1 TIMOTEO 3:2 - Nuevo Testamento en Quichua Cañar 1996

² Shina cashcamanta tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, mana yalli pucllaric, mana maipish cachun causac, huasiman chayaccunatapish alli chasquic, yachachinatapish alli yachachicmi cana can.

Dios Rimashcata Quillcashcami

² Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

1 TIMOTEO 3:2 ပူးပေါင်းရင်းမြစ်များ

SAN LUCAS 1:6

Paicunaca cusandic huarmindictac Diospac ñaupapi alli causaccunami carca. Pipish mana imata juchanchipac, Dios mandashcacunatapish, yachachishcacunatapish tucuita alli pactachiccunami carca.

SAN LUCAS 2:36

Shinallatac Taita Dios ima nishcata huillac, yuyac Ana huarmipish chaipimi carca. Paica ñaupa taita Aserpac aillupuramanta Fanuelpac ushimi carca. Cazarashcamanta canchis huatallapimi, cusaca huañurca.

ROMANOS 12:13

Criccunapurapi ima illacpica, quiquinpac ima illashcata shina yuyashpa cunguichic. Maijanpish cancunapac huasiman shamucpica, alli chasquinguichiclla.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

1 TIMOTEO 3:12

Criccunata ayudaccunaca shuc huarmiyuclla, shinallatac huahuacunatapish huasi ucupuratapish allita yachachicmi cana can.

1 TIMOTEO 3:8

Shinallatac criccunata ayudaccuna cangapacca, mana machac, mana llullac, cullquita japingaraicu imapish millaita mana ruhuac, tucui gentecunapacpish alli nishcami cana can.

1 TIMOTEO 4:3

Chai yachachiccunaca cazaranapish, maijan micunata micunapish mana allichu nincunami. Ashtahuanpish Taita Diosca cashcata yachac criccunamanca paita pagui nishpa micuchunmi, chaicunataca ruhuarca.

1 TIMOTEO 5:10

Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.

1 TIMOTEO 5:22

Maijanpish Taita Diospacta ruhuachun uma jahuapi churashpa Taita Diosman mañangapacpish, puntaca alli yuyarinami cangui. Pacta juchayuccunaman tucushpa, mana allita ruhuanguiman. Tucui imapish mana allimantaca huacaichiringui.

1 TIMOTEO 5:9

Tandanacushca cric viudacunapac quillcanapica, shuc cusallahuan causashca sucta chunga yalli huatata charic viudacunapac shuticunallata quillcangui.

2 TIMOTEO 2:24

Maijanpish Apunchic Jesusta servicca mana pihuanpish p'iñanacushpachu purina, ashtahuanpish tucuihuan apanacucmi cana can. Shinallatac mana p'iñaricpish, alli yachachicpish canami can.

TITO 2:2

Ñaupa huiñai taitacunataca mana p'iñaric, mana pucllaric, alli yuyaiyuc, alli cric, c'uyac, mana p'iñarishpa llaquita apac cachun yachachingui.

HEBREOS 13:2

Maijanpish huasiman chayaccunata cushilla chasquinataca, ama cungaringuichicchu. Chai shina pi cashcata mana yachashpa chasquishpami, maijancunaca angelcunata chasquishcacuna.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Taita Diosman mañaracuichiclla.

1 PEDRO 4:9

Shinallatac mana huashalla rimashpa, caishuc chaishuc huasipi chasquinacuichiclla.

1 PEDRO 5:8

Cancunata mana ricunachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.