2 CORINTIOS 1:22 - Nuevo Testamento en Quichua Cañar 1996

²² Paimi ñucanchicta paipaclla cachun sellohuan unanchishca shinata ruhuashca. Shinallatac ñucanchic shungupi paipac Espirituta churashpami, q'uipa punzhapi ñucanchic japina cashcata ricuchishca.

Dios Rimashcata Quillcashcami

²² Paipaclla cachunmi sellohuan churashca shinata ruhuashca. Ñucanchic shungupi paipac Espirituta churashpami, quipa punzhapi ñucanchic japina cashcata ricuchishca.

2 CORINTIOS 1:22 ပူးပေါင်းရင်းမြစ်များ

SAN JUAN 3:33

Shina cashpapish pai huillashcata maijanllapish crishpaca, Taita Dios mana llullac cashcatami ricuchincuna.

SAN JUAN 6:27

Cancunaca ama chingariclla micunata mashcaichicchu. Chaica chingaringallami, ashtahuanpish mana chingaric micunata mashcaichic. Chai micunami huiñai causaitaca cun. Chai micunataca Runa Tucungapac shamushca*f** ñucallami cusha. Chaita cuchunmi Taita Diosca ñucataca cacharca— nirca.

ROMANOS 4:11

Abrahamtaca crishcallamantami Taita Diosca paihuan alli tucuchun chasquirca. Ashtahuanpish Dios chasquishcata ricuchingapacmi, q'uipata circuncisionta ruhuarca. Chashnami Abrahamca mana circuncisionta ruhuashca cashpapish, tucui criccunapac taita shina tucurca. Taita Diosca paicunatapish crishcallamantami paihuan alli tucuchun chasquirca.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Taita Dios paipac huahuacunata ricuchina punzhapi ñucanchic cuerpota huatashca shinamanta llucchictami shuyashpa, shungumanta llaquita apacunchic.

ROMANOS 8:9

Cancunapica Diospac Espiritumi causacun. Chaimantami cai pacha jucha munashca shinaca mana causacunguichic, ashtahuanpish Diospac Espíritu yuyaita cushca shina causacunguichic. Maijanpish Cristopac Espirituta mana charicca, mana Cristopacchu.

2 CORINTIOS 5:5

Chashna japichunca, Diosmi ñucanchicmanca yuyaita curca. Chaita japina cashcata ricuchichunca, paillatacmi paipac Espirituta ñucanchicmanca curca.

EFESIOS 4:30

Taita Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan unanchishpa ch'icanyachirca. Chaimanta millaita rimashpa ama Diospac Espirituta nanachichicchu.

1 TESALONICENSES 4:8

Chashna cashcamanta pipish cai yachachishcacunata mana chasquicca, mana runallatachu mana chasquin, ashtahuanpish cancunaman paipac Espirituta cuc Taita Diostami mana chasquin.

2 TIMOTEO 2:19

Shina cacpipish Taita Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: “Taita Dios pai acllashcacunataca ricsinmi. Shinallatac Diosta criccunaca tucui millaimanta anchurinami can” nishcami.

APOCALIPSIS 2:17

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca pacashca tiyacuc maná shuti tandatami carasha. Shinallatac yuraclla rumitami cusha. Chaipica mushuc shutita quillcashcami canga. Chaitaca pipish mana ricsingachu, ashtahuanpish chaita chasquicllami ricsinga.

APOCALIPSIS 7:3

—Ñucanchic Taita Diospacta ruhuaccunapac frentepi unanchingacaman cai pacha allpatapish, mama cucha yacutapish, shinallatac ima yuratapish ama imata ruhuanguichicchu— nirca.

APOCALIPSIS 9:4

Chashna chasquicpica allpapi tiyac q'uihuatapish, yuracunatapish, tucui imapish verdella caccunataca ama imata ruhuachunmi cacharca, ashtahuanpish Diospac unanchishcata frentepi mana charic gentecunallata llaquichichunmi cacharca.