1 TIMOTEO 1:5 - Nuevo Testamento en Quichua Cañar 1996

⁵ Caita mandashpaca, shungupi mana mapa yuyaihuan, pipish mana juchanchishca, mana nic tucushpalla crishpa, caishuc chaishuchuan c'uyanacuchunmi nini.

Dios Rimashcata Quillcashcami

⁵ Caita mandashpaca, chuya shunguhuan, chuya yuyaihuan, mana nic tucushpalla crishpa, caishuc chaishuc-huan cuyanacuchunmi nini.

1 TIMOTEO 1:5 ပူးပေါင်းရင်းမြစ်များ

SAN MATEO 12:35

Alli runaca paipac shungupi alli yuyaicuna tiyashcamantami, allicunallata riman. Shinallatac mana alli runaca, paipac shungupi mana alli yuyaicuna tiyashcamantami, mana allita riman.

SAN MATEO 5:8

Taita Dios yuyailla causanata munashpa, chuya shungu canata munaccuna, ¡cushicuichic! Cancunami Taita Diostaca ricunguichic.

HECHOS 15:9

Paicuna crishcallamantami shungumanta juchacunata anchuchishpa ñucanchicpish, paicunapish chashnallatac cashcata ricuchirca.

HECHOS 23:1

Chai tandanacushca mandaccunata ricushpami Pabloca: —Caipi tandanacushca tucui Israel*f** huauquicuna. Ñucaca cunan punzhacamanmi, Taita Diospac ñaupapica alli shunguhuan causacuni— nirca.

HECHOS 24:16

Chaimantami ñucaca Taita Diospac ñaupapipish, gentecunapac ñaupapipish mana juchanchishca alli causanallata munani.

ROMANOS 10:4

Maijanpish crishpalla Taita Dioshuan alli tucuchunca, Cristollami mandashcacunata pactachishpa, Taita Dioshuan alli tucuna cashcata pactachirca.

ROMANOS 12:9

Mana nic tucushpalla caishuc chaishuchuan c'uyanacuichic. Imapish mana alli ruhuanacunata saquishpa, allita ruhuana yuyailla caichic.

ROMANOS 14:15

Shina cashpapish shuctac criccuna can micucta ricushpa, mana alli cashcata yuyashpa llaquiricpica, ña mana c'uyashcatami ricuchingui. Can imata micushcallamanta pacta shuctac criccuna chingarinaman rinman. Paicunamantapish Cristoca huañurcami.

ROMANOS 9:1

Apunchic Jesusta cric cashcamantami, imatapish mana llullashpa cashcatatac nicuni. Shinallatac ñuca yuyaipish Diospac Espíritu pushashca cashcamantaca, caicunaca alli cashcatami yachani.

1 CORINTIOS 13:1

Gentecunapac rimaita shinallatac angelcunapac rimaita ñuca rimashpapish, c'uyaita mana charishpaca, chilin nic fierro, chilin nic platillo shinallami uyarini.

2 CORINTIOS 1:12

Ñucanchic cai pachapi causacushpaca, ima mana allita mana ruhuashpa, imatapish cashcata ruhuashpa causacushcatami yachanchic. Ashtahuancarin cancunahuanmi chashna causarcanchic. Chaimantami cushicunchic. Chashnaca mana ñucanchic yuyaillamantachu causanchic, ashtahuanpish Taita Dios mai c'uyashcallamanta yuyaita cucpimi, chashna causacunchic.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

1 TIMOTEO 1:18

C'uyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Taita Diospacta ruhuachun nishpa canmanca cai mandashcata mingani:

1 TIMOTEO 1:19

Cambac yuyai ama juchanchishca cachunca, alli crishpa c'atingui. Maijancunaca quiquin yuyaipi mana jarcarishpami, yacupi aguaric shina crishcata saquishpa, llaqui tucushcacuna.

1 TIMOTEO 3:9

Taita Diosmanta yachachishcacunataca, chashnatac cashcamanta mana caita chaita yuyashpa alli c'aticmi cana can.

