1 TIMOTEO 6:20 - Nuevo Testamento en Quichua Cañar 1996

²⁰ Timoteo, tucui canman mingashcacunataca allita huacaichingui nishpami mandani. “Caicunaca alli yachanami” nishpa, p'iñanacuipi churac yanga yachanacunataca pacta uyanguiman.

Dios Rimashcata Quillcashcami

²⁰ Timoteo, tucui canman mingashcacunataca allita huacaichingui. “Caicunaca alli yachanami” nishpa, piñanacuipi churac yanga yachanacunataca pacta uyanguiman.

1 TIMOTEO 6:20 ပူးပေါင်းရင်းမြစ်များ

HECHOS 16:1

Chai q'uipami Pabloca Silasndic Derbe pueblota rishpa, Listra puebloman chayashpaca, cric Timoteo tuparcacuna. Paipac mamaca israelcunapura*f** Jesusta cric huarmimi carca. Taitaca griego*f** runami carca.

HECHOS 17:18

Epicúreos*f** nishca yachaccunamantapish, estoicos*f** nishca yachaccunamantapish, maijancunaca Pablohuan rimanacungapacmi tandanacurcacuna. Jesusmanta alli huillaita, shinallatac huañushcacuna causarinamanta Pablo huillacucpimi, maijancunaca: —Cai imatapish rimaricuclla runaca cashna nishpaca, ¿imatashi nisha nin?— nircacuna. Cutin maijancunaca: —Paica shuc dioscunamanta yachachicmari yuyachin— nircacuna.

HECHOS 17:21

(Atenas pueblopi causaccunapish, carumanta shamushpa chaipi causaccunapish, tucuimi ima manarac uyashcata parlana, uyana yuyailla causarcacuna).

ROMANOS 1:22

“Jatun yachaccunami canchic” nishpapish, paicunaca mana yachaccunami tucushca.

ROMANOS 3:2

Tucui chaicunaca imapacpish allimi can. Chaita ricuchingapacmi, puntaca Taita Diosca israelcunaman pai rimashca shimitaca cushca.

1 CORINTIOS 2:6

Shina cashpami ña sinchi criccunapura cashpaca, yachac tucuna rimaicunahuan rimanacunchic. Ashtahuanpish cai yachac tucuna rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

1 CORINTIOS 3:19

Cai pacha gentecuna yachashcallaca, Diospac ñaupapica imata mana yachashca shinami. Dios quillcachishcapica: “Taita Diosca chai jatun yachaccunataca, paicunapac yachashcallahuantacmi tucllapi shina urmachin” ninmi.

COLOSENSES 2:18

“Diosta alli cazuccunami canchic” nishpa nic tucuccuna, “angelcunata alli niccunami canchic” niccuna, shinallatac “muscuipi imatapish ricuccunami canchic” niccuna pandachichunca, ama saquinguichicchu. Paicunaca imamantapish “allimi canchic” mana nirina cashpapish, paicunapac yuyaillamantami “allimi canchic” nirincuna.

COLOSENSES 2:8

Chai llullashpa yachachiccuna cancunata yanga paicuna yuyashcallahuan crichichunca, ama saquinguichicchu. Paicunaca ñaupa taitacuna yachashcallata, shinallatac cai pacha imapish tiyashca manchanallacunatami yachachincuna. Ashtahuanpish Jesucristomantaca mana yachachincunachu.

2 TESALONICENSES 1:4

Cancunata llaquichicucpipish, p'iñacucpipish alli crishpa, sinchita c'aticushcataca, tandanacushca criccunamanca cushicushpami parlanchic.

2 TESALONICENSES 2:15

Shina cashcamanta c'uyashca criccuna, ñucanchic quillcashpapish, ñucanchic yachachishpapish, imata nishcataca amatac cungarishpa c'atiraichiclla.

1 TIMOTEO 1:11

Cashnaca quishpirinamanta sumac alli huillaimi yachachin. Chaita huillachunmi, tucui mashna alli nina Taita Dios ñucaman mingarca.

1 TIMOTEO 1:2

Jesusta crishcamanta ñucapac quiquin huahua shina cac Timoteoman caita quillcashpa cachani. Ñucanchic Taita Diospish, Apunchic Jesucristopish sumaimana c'uyaihuan llaquishpa, canman sumac causaita cushca cachun nishpami quillcani.

1 TIMOTEO 1:4

yachacushpallapish ama c'atichun nishpa jarcangui. Chai yachanacunaca yanga parlocuna, shinallatac mana yupaipac ñaupa taitacunapac shuticunallami. Tucui chaicunaca p'iñanacuillapi churashpami, maijanpish Jesusta cricpi, Taita Dios quishpichisha nicushca crinataca jarcan.

1 TIMOTEO 1:6

Maijancunaca cai allicunata saquishpami, yangalla parlocunata parlangapac chingarishcacuna.

1 TIMOTEO 1:9

Mandashcacunataca Taita Diosca cashcata ruhuaccunata llaquichichunca mana curcachu, ashtahuanpish p'iñaccunata, mana cazuccunata, imapish mana allita ruhuaccunata, juchalliccunata, Taita Diosta burlaccunata shinallatac paita cricpipish asiccunata, taita mamata huañuchiccunata, pitapish huañuchiccunata,

1 TIMOTEO 4:7

Imapish yanga parlocunataca ama uyanguichu. Chaipac randica cuerpota pucllangapac allichiric shina, Taita Diospac ñaupapi alli causana yuyailla cangui.

1 TIMOTEO 6:11

Ashtahuanpish cantaca Diospacta ruhuac cashcamantaca, tucui chai mana allicunamanta anchurichun ninimi. Cantaca cashcata ruhuashpa, Taita Diosllata yuyarishpa, crishca yuyailla c'uyaihuan mana p'iñariclla, shinallatac c'uyac shunguhuan causanata munachunmi nini.

1 TIMOTEO 6:14

Cantaca ñucanchic Apunchic Jesucristo cutimungacaman, cai tucui ñuca nishcacunata pactachishpa, allita cazushpa ruhuachunmi mandani. Chashna ruhuacpica, pipish mana juchanchingachu.

2 TIMOTEO 2:1

Ñuca c'uyashca huahua shina Timoteo, canca Jesucristohuan shuc shinalla cashcamanta, Dios c'uyashpa allicunata cushcahuanca ashtahuan sinchi tucuiyari.

2 TIMOTEO 2:16

Imapish yanga rimanacuicunamantaca anchuringui. Chai rimaicuna mirarishpaca, ashtahuan ashtahuan p'iñanacuipi churashpami, Diosmanta caruyachinga.

TITO 1:14

Israelcunapac*f** yuyaimanta llullashca yanga parlocunatapish, chashnallatac cashcata nic huillashcata mana cazushun niccuna mandashcacunatapish ama uyachunmi, chashna sinchita rimana cangui.

TITO 1:4

Ñuca shina cric cashcamanta ñucapac quiquin huahua shina Tito, ñucanchic Taita Diospish, Apunchic Jesucristopish mai c'uyashpa, canman sumac causaita cushca cachun nishpami caita quillcani.

TITO 1:9

Shinallatac paica Diosmanta ima shina yachachishca shinallatacmi yachachina can. Cashcata nic huillashcata chashna yachachishpami, shuccunamanpish yuyaita cushpa, “mana chashnachu” niccunatapish upallachinga.

TITO 3:9

Shina cacpipish imapish yanga parlocunamanta, mana yupaipac ñaupa taitacunapac shuticunamanta, Moisés mandashcacunata pactachinami nishpa p'iñanacunamanta, shinallatac ima shuctac p'iñanacunamantapish huacaichiringui. Chaicunaca imapish mana alli cashpami yangalla can.

APOCALIPSIS 3:3

Callaripi ima shina yachacushcataca yuyarishpa, Diosman cutirishpa c'atiraichic. Cancuna mana yuyarishpa Diosman mana cutiricpica, cancuna mana yuyashca horasmi shuhua shamuc shina cancunapacman shamusha.