2 CORINTIOS 1:24 - Nuevo Testamento en Quichua Cañar 1996

²⁴ Cancunaca ña alli criccunami canguichic. Chaimantami crishpa caita chaita ruhuachun nishpa, ña mana mandanchic, ashtahuanpish cancuna cushicuihuan crishpa c'atichunmi, ñucanchicca ayudanata munanchic.

Dios Rimashcata Quillcashcami

²⁴ Cancunaca ña alli criccunami canguichic. Crishpa caita chaita ruhuachun nishpaca, mana mandanchicchu, ashtahuanpish cancuna crishcamanta cushicuihuan catichunmi ayudanata munanchic.

2 CORINTIOS 1:24 ပူးပေါင်းရင်းမြစ်များ

SAN MATEO 24:49

caishuc serviccunata macashpa, machaccunahuan tandarishpa micushpa, ubiashpa puri callarinman.

ROMANOS 1:12

Cancunapish, ñucapish chaillatatac cric cashcamanta caishuc chaishuc yuyachinacushpa alli c'atingapacmi, chashna shamusha nicuni.

ROMANOS 11:20

Chaica chashnami can. Shina cashpapish chai israelcunaca mana crishcamantami, p'itishca shina tucurcacuna. Ashtahuanpish canca crishcallamantami chai yurapi churashca cangui. Chaimanta ama canllatac “allimi cani” nirichu, ashtahuanpish Taita Diosta manchai.

ROMANOS 5:2

Ñucanchic Apunchic Jesucristota crishcallamantami, Taita Diosman cuchuyashpa, pai mai c'uyac cashcataca yachanchic. Shina yachashpami sinchiyashpa, Diospac sumaimana cashcata japina yuyailla cashcamanta cushicunchic.

1 CORINTIOS 15:1

C'uyashca criccuna, cunanca ñuca huillashca alli huillaita yuyarichunmi munani. Cai alli huillaita chasquishpami, mana saquishpa c'atiracunguichic.

1 CORINTIOS 3:5

Ñucanchicca Pablo cashpa, Apolos cashpapish ima mana canchicchu, ashtahuanpish Apunchic Jesuspacta ruhuaccunallami canchic. Ñucanchic huillacpimi, cancunapish paita criccuna tucurcanguichic. Ñucanchicca Apunchic Jesús imata ruhuachun ricuchishcallata ruhuaccunami canchic.

2 CORINTIOS 11:20

Shinallatac servichiccunatapish, shuhuashpa quichuccunatapish, umaccunatapish, mana ricunachiccunatapish, p'iñashpa ñahuipi huactaccunatapish, cancunaca imata mana nishpa chasquinguichicllami.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta c'uyac cashcamantami, cancunata serviccuna canchic.

2 CORINTIOS 5:7

Cunanca paitaca mana ricui pudinchicchu, paita crishpallami causacunchic.

1 PEDRO 5:3

Cancunaman mingashca criccunataca, mana yalli mandashpalla charinachu canguichic, ashtahuanpish alli ruhuashcata paicuna ricushpa c'atichunca, cancunaracmi allita ruhuana canguichic.