2 TIMOTEO 1:3

Ñaupa taitacuna ruhuashca shinallatac, ñucapish tucui shunguhuan Diospacta ruhuashpa, tutapish, punzhapish paiman mañacushpaca, canta yuyarishpami pagui nicunilla.

2 TIMOTEO 1:5

Can mana nic tucushpa, alli cric cashcataca yachanimi. Cambac aila Loidapish, cambac mama Eunicepish chashnallatacmi cric carca. Canpish chashnallatac cric cashcataca yachanimi.

2 TIMOTEO 2:22

Huambracunapac yuyaita saquishpa, imapish cashcallata ruhuashpa, alli crishpa, tucui shungumanta Taita Diosman mañaccunahuan tandarishpa, c'uyaihuan apanacushpa sumacllata causangui.

TITO 1:15

Cashcata nic huillashcata criccunapacca, tucuimi alli. Shina cacpipish cashcata nic huillashcata mana crishpa millaita ruhuaccunapacca, imapish mana allichu. Paicunapac yuyaipish, paicunapac yuyashca shina imata ruhuashcapish mana allichu.

HEBREOS 10:22

Chaimantami mana caita chaita yuyashpa, tucui shunguhuan crishpa, ñucanchic shungupi millai yuyaicuna tiyashcatapish anchuchishca, shinallatac chuya yacuhuan chuyayachishca, Taita Diosman cuchuyana canchic.

HEBREOS 13:18

Ñucanchicmanta Diosman mañaichic. Imapish alli cachun nishpa allita pushana yuyailla cashpami, pipacpish mana juchanchishca cashcata yachanchic.

HEBREOS 9:14

Shina cacpica, ¡Apunchic Jesuspac yahuarcarin, tucuimanta yalli valishcami! Paica huiñai huiñaita causacuc Diospac Espirituhuan cashpami, ima millaita mana ruhuac cashpapish, pai quiquinllatac Diosman curishpa huañurca. Paipac yahuarmi ñucanchic yuyaicunahuan mana allita ruhuashpa, huañuiman ricucpi p'ichashpa, causacuc Diosta servicta ruhuan.

SANTIAGO 4:8

Taita Diosman cuchuyaichic, paipish cancunapacman cuchuyangallami. Mana allita ruhuashpa juchalliccunaca, maquita jahuac shina chaita ruhuanata saquichic. Taita Diostapish, cai pachapaclla caccunatapish c'uyasha niccunaca, shunguta allichichic.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

1 PEDRO 3:16

Ashtahuanpish mana jatun tucushpa, c'uyac shunguhuan chashnaca ruhuaichic. Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa c'atichiclla.

1 PEDRO 3:21

Shinallatac chai yacuca bautizarinatami ricuchicurca. Jesucristo huañushcacunapuramanta causarishcamantami, yacupi bautizarishpaca cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Taita Diosman mañana yuyaicunatami cun.

1 PEDRO 4:8

Tucuimanta yallica caishuc chaishuc c'uyanacuichic. Chashna c'uyanacushpaca, achca juchacunatami perdonanguichic.

2 PEDRO 1:7

Ña Diosta allita yuyariccuna cashpaca, criccunapura c'uyanacunami canguichic. Ña criccunapura c'uyanacushpaca, tucui mashnata c'uyaccunami cana canguichic.

1 JUAN 3:10

Maijanpish cashcata mana ruhuashpa, criccunata mana c'uyacca, mana Diospac huahuachu. Shina cashcamanta maijanlla Diospac huahuacuna, maijanlla diablopac huahuacuna cashcataca ricunallami.

1 JUAN 3:23

Paica paipac Churi Jesucristota crichun, shinallatac pai mandashca shina caishuc chaishuchuan c'uyanacuchunmi, ñucanchictaca mandan.

1 JUAN 3:3

Chashna cashcamanta maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchuricun.