1 TIMOTEO 1:18 - Nuevo Testamento en Quichua Cañar 1996

¹⁸ C'uyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Taita Diospacta ruhuachun nishpa canmanca cai mandashcata mingani:

Dios Rimashcata Quillcashcami

¹⁸ Cuyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Diospacta ruhuachun nishpa canmanca cai mandashcata mingani:

1 TIMOTEO 1:18 ပူးပေါင်းရင်းမြစ်များ

HECHOS 16:1

Chai q'uipami Pabloca Silasndic Derbe pueblota rishpa, Listra puebloman chayashpaca, cric Timoteo tuparcacuna. Paipac mamaca israelcunapura*f** Jesusta cric huarmimi carca. Taitaca griego*f** runami carca.

1 CORINTIOS 4:17

Chaimantami Apunchic Jesusta alli cric, ñuca c'uyashca huahua shina cac Timoteota cachagrini. Paimi ñuca Apunchic Jesucristota crishpa, ima shina causanata yachachishpa yuyachinga. Ñucapish chashnallatacmi tandanacushca criccunamanca maipipish yachachicuni.

1 CORINTIOS 9:7

¿Pitac quiquin cullquihuanca soldado tucungapac ringa? ¿Pitac manapish micungapac uvasta tarpunga? ¿Pi michictac lecheta capishpaca, mana ubianga?

FILIPENSES 2:22

Ashtahuanpish Timoteo ima shina cashcataca, cancunallatac yachanguichicmi. Paica shuc churi taitata ayudacuc shinami, alli huillaita ñuca huillacucpica, paipish ñucahuan pacta huillacurca.

1 TIMOTEO 1:2

Jesusta crishcamanta ñucapac quiquin huahua shina cac Timoteoman caita quillcashpa cachani. Ñucanchic Taita Diospish, Apunchic Jesucristopish sumaimana c'uyaihuan llaquishpa, canman sumac causaita cushca cachun nishpami quillcani.

1 TIMOTEO 1:5

Caita mandashpaca, shungupi mana mapa yuyaihuan, pipish mana juchanchishca, mana nic tucushpalla crishpa, caishuc chaishuchuan c'uyanacuchunmi nini.

1 TIMOTEO 4:14

Criccunata pushaccuna cambac uma jahuapi maquita churashpa mañacpica, Dios imata ruhuachun cushcata pacta cungaringuiman. Paicunaca Taita Dios yuyaita cucpimi, chashnaca ruhuarcacuna.

1 TIMOTEO 4:4

Taita Dios ruhuashcacunaca, tucuimi alli. Chaimantami Diosta pagui nishpa, imatapish mana millashpa chasquinalla canchic.

1 TIMOTEO 6:20

Timoteo, tucui canman mingashcacunataca allita huacaichingui nishpami mandani. “Caicunaca alli yachanami” nishpa, p'iñanacuipi churac yanga yachanacunataca pacta uyanguiman.

2 TIMOTEO 1:2

Ñuca c'uyashca huahua shina Timoteo, ñucanchic Taita Diospish, Apunchic Jesucristopish canta c'uyashpa, llaquishpa sumac causaita canman cushca cachun nishpami caita quillcani.

2 TIMOTEO 4:7

Ñucaca Jesusta crinata mana saquishpami, callpaipi mishac shina chai chayana cashcaman ña chayashcani.

TITO 1:4

Ñuca shina cric cashcamanta ñucapac quiquin huahua shina Tito, ñucanchic Taita Diospish, Apunchic Jesucristopish mai c'uyashpa, canman sumac causaita cushca cachun nishpami caita quillcani.

FILEMÓN 1:10

Ñuca caipi prezu cacpimi, Onesimoca Jesucristota crishpa ñuca huahua shina tucurca. Cunanca paita alli chasquichunmi mañani.