1 TIMOTEO 1:11 - Nuevo Testamento en Quichua Cañar 1996

¹¹ Cashnaca quishpirinamanta sumac alli huillaimi yachachin. Chaita huillachunmi, tucui mashna alli nina Taita Dios ñucaman mingarca.

Dios Rimashcata Quillcashcami

¹¹ Cai alli yachaicunataca quishpirinamanta sumac alli huillaimi yachachin. Chaita huillachunmi, tucui mashna alli nina Diosca ñucaman mingarca.

1 TIMOTEO 1:11 ပူးပေါင်းရင်းမြစ်များ

SAN LUCAS 2:14

“Jahua pachapi cac Taita Dioslla, ¡cantaca tucui alli nichun! Cai pachapipish can c'uyashca causaccunaca, ¡sumac causaita charichun!” nircacuna.

ROMANOS 2:16

Alli huillaita ñuca huillashca shina, tucui gentecuna pacalla ruhuashcata Taita Dios Jesucristomanta taripai punzhapimi chashnaca ricuringa.

1 CORINTIOS 9:17

Ñuca munaillamanta huillashpaca, japina cashcataca japimanmi, ashtahuanpish “huillanami cangui” nishpa, mandashcallamanta ruhuacushpaca, Dios mingashcallatami ruhuacuni.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

2 CORINTIOS 4:6

Taita Diosca amsata luz achicyachichun nircami. Paillatacmi luz shina ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

GÁLATAS 2:7

Mushuc yachanacunata cunapac randica, Taita Dios Pedrota israelcunaman huillachun cachashca shina, ñucatapish mana israelcunaman quishpirinamanta alli huillaita huillachun cachashcatami yachac chayarcacuna.

EFESIOS 1:12

Chashna ruhuashpaca, ñucanchicrac punta Apunchic Jesús yuyailla cashpa, Taita Diosta “allimari cangui” nichunmi chashnaca ruhuarca.

EFESIOS 1:6

Chashnaca Taita Dios mai c'uyashpa, paipac c'uyashca Churimanta allicunata cushcamantami, ¡paitaca alli nicunalla canchic!

EFESIOS 2:7

Jesucristomanta ñucanchicta mai llaquishpa, yallita c'uyashcata shamuc punzhacunapi ricuchingapacmi, chashnaca ruhuashca.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Taita Dios imatapish yachac cashcata yachachunmi, chashnaca ruhuarca.

COLOSENSES 1:25

Taita Dios huillachun mingashpami, cancunapac allipac ñucataca tucui tandanacushca criccunata servicta ruhuashca. Chashnami, tucui pai huillasha nicushcataca pactachicuni.

1 TESALONICENSES 2:4

Ashtahuanpish Diosllatacmari allimi nishpa, quishpirinamanta alli huillaita ñucanchic huillacushcataca, chashnatac cashcata huillachun mingarca. Chai shina huillashpaca, mana gentecunatachu cushichishun ninchic, ashtahuanpish ñucanchic shungu imata yuyacushcatapish yachac Diostamari cushichishun ninchic.

1 TIMOTEO 2:7

Tucui caicunata mana israelcunaman*f** huillashpa yachachichunmi, Jesusca ñucataca acllarca. Paicunamanca cashcata nic alli huillaita crichun nishpami yachachini. Ñucaca mana llullashpami, chashnatac cashcata nini.

1 TIMOTEO 6:15

Taita Diosca pai acllashca punzha pactacpimi, Apunchic Jesucristotaca cutin cachanga. Taita Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

1 TIMOTEO 6:20

Timoteo, tucui canman mingashcacunataca allita huacaichingui nishpami mandani. “Caicunaca alli yachanami” nishpa, p'iñanacuipi churac yanga yachanacunataca pacta uyanguiman.

2 TIMOTEO 1:11

Taita Diosmi cai alli huillaita huillanata ñucaman mingarca. Shinallatac huillac cachunpish, yachachic cachunpish ñucataca cacharca.

2 TIMOTEO 1:14

Ñucanchicpi causacuc Diospac Espíritu ayudacushcamantaca, Dios mingashca sumac yachanacunataca alli huacaichingui ninimi.

2 TIMOTEO 2:2

Tauca gentecunapac ñaupapimi ñuca ima yachachishcataca uyarcangui. Chaitaca yachachinata pudic alli criccunaman, paicunapish shuccunaman yachachichun mingai.

TITO 1:3

Chaitaca ñucanchicta Quishpichic Taita Diosmi, pai huillachun nishca punzhacuna