1 TIMOTEO 5:20 - Nuevo Testamento en Quichua Cañar 1996

²⁰ Shina cacpipish juchata ruhuashpa c'aticpica, tucui tandanacushca criccunapac ñaupapimi rimana cangui. Chashna ruhuacpimi, tucui mashna manchangacuna.

Dios Rimashcata Quillcashcami

²⁰ Juchata ruhuashpa caticcunataca, tucuipac ñaupapi rimangui. Chashna ruhuacpimi, shuccunapish manchangacuna.

1 TIMOTEO 5:20 ပူးပေါင်းရင်းမြစ်များ

HECHOS 19:17

Efeso pueblopi causac israelcunapish, mana israelcunapish chashna tucushcata uyashpaca mancharishpami, Apunchic Jesustaca “allimari cangui” nircacuna.

HECHOS 5:11

Tandanacushca criccunapish, tucui uyaccunapish chashna tucushcata yachashpaca, munaimi mancharircacuna.

HECHOS 5:5

Pedro chashna nicpi, Ananiasca chaita uyashcahuanmi, chaillapitac huañurca. Chashna tucushcata uyaccunapish, tucuimi mancharircacuna.

2 CORINTIOS 7:11

Cancuna Dios munashca shina llaquirishcamantaca, imata tucushcataca yuyarichic. Chashna llaquirishcamantami ima shina cashcata yuyarishpa, allichirishpa, yuyaita japircanguichic. Shinallatac p'iñarishpapish, manchana yuyaitami japircanguichic. Chai q'uipaca ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

EFESIOS 5:11

Amsapi causac, yangalla mana allita ruhuaccuna shina ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

1 TIMOTEO 1:20

Chashnami Himeneopish, Alejandropish tucushca. Paicuna Taita Diosta ama c'amishpa c'atichun nishpami, Satanasman*f** llaquichichun curcani.

2 TIMOTEO 4:2

Alli huillaitaca uyasha nicpi, mana uyasha nicpipish huillacunguilla. Mana p'iñarishpa alli yachachishpa rimacuilla, cunacuilla nishpami mingani.

TITO 1:13

Chashna nishpaca, cashcatatacmi nirca. Chaimantami chai pandachiccunataca Diosmanta yachachishcallata criccuna cachunca, sinchita rimana cangui.

TITO 2:15

Cai ñuca nishcacunata yachachicushpaca, cunashpa shinallatac mana allita ruhuaccunataca canllatac rimashpa cazunata yachachingui. Ama pi canta mana alli nishpa rimachun saquinguichu.