2 CORINTIOS 1:1 - Nuevo Testamento en Quichua Cañar 1996

¹ Taita Dios munashcamanta Jesucristo acllashca huillac Pablomi cani. Jesusmanta ñucanchic huauqui Timoteohuan ishcai tucushpa, Corinto pueblopi Diospaclla tandanacushca criccunaman, shinallatac Acaya llactapi cac tucui criccunamanpish “allillachu canguichic” nishpami quillcanchic.

Dios Rimashcata Quillcashcami

¹ Dios munashcamanta Jesucristopac apóstol Pablomi huauqui Timoteohuan Corinto pueblo, shinallatac Acaya llacta Diospaclla tandanacushca criccunaman quillcanchic.

2 CORINTIOS 1:1 ပူးပေါင်းရင်းမြစ်များ

HECHOS 16:1

Chai q'uipami Pabloca Silasndic Derbe pueblota rishpa, Listra puebloman chayashpaca, cric Timoteo tuparcacuna. Paipac mamaca israelcunapura*f** Jesusta cric huarmimi carca. Taitaca griego*f** runami carca.

ROMANOS 15:26

Acaya llactapi, shinallatac Macedonia llactapi causac criccunaca paicunapac munaimanta tandachishpa, Jerusalenpi causac huaccha criccunaman cuchun cachashcamantami, ñucaca chaiman rigrini.

ROMANOS 16:21

Ñucahuan Diospacta ruhuac Timoteopish “allilla cashca cachun” nishpami cachan. Ñuca llactamanta cac Luciopish, Jasonpish, Sosipaterpish “allilla cashca cachun” nishpami cachancuna.

ROMANOS 16:5

Shinallatac Priscilapac, Aquilapac huasipi tandanacuc criccunatapish “allilla cashca cachun” nichic. Asia llactapi causac ñucahuan mai apanacuc Epenetotapish “allilla cashca cachun” nichic. Paimi chai llactapica Jesucristota punta cric carca.

1 CORINTIOS 10:32

Cancunaca israelcunatapish,*f** mana israelcunatapish,*f** shinallatac Diospaclla cac tandanacushca criccunatapish ama ima mana allita ruhuashpa pandachichicchu.

1 CORINTIOS 16:10

Timoteo chayacpica, cushilla cachun paitaca alli chasquinguichic. Paica ñuca shinallatacmi Apunchic Jesucristopacta ruhuac can.

1 CORINTIOS 16:15

C'uyashca criccuna, Acaya llactapi quishpirinamanta alli huillaita huillacpica, Estéfanas paipac familiandic punta cric tucushcataca cancunallatac yachanguichicmi. Paicunami shuctac criccunataca servina yuyailla causancuna.

1 CORINTIOS 16:24

Apunchic Jesucristohuan shuc shinalla tucushcamantaca, tucui cancunatami ñucaca c'uyacunilla.

1 CORINTIOS 6:11

Shinallatac ñaupamanca cancunapuramanta maijancunaca chashna ruhuaccunallatacmi carcanguichic. Ashtahuanpish cunanca Diospaclla cachun pai acllashpa, chuyayachishcacunami canguichic. Ñucanchic Taita Diospac Espiritumantapish, Apunchic Jesucristomantapish ñami paihuan alli tucuchun chasquishcacuna canguichic.

2 CORINTIOS 1:19

Silvanopish, Timoteopish shinallatac ñucapish cancunaman huillacushca, Diospac Churi Jesucristoca mana chai ratollatac “ari”, chai ratollatac “mana” nicchu carca. Jesucristoca Taita Dios ari nishcata pactachictacmi.

2 CORINTIOS 1:23

Ñucaca Corintoman risha nicushpapish, cancunata mana llaquichingaraicumi mana rircani. Chaitaca ñuca almata ricuc Diosllatacmi yachan.

2 CORINTIOS 11:10

Cristomanta cashcata nic shimicunataca ñucaca ricsinitacmi. Chashna cashcamantami ñuca imata mana japishpa cushicunataca, tucui Acaya llactapi causaccunapish mana jarcangachu ni pudini.

