2 CORINTIOS 1:23 - Nuevo Testamento en Quichua Cañar 1996

²³ Ñucaca Corintoman risha nicushpapish, cancunata mana llaquichingaraicumi mana rircani. Chaitaca ñuca almata ricuc Diosllatacmi yachan.

Dios Rimashcata Quillcashcami

²³ Corintoman ñuca risha nicushpapish, cancunata mana llaquichingaraicumi manarac rini. Chaitaca ñuca almata ricuc Diosllatacmi yachan.

2 CORINTIOS 1:23 ပူးပေါင်းရင်းမြစ်များ

HECHOS 18:1

Chashna huillashca q'uipami, Pabloca Atenas pueblomanta llucshishpa, Corinto puebloman rirca.

HECHOS 18:8

Tandanacuna huasipi mandac Crispo runapish, paipac tucui familiandicmi Apunchic Jesustaca crircacuna. Chashnallatac Corinto pueblopi causac caishuc gentecunapish, achcacunami quishpirinamanta alli huillaita uyashpaca, crishpa bautizarircacuna.

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca tucui shunguhuan paipacta ruhuashpami, paipac Churimanta alli huillaita huillacuni.

ROMANOS 9:1

Apunchic Jesusta cric cashcamantami, imatapish mana llullashpa cashcatatac nicuni. Shinallatac ñuca yuyaipish Diospac Espíritu pushashca cashcamantaca, caicunaca alli cashcatami yachani.

1 CORINTIOS 4:21

Ñuca cancunapacman shamushpaca, ¿llaquichingapacchu shamuchun ninguichic? Mana cashpaca, ¿alli shungu c'uyaihuanchu shamuchun ninguichic?

1 CORINTIOS 5:5

Shina cacpica, chai huacllirishca runataca paipac aicha llaquichishca cachun, Satanaspac*f** maquipi churaichic. Apunchic Jesús cutimui punzhapi chai runapac espirituta quishpichichunmi, chashnaca ruhuana canguichic.

2 CORINTIOS 1:1

Taita Dios munashcamanta Jesucristo acllashca huillac Pablomi cani. Jesusmanta ñucanchic huauqui Timoteohuan ishcai tucushpa, Corinto pueblopi Diospaclla tandanacushca criccunaman, shinallatac Acaya llactapi cac tucui criccunamanpish “allillachu canguichic” nishpami quillcanchic.

2 CORINTIOS 1:18

Ñucanchicca cancunaman chai ratollatac “mana”, chai ratollatac “ari” mana nicchu canchic. Chaitaca cashcata nic Taita Diospish yachanmi.

2 CORINTIOS 10:2

Ñuca ricungapac rishpa, ñucata “gentecuna yuyashca shinatami ruhuashpa puricun” niccunahuan ama rimanacuchunca, cancunarac utcashpa allichichic. Mana cashpaca, ñucallatacmi mana manchashpa, imatapish rimana yuyaihuan cani.

2 CORINTIOS 11:10

Cristomanta cashcata nic shimicunataca ñucaca ricsinitacmi. Chashna cashcamantami ñuca imata mana japishpa cushicunataca, tucui Acaya llactapi causaccunapish mana jarcangachu ni pudini.

2 CORINTIOS 11:11

Chashna nishpaca, ¿cancunata mana c'uyashcamantachu chashnaca nini? Taita Diosllatacmi ñuca cancunata c'uyac cashcataca yachan.

2 CORINTIOS 11:31

Huiñaita “allimari cangui” nina, Apunchic Jesuspac Taita Diosllami, ñuca cashcatatac nicuctaca yachan.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna ch'icanyarinacushpa, shuccuna ama charichun nishpa munanacushpa, p'iñanacushpa, quiquinlla alli canata munanacushpa, huashalla parlanacushpa, c'aminacushpa, jatun tucushpa shinallatac maipish cachun causashpa puricuctami manchani.

2 CORINTIOS 13:10

Ñuca cancunapacman rishpa ama yallita mandashpa llaquichingapacmi, manarac ricungapac rishpa, caita quillcashpa cachani. Apunchic Jesús mandashpaca, mana cancunata chingachichunchu mandarca, ashtahuanpish cancunata alli cricta ruhuashpa, ashtahuan sinchiyachichunmi mandarca.

2 CORINTIOS 13:2

Utcaman juchata ruhuaccunatapish shinallatac caishuc mana cazuccunatapish, ima shinami q'uipata sarun rishpa ñuca quiquin nircani, chai shinallatacmi cunan carupi cashpapish nini: Cutin ricungapac rishpaca, mana llaquishpami cancunataca llaquichisha.

2 CORINTIOS 6:6

Shinallatac pi mana juchanchipac, alli causac, imapish cashcata alli yachac, mana p'iñaric, llaquiccunami canchic. Diospac Espíritu ñucanchic shungupi cashcamantami, chuya shunguhuan c'uyaccuna cashcatapish ricuchinchic.

GÁLATAS 1:20

Taita Dios ricucucpimi, mana llullashpa caicunataca quillcani.

FILIPENSES 1:8

Jesucristo c'uyac shinallatac, ñuca tucui shunguhuan cancunata c'uyacushcataca Taita Diosllatac yachanmi.

1 TESALONICENSES 2:5

Mishquilla shimicunahuan jatun tucungaraicu jaicapi mana rimashcatapish, cullquita japingaraiculla imata mana ruhuashcatapish cancunallatac yachanguichicmi, shinallatac Taita Diospish yachanmi.

1 TIMOTEO 1:20

Chashnami Himeneopish, Alejandropish tucushca. Paicuna Taita Diosta ama c'amishpa c'atichun nishpami, Satanasman*f** llaquichichun curcani.