1 TIMOTEO 6:21 - Nuevo Testamento en Quichua Cañar 1996

²¹ Chai yachachishcata c'atishpami, maijancunaca crishcata saquishcacuna. Taita Diosca paipac sumaimana c'uyaita canman cushca cachun ninimi.

Dios Rimashcata Quillcashcami

²¹ Chai yachachishcacunata catishpami, maijancunaca crishcata saquishcacuna. Diosca paipac sumaimana cuyaita canman cushca cachun ninimi.

1 TIMOTEO 6:21 ပူးပေါင်းရင်းမြစ်များ

SAN MATEO 6:13

Ama ima millaipi urmachun saquinguichu, ashtahuanpish tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]’ nishpa mañanguichic.

ROMANOS 16:20

Chashnami sumac cushicui causaita cuc Taita Diosca Satanastaca*f** cancunapac chaqui sarunapi ñalla churanga. Ñucanchic Apunchic Jesusca cancunata mai c'uyashpa allicunata cushca cachun.

ROMANOS 16:23

Shinallatac ñucatapish, tandanacushca criccunatapish pozachic Gayopish “allilla cashca cachun” nishpami cachan. Cai pueblopac cullquita tandachic Erastopish, Jesusmanta huauqui Cuartopish “allilla cashca cachun” nishpami cachancuna.

COLOSENSES 4:18

Pablomi quiquin maquihuan quillcashpa, “allilla cashca cachun” nishpa cachani. Ñuca carcelpi tiyacushcataca, ama cungaringuichicchu. Taita Diosca paipac sumaimana c'uyaita tucui cancunaman cushca cachun ninimi.

1 TIMOTEO 1:19

Cambac yuyai ama juchanchishca cachunca, alli crishpa c'atingui. Maijancunaca quiquin yuyaipi mana jarcarishpami, yacupi aguaric shina crishcata saquishpa, llaqui tucushcacuna.

1 TIMOTEO 1:6

Maijancunaca cai allicunata saquishpami, yangalla parlocunata parlangapac chingarishcacuna.

1 TIMOTEO 6:10

Yallimana cullquita charina munaica tucui laya millaicunapimi urmachin. Chashnami maijancunaca cullquita charinata yallita munashpa, crinatapish saquishpa, tauca llaquicunatapish aparcacuna.

2 TIMOTEO 2:18

Paicunaca chashna tucushpami cashcata nic yachachishcata saquishpa, “huañushcacunaca ñami causarishca” nishpa tauca criccunata pandachishpa puricuncuna.

2 TIMOTEO 4:22

Apunchic Jesucristo canhuan cachun. Shinallatac Taita Diosca paipac sumaimana c'uyaita tucui cancunaman cushca cachun ninimi.

TITO 3:15

Tucui ñucahuan caccunami cantaca “allilla cashca cachun” nishpa cachancuna. Shinallatac ñucanchicta c'uyac caishuc criccunatapish “allilla cashca cachun” nishpa cungui ninimi. Taita Diosca paipac sumaimana c'uyaita tucui cancunaman cushca cachun ninimi.

HEBREOS 13:25

Taita Diosca paipac sumaimana c'uyaita tucui cancunaman cushca cachun ninchicmi.