2 CORINTIOS 11:28 - Nuevo Testamento en Quichua Cañar 1996

²⁸ Cai llaquicunahuan cashpapish, shuctac llaquicunahuan cashpapish, tucui punzhacunami tucui tandanacushca criccunata yuyarishpa, llaquita apacunilla.

Dios Rimashcata Quillcashcami

²⁸ Cai llaquicunahuan cashca jahuapish punzhantami tucui tandanacushca criccunata yuyarishpa, llaquita apacuni.

2 CORINTIOS 11:28 ပူးပေါင်းရင်းမြစ်များ

HECHOS 15:36

Tauca punzhacuna q'uipami, Bernabetaca Pabloca: —Sarun Apunchic Jesusmanta alli huillaita ñucanchic huillacucpica, tauca pueblocunapimi uyashpa crircacuna. Cunanca paicuna ima shina c'aticucta jacu, ricumushun— nirca.

HECHOS 18:23

Chai pueblopi asha punzhacunata cashca q'uipaca, Galacia llactata, Frigia llactata rishpami, chaipi causac tucui criccunata: “Alli c'atinguichic” nishpa, yuyaita curca.

HECHOS 20:2

Chai llactapi causac tucui criccunata “alli c'atichic” nishpa cunashpami, Grecia llactaman chayarca.

HECHOS 9:31

Chaimantami Judea llactapi, Galilea llactapi, Samaria llactapi causac tucui criccunaca alli sumacta causarcacuna. Paicunaca Mandac Diosta manchashpa, ashtahuan sinchi criccunami tucurcacuna. Shinallatac Diospac Espíritu pushacushcamanta, ashtahuanmi achca criccuna tucurca.

ROMANOS 1:14

Ñucaca griegocunamanpish,*f** mana griegocunamanpish, yachaccunamanpish, mana yachaccunamanpish huillanami cani.

ROMANOS 11:13

Shina cacpipish cancuna mana israelcunamanca caitami nisha nini: Taita Diosca ñucataca mana israelcunaman huillachun cachashcamantami, ñuca imata ruhuashcacuna yalli alli cashcata yachani.

ROMANOS 15:16

mana israelcunapac allipac Jesucristopacta ruhuachun ñucaman mingashcamantami cashna quillcani. Mana israelcuna Diosman cutirishpa, paipac Espíritu yuyaita cucpi, millaimanta anchurishpa Diospaclla cachunmi, quishpirinamanta alli huillaita huillashpa Diospacta ruhuacuni.

ROMANOS 16:4

Paicunaca ñucata quishpichingaraicumi ashallamanta mana huañurcacuna. Chaimantaca mana ñucallachu pagui nini, ashtahuanpish caishuc cric mana israelcunapish*f** pagui nincunami.

1 CORINTIOS 7:17

Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic ninimi. Tandanacushca criccunataca maipipish chai shinallatacmi mandani.

COLOSENSES 2:1

Ñucaca cancunamantapish, Laodicea pueblopi caccunamantapish, shinallatac tucui ñucata ñahui ñahui mana ricsiccunamantapish llaquita apashpa, tucui yuyaihuan ruhuacushcatami yachachun munani.