paipac Churi Jesucristohuan shuc shinalla canchic, chai shinallatac ñucanchichuan shuc shinalla cachunmi uyashcatapish, ricushcatapish cancunamanca huillanchic.

1 JUAN 3:16

Jesucristo ñucanchicta c'uyashpa huañushcamantaca, ima shina c'uyana cashcataca yachanchicmi. Shina cashcamantami ñucanchicpish, criccunamanta huañuna cacpipish huañuna canchic.

1 JUAN 3:24

Pai mandashcata pactachishpa causaccunaca paicunapish Dioshuan, Diospish paicunahuanmi shuc shinalla causancuna. Shina cacpimi pai ñucanchichuan cashcataca, pai cushca Espiritullatac yuyaita cucpi yachanchic.

SAN JUDAS 1:21

Cancunata Dios c'uyacushcamantaca ama anchurichicchu. Shinallatac ñucanchic Apunchic Jesucristo llaquishpa, ñucanchicman huiñai causaita cuna punzhataca shuyacuichiclla.