2 CORINTIOS 1:9 - Nuevo Testamento en Quichua Cañar 1996

⁹ Chaipica ña huañunalla shinami carcanchic. Shina cacpipish ñucanchicmanca chai llaquita apashcaca allimi carca. Chashna llaquita apashpami, mana ñucanchicllapi yuyaita churashpa, ashtahuanpish huañushcacunata causachic Dios yuyailla canata yachacurcanchic.

Dios Rimashcata Quillcashcami

⁹ Chaipica ña huañuna shinami carcanchic. Shina cacpipish ñucanchic chai llaquita apashpaca mana ñucanchicllapi yuyaita churashpa, ashtahuanpish huañushcacunata causachic Diospi yuyaita churanatami yachacurcanchic.

2 CORINTIOS 1:9 ပူးပေါင်းရင်းမြစ်များ

SAN LUCAS 18:9

“Allicunami canchic” nirishpa, shuccunata mana valichishpa puriccunamanmi, Jesusca cai yuyaita japina parlotapish parlarca:

ROMANOS 8:36

Dios quillcachishcapica: “Canmantami ima punzhapish huañuchishca canalla canchic. Ovejata huañuchinaman apashca shinatami charincuna” ninmi.

2 CORINTIOS 1:10

Taita Diosmi chai huañuna llaquimanta huacaichirca. Shinallatac paillatacmi tucui huañuna llaquimantapish huacaichinga. Chai shinallatac “ima llaquimantapish huacaichishpa c'atingami” nishpa yuyanchicmi.

2 CORINTIOS 1:8

C'uyashca criccuna, ñucanchic Asia llactapi ima shina jatun llaquita apashcata yachachunmi munanchic. Chaipica mana apaipac yalli llaquita apashpami, “ña mana ashtahuan causashunchu” nishpa yuyarcanchic.

2 CORINTIOS 3:5

Tucui cai ruhuanataca mana ñucanchic yachac cashcallamantachu ruhuanchic, ashtahuanpish Taita Diosmi ruhuachicun.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, tucurinalla ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Taita Diosllatac imatapish ruhuaclla cashcatami ricuchin.

HEBREOS 11:19

Abrahamca Taita Dios imatapish ruhuaclla cashcahuan, huañushcacunatapish causachic cashcata crishpami huañuchigrircalla. Shina crishcamantami, cutin causarishcata shina paipac churitaca chasquirca.