1 TIMOTEO 4:15 - Nuevo Testamento en Quichua Cañar 1996

¹⁵ Diospacta ruhuashpa alli c'aticushcata tucui mashna ricuchunca, cai ñuca nishcacunapi tucui yuyaita churangui.

Dios Rimashcata Quillcashcami

¹⁵ Diospacta ruhuashpa alli caticushcata tucui mashna ricuchunca, cai rimashcacunapi yuyaita churashpa allita ruhuangui.

1 TIMOTEO 4:15 ပူးပေါင်းရင်းမြစ်များ

SAN MATEO 5:16

Shinallatac cancunapish, cai pachapi causaccunapac ñaupapica, luz achicyachic shina allita ruhuashpa causaichic. Cancuna chashna ruhuacta ricushpami, jahua pachapi tiyac cancunapac Taita Diostaca ‘allimari cangui’ ningacuna.

HECHOS 6:4

Paicuna chaita ruhuacucpica, ñucanchicca Taita Diosman mañanatapish, paimanta huillanatapish mana saquishunchu— nircacuna.

1 CORINTIOS 16:15

C'uyashca criccuna, Acaya llactapi quishpirinamanta alli huillaita huillacpica, Estéfanas paipac familiandic punta cric tucushcataca cancunallatac yachanguichicmi. Paicunami shuctac criccunataca servina yuyailla causancuna.

2 CORINTIOS 4:14

Apunchic Jesusta huañushcacunapuramanta causachic Diosllatacmi, ñucanchictapish Jesusta shinallatac causachinga. Shinallatac cancunahuan pactami paipac ñaupamanca ñucanchictaca pushanga. Chaitaca yachanchicmi.

2 CORINTIOS 8:5

Paicuna cushpaca, ñucanchic yuyacushcatapish yallimari curcacuna. Paicunapac quiquin munaimantami, puntaca Apunchic Jesucristopacta ruhuanata munarcacuna. Chaipac q'uipaca Dios munashca shinami, ñucanchicpacta ruhuanatapish munarcacuna.

1 TIMOTEO 4:14

Criccunata pushaccuna cambac uma jahuapi maquita churashpa mañacpica, Dios imata ruhuachun cushcata pacta cungaringuiman. Paicunaca Taita Dios yuyaita cucpimi, chashnaca ruhuarcacuna.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuacushpaca canpish quishpiringuimi, shinallatac can huillashcata uyaccunapish quishpiringacunami.

1 TIMOTEO 4:6

Cai rimashcacunata criccunaman yachachishpa, shinallatac crinata yachachic shimicunatapish, can c'aticushca alli yachanacunatapish micunata micuc shina yachacushpaca, Jesucristopacta allita ruhuacmi cangui.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.