2 CORINTIOS 10:1 - Nuevo Testamento en Quichua Cañar 1996

¹ Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa imatapish rimaricllashi cani nicucpipish, Cristo llaquishpa c'uyashcamantami cashna nishpa mañani:

Dios Rimashcata Quillcashcami

¹ Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa rimarini nicucpipish, Cristo llaquishpa cuyashcamantami cashna mañani:

2 CORINTIOS 10:1 ပူးပေါင်းရင်းမြစ်များ

SAN MATEO 11:29

Yuguta apac shina, ñuca yachachishcata c'atichic. Ñucaca mana p'iñaric, alli shungumi cani. Shina cacpimi sumac samarinata taringuichic.

SAN MATEO 21:5

“Sión*f** pueblopi causaccunaman cashna nishpa huillaichic: ‘Riquichic, cancunata Jatun Mandacca c'uyai shunguhuanmi burropi montashca cancunapacman shamucun. Paica aparic burropac huahua burritopimi montashca shamucun’ ” nishcami.

HECHOS 8:32

Pai rizacushca Dios quillcachishcaca: “Paitaca pactalla ovejata huañuchingapac apac shinami pusharcacuna. Huahuarac ovejata rutucucpi, upalla cac shinami, paica imata mana nirca.

ROMANOS 10:20

Diosmanta Isaías mana manchashpa q'uipaman huillashpaca: “Mana mashcac gentecunami ñucataca tarirca. Ñucata mana tapuc gentecunamanmi ñucaca ricurircani” ninmi.

ROMANOS 12:1

Chaimanta ñuca c'uyashca criccuna, Taita Dios llaquishcamanta cancunapac cuerpota Taita Diosman cushpa, rupachishca shina paipaclla tucushpa, pai munashca shina causachunmi mañani. Chashna ruhuashpami, Taita Diosta tucui shunguhuan alli ninguichic.

ROMANOS 15:15

Shina cacpipish caita quillcashpaca, cancuna ama cungarichunmi maijan rimaicunataca sinchita rimashpa quillcani. Taita Dios paipac c'uyaimanta,

1 CORINTIOS 2:3

Cancunahuan cashpaca, manchaihuan imapacpish mana valic shina, chucchucucmi carcani.

1 CORINTIOS 4:10

Ñucanchicca Cristota c'aticushcamantaca imata mana yachac, upacuna shina cashcatami yachanchic. Cutin cancunaca Cristomanta yachaccuna cashcatami yuyanguichic. Ñucanchicca imatapish mana ruhuaipaccuna cashcatami yachanchic. Cancunaca imatapish ruhuaipaccunalla cashcatami yuyanguichic. Ñucanchictaca mana ricunachishpa, p'iñaccuna cashcatami yachanchic. Cutin cancunaca: “Ñucanchictaca tucuimi alli nincuna” nishpami yuyanguichic.

1 CORINTIOS 4:21

Ñuca cancunapacman shamushpaca, ¿llaquichingapacchu shamuchun ninguichic? Mana cashpaca, ¿alli shungu c'uyaihuanchu shamuchun ninguichic?

2 CORINTIOS 10:10

Ñucataca maijancunaca: “Pai quillcashpa rimashpaca, sinchitami riman, ashtahuanpish pai quiquin caipi cashpaca, shina shinallami. Shinallatac pai rimashpaca, pitapish mana cazuchinchu” nincunami.

2 CORINTIOS 10:2

Ñuca ricungapac rishpa, ñucata “gentecuna yuyashca shinatami ruhuashpa puricun” niccunahuan ama rimanacuchunca, cancunarac utcashpa allichichic. Mana cashpaca, ñucallatacmi mana manchashpa, imatapish rimana yuyaihuan cani.

2 CORINTIOS 10:7

Cancunaca ima shina cashcata mana ricushpami, jahualla ima shina cashcallatatac ricunguichic. Maijan cancuna “Cristopacmi cani” nishpaca, ñucanchictapish Cristopac cashcatami yuyana canguichic.

