2 CORINTIOS 1:5 - Nuevo Testamento en Quichua Cañar 1996

⁵ Cristo llaquita apashca shinami, ñucanchicpish paihuan jatun llaquita apanchic. Chai shinallatacmi Cristomanta ñucanchicpish yallita cushicuita japinchic.

Dios Rimashcata Quillcashcami

⁵ Cristo llaquita apashca shina ñucanchicpish llaquita apashpaca Cristollamantatacmi yallita cushicuita japinchic.

2 CORINTIOS 1:5 ပူးပေါင်းရင်းမြစ်များ

SAN LUCAS 2:25

Chai punzhacunallapitacmi, Simeón runaca Jerusalenpi causacurca. Paica Diosta manchac, paita cazuc cashpami, israelcunata*f** Taita Dios quishpichingapac shamucta shuyacurca. Simeonca Diospac Espirituhuanmi carca.

HECHOS 9:4

Chashna tucucpi, pambaman Saulo urmacpica: “Saulo, Saulo, ¿ima nishpatac ñucata p'iñashpa llaquichicungui?” nishcami uyarirca.

ROMANOS 8:17

Ña paipac huahuacuna cashcamantaca, pai cusha nishca japina cashcatapish Cristohuan japishunmi. Chai japinataca Apunchic Jesucristo llaquita apashca shinallatac llaquita apashpami, sumaimana cushicuipi paihuan japishun.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca q'uipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

FILIPENSES 2:1

Cristo paipac c'uyaihuan cancunata sinchiyachishpa cushichicucpica, Diospac Espiritupish cancunahuanmi. Chaimantami caishuc chaishuc c'uyanacuipish, llaquinacuipish tiyan.

FILIPENSES 3:10

Cunanca tucuimanta yallica Cristota ricsishpami, pai causarishca q'uipa imatapish ruhuaclla cashcata ricusha nini. Shinallatac pai llaquita apashpa huañushca shinallatacmi, ñucapish llaquita apana cacpipish pai shina huañusha nini.

COLOSENSES 1:24

Cancunamanta llaquita apacushcamantaca, cunanca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

2 TIMOTEO 3:11

llaquita apashpa cushicuc cashcatapish yachanguimi. Antioquía pueblopi, Iconio pueblopi, shinallatac Listra pueblopi ñucata p'iñashpa llaquichishcata yachanguimi. Chashna llaquichicpipish, Apunchic Jesusllatacmi tucui chaicunamantaca huacaichirca.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.