1 TIMOTEO 3:4 - Nuevo Testamento en Quichua Cañar 1996

⁴ Paipac huasipipish allita pushashpa causac, huahuacunatapish alli cazuchic, alli canata yachachicmi cana can.

Dios Rimashcata Quillcashcami

⁴ paipac huasipipish allita pushashpa causac, huahuacunatapish alli cazuchic, alli canata yachachicmi cana can.

1 TIMOTEO 3:4 ပူးပေါင်းရင်းမြစ်များ

HECHOS 10:2

Chai runaca paipac tucui familiandicmi Diosta manchac, yuyaric, mañarac carca. Shinallatac israelcunapurapi*f** huacchacunaman cullquita cucmi carca.

EFESIOS 5:24

Tandanacushca criccunaca Jesucristota cazucmi. Shinallatac huarmicunapish, tucui imapipish cancunapac cusacunata cazuichic.

FILIPENSES 4:8

C'uyashca criccuna, cunanca ña caillatami nisha nini: Tucui imapipish mana llullac canata, shuccuna alli nishca canata, tucui imatapish allita ruhuac canata, tucui imapipish mapa illac canata, pimanpish c'uyaita ricuchic canata, shinallatac tucuipac alli nishca canatapish yuyaichic. Chai shina yuyaicuna tiyacpica, chaillata yuyashpa c'atichic. Tucui imapipish alli nishca canallata yuyaichic.

1 TIMOTEO 3:12

Criccunata ayudaccunaca shuc huarmiyuclla, shinallatac huahuacunatapish huasi ucupuratapish allita yachachicmi cana can.

TITO 1:6

Criccunata pushacca pipish mana juchanchishca, shuc huarmillahuan causacmi cana can. Paipac huahuacunapish Apunchic Jesucristotaca cricmi cana can. Shinallatac millaita ruhuashcamantapish, mana cazushcamantapish pi mana juchanchishcami cana can.

TITO 2:2

Ñaupa huiñai taitacunataca mana p'iñaric, mana pucllaric, alli yuyaiyuc, alli cric, c'uyac, mana p'iñarishpa llaquita apac cachun yachachingui.

TITO 2:7

Ima ruhuaipipish canrac allita ruhuashpa ricuchingui. Yachachicushpapish ama pucllarishpa, ama nic tucushpalla yachachingui.