2 CORINTIOS 11:21

Ñucanchictaca “manchashcamantami mana paicuna shina ruhuashca canga” ninguichicchari. ¡Chaimantaca pinganayanmi! Shina cacpipish shuctaccuna imamantapish jatun tucucpica, jatun tucuna mana alli cacpipish, jatun tucusha ninimi.

2 CORINTIOS 11:30

Imamanta jatun tucuna cacpica, ñuca llaquita apashpa, imata mana ruhuaipac cashcamantami jatun tucusha.

2 CORINTIOS 12:5

Chai runamantami ñucaca jatun tucuiman. Shina cacpipish ñucallamantatacca mana jatun tucuimanchu. Ñuca jatun tucushpaca, llaquita apashpa, imata mana ruhuaipac cashcamantami jatun tucusha.

2 CORINTIOS 3:12

Chai sumaimana huillashca yuyailla cashpami, mana manchashpa tucuiman huillacunchic.

2 CORINTIOS 5:20

Shina cashcamantami ñucanchicca Cristopac randi huillachun cachashca huillaccuna canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dioshuan alli tucuichic” nishpa mañacunchic.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai c'uyashpa, cancunaman allicunata cushcataca ama yangalla cashcata yuyanguichicchu nishpa rimanchic.

2 CORINTIOS 7:4

Ñucaca cancuna ima shina cashcata ricushpa cushicushpami, cai tucui llaquicunahuan cashpapish, ashtahuan c'atina yuyaita japishpa, yallita cushicuni.

GÁLATAS 4:13

Callaripi alli huillaita cancunaman huillacushpaca, ungushca cashpami huillarcani. Chaitaca cancunallatac yachanguichicmi.

GÁLATAS 5:2

¡Uyaichic! Ñucaca cancunapac ricsishca Pablomi cashna nini: Cancuna circuncisionta*f** ruhuanami nishcata uyashpa c'aticucllapica, Cristo imata ruhuashcapish yangamantami canman.

EFESIOS 3:1

Chaimantami ñucaca Jesucristopacta ruhuacushcamanta, cancuna mana israelcunapac*f** allipac caipi prezu cani.

EFESIOS 4:1

Chaimantami Apunchic Jesuspacta ruhuacushcamanta carcelpi tiyacuc Pablo cancunamanca cashna nini: Cancunaca Taita Dios ima shina causachun c'ayashca shina causaichic.

FILIPENSES 4:5

Apunchic Jesús cutimunaca ña caillapimi. Shina cashcamanta cancuna shungumanta llaquiccuna cashcata tucuiman ricuchichic.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

2 TESALONICENSES 3:17

Ñucaca Pablomi cani. Ñuca quiquin maquihuanmi: “Allilla cashca cachun” nishpa quillcani. Cashna cachac shinallatacmi, tucui quillcacunapi ñuca quiquin maquihuan quillcashpa cachani.

FILEMÓN 1:19

Caita rimacuc Pablollatacmi, caitaca quillcashpa cashna nini: “Onésimo imata canman cutichina cashca cacpica, paimantaca ñucami cutichisha.” Can quishpirishcamanta ñucaman ima allicunata ruhuana cacpipish, chaitaca mana nishpami cashna nini.

FILEMÓN 1:9

Chashna cashpapish ñucanchic c'uyanacushcamantami, canmanca c'uyaihuan mañani. Ñucaca ña yuyacmi cani. Cunancarin Jesucristomanta huillashpa puricucpi, prezu japishcami tiyacuni.

1 PEDRO 2:11

C'uyashca criccuna, cancunaca caru llactamanta shamushpa, causac shinallami cai pachapica canguichic. Cai pacha jucha munaicunaca cancunapac almahuanca macanacucunmi. Shina cashcamanta chai munaicunamanta huacaichirichun ninimi.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuc shinalla cashpami, cancunahuan pacta Dios mandacucpi cashpa, llaquita apashpa c'uyac shunguhuan ima llaquitapish apana yuyailla cani. Taita Dios Jesusman huillachishcata ñuca huillashcamantami, yacu chaupipi cac Patmos llactapi prezu carcani.