2 CORINTIOS 9:2

Cancuna cushicushpa, tucui shunguhuan cuna cashcata yachashpami, chashnaca nini. Yalli huatamanta pachami, cancuna Acaya llacta criccuna tucui shunguhuan ayudanata munashcataca, Macedonia llacta criccunamanca cushicushpa huillacunilla. Cancuna chashna c'uyaihuan ayudac cashcata yachashpaca, Macedoniapi causac achca criccunapish cushicushpami, ayudanata munancuna.

GÁLATAS 1:1

Ñucaca mana gentecunalla acllashcapac huillachun cachashcachu cani, ashtahuanpish Taita Diospish, shinallatac pai causachishca Jesucristopish huillachun cachashca Pablomi cani.

GÁLATAS 3:26

Tucui cancunami Jesucristota crishcamantaca, Diospac huahuacuna canguichic.

EFESIOS 1:1

Ñucaca Taita Dios munashcamanta Jesús acllashca huillac Pablomi, Efeso pueblopi maijanlla Jesucristota crishpa Taita Diospaclla caccunaman caita quillcani.

FILIPENSES 1:1

Ñucanchicca Apunchic Jesucristopacta ruhuaccuna cashpami, Pablohuan Timoteohuan tucushpa, Filipos pueblopi causac tandanacushca criccunata pushaccunaman, ayudaccunaman, shinallatac Jesucristohuan shuc shinalla tucushca, Diospaclla cac tucui criccunamanpish caita quillcashpa cachanchic.

1 TESALONICENSES 1:1

Cai quillcataca Pablomi Silvanohuan, Timoteohuan tucushpa, Tesalónica pueblopi causac tandanacushca criccunaman quillcashpa cachanchic. Cancunaca Taita Dioshuanpish, Apunchic Jesucristohuanpish shuc shinallami canguichic. Cancunamanca Taita Dios mai c'uyashpa, cushi causaita cushca cachun ninchicmi.

1 TESALONICENSES 3:2

Jesusmanta ñucanchic huauqui Timoteollata cancunapacman cacharcanchic. Paica Cristomanta alli huillaita huillashpa, Taita Diospacta ruhuacmi. Pai cancunapacman rishpa cunashpa, alli crina yuyaita cuchunmi, chashna cacharcanchic.

2 TESALONICENSES 1:1

Cai quillcataca Pablomi Silvanohuan, Timoteohuan tucushpa, Tesalónica pueblopi causac tandanacushca criccunaman quillcashpa cachanchic. Cancunaca ñucanchic Taita Dioshuanpish, Apunchic Jesucristohuanpish shuc shinallami canguichic.

1 TIMOTEO 1:1

Ñucanchicta Quishpichic Taita Dios, shinallatac Apunchic Jesucristo mandashcamanta, ñucanchic crishpa shunguta churashca Apunchic Jesucristo acllashca huillac Pablomi,

2 TIMOTEO 1:1

Ñucaca Taita Dios munashcamanta, Apunchic Jesucristo acllashca huillac Pablomi cani. Apunchic Jesucristohuan shuc shinalla tucushcamanta, pai cushami nishca causaita huillacmi cani.

TITO 1:1

Diospacta ruhuac, shinallatac Apunchic Jesucristo acllashca huillac Pablomi caita quillcashpa cachani. Dios acllashcacuna cashcata nic huillashcata yachashpa, crishpa paipaclla causachunmi, chashnaca huillani.

FILEMÓN 1:1

Jesucristomanta huillashpa puricucpi prezu japishca Pablomi, Jesusmanta huauqui Timoteondic, ñucanchic shina Diospacta ruhuac c'uyashca Filemonman caita quillcashpa cachanchic.

HEBREOS 13:23

Jesusmanta ñucanchic huauqui Timoteo ña carcelmanta llucshishcata yachachunmi munani. Pai utca shamucpica, paihuanmi cancunata ricungapac shamusha.