2 CORINTIOS 11:10 - Nuevo Testamento en Quichua Cañar 1996

¹⁰ Cristomanta cashcata nic shimicunataca ñucaca ricsinitacmi. Chashna cashcamantami ñuca imata mana japishpa cushicunataca, tucui Acaya llactapi causaccunapish mana jarcangachu ni pudini.

Dios Rimashcata Quillcashcami

¹⁰ Cristomanta cashcata nic shimicunataca ñucaca ricsinimi. Chashna cashcamantami ñuca imata mana japishpa cushicunataca, tucui Acaya llactapi causaccunapish mana jarcanga nini.

2 CORINTIOS 11:10 ပူးပေါင်းရင်းမြစ်များ

HECHOS 18:12

Galión runa Acaya llactata mandacui punzhacunapimi, israelcunaca tandanacushpa, Pablota japishpa, chai mandacpacman aparcacuna.

HECHOS 18:27

Acaya llactaman Apolos risha nicpica, Efeso pueblopi causac criccunaca: “Chaiman rinaca allimi” nishpami, Acayapi causac criccunamanca paita alli chasquichun shuc quillcata cacharcacuna. Acaya llactaman chayashpaca, Dios c'uyashcallamanta Jesusta criccunapacman rishpami, paicunamanca allita ruhuarca.

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca tucui shunguhuan paipacta ruhuashpami, paipac Churimanta alli huillaita huillacuni.

ROMANOS 16:5

Shinallatac Priscilapac, Aquilapac huasipi tandanacuc criccunatapish “allilla cashca cachun” nichic. Asia llactapi causac ñucahuan mai apanacuc Epenetotapish “allilla cashca cachun” nichic. Paimi chai llactapica Jesucristota punta cric carca.

ROMANOS 9:1

Apunchic Jesusta cric cashcamantami, imatapish mana llullashpa cashcatatac nicuni. Shinallatac ñuca yuyaipish Diospac Espíritu pushashca cashcamantaca, caicunaca alli cashcatami yachani.

1 CORINTIOS 16:15

C'uyashca criccuna, Acaya llactapi quishpirinamanta alli huillaita huillacpica, Estéfanas paipac familiandic punta cric tucushcataca cancunallatac yachanguichicmi. Paicunami shuctac criccunataca servina yuyailla causancuna.

2 CORINTIOS 1:1

Taita Dios munashcamanta Jesucristo acllashca huillac Pablomi cani. Jesusmanta ñucanchic huauqui Timoteohuan ishcai tucushpa, Corinto pueblopi Diospaclla tandanacushca criccunaman, shinallatac Acaya llactapi cac tucui criccunamanpish “allillachu canguichic” nishpami quillcanchic.

2 CORINTIOS 1:23

Ñucaca Corintoman risha nicushpapish, cancunata mana llaquichingaraicumi mana rircani. Chaitaca ñuca almata ricuc Diosllatacmi yachan.

2 CORINTIOS 10:15

Ñucanchicta Taita Dios maicaman ruhuachun nishcamanta, yallita ruhuashpa shuccuna ruhuashcamanta mana jatun tucunchicchu. Chaipac randica Dios maicaman ruhuachun nishcata ruhuashpaca, cancunapurapi alli crishpa sinchiyashpa c'atichunmi, ashtahuan trabajanata munanchic.

2 CORINTIOS 11:12

Imata mana chasquishpa, ñuca huillashpa cushicuc shina, chai llullashpa puriccuna huillashpa ama cushicuchunmi, ima shina ruhuacuc shinallatac ruhuashpa c'atisha.

2 CORINTIOS 11:31

Huiñaita “allimari cangui” nina, Apunchic Jesuspac Taita Diosllami, ñuca cashcatatac nicuctaca yachan.

2 CORINTIOS 12:19

Ñucanchic cancunata ima mana allita ruhuashcamanta “allipi llucshingaraicumi chashnaca nicun” ninguichicchari. ¡Mana chashnachu! Ashtahuanpish ñucanchicca Taita Diospac ñaupapi, shinallatac Jesucristopac acllashcacuna cashcamantami chashnaca ninchic. C'uyashca criccuna, imatapish ruhuashpaca, tandanacushca criccuna sinchiyashpa c'atichunmi chashnaca ruhuanchic.

2 CORINTIOS 9:2

Cancuna cushicushpa, tucui shunguhuan cuna cashcata yachashpami, chashnaca nini. Yalli huatamanta pachami, cancuna Acaya llacta criccuna tucui shunguhuan ayudanata munashcataca, Macedonia llacta criccunamanca cushicushpa huillacunilla. Cancuna chashna c'uyaihuan ayudac cashcata yachashpaca, Macedoniapi causac achca criccunapish cushicushpami, ayudanata munancuna.

GÁLATAS 1:20

Taita Dios ricucucpimi, mana llullashpa caicunataca quillcani.

GÁLATAS 2:20

Ñucaca Jesucristohuanmi chacatashca shina cani. Chaimantami ña mana ñucalla causacuni, ashtahuanpish Cristomi ñucapica causacun. Shinallatac cunanca Diospac Churita crishcamantami causani. Paica ñucata c'uyashpami, ñucamanta huañurca.

1 TESALONICENSES 2:10

Ñucanchic cancunahuan cashpaca, mana juchanchishca cangapacmi, Diospaclla tucushpa, allita causarcanchic. Chaitaca cancunapish yachanguichicmi, shinallatac Taita Diospish yachanmi.

1 TESALONICENSES 2:5

Mishquilla shimicunahuan jatun tucungaraicu jaicapi mana rimashcatapish, cullquita japingaraiculla imata mana ruhuashcatapish cancunallatac yachanguichicmi, shinallatac Taita Diospish yachanmi.

1 TIMOTEO 2:7

Tucui caicunata mana israelcunaman*f** huillashpa yachachichunmi, Jesusca ñucataca acllarca. Paicunamanca cashcata nic alli huillaita crichun nishpami yachachini. Ñucaca mana llullashpami, chashnatac cashcata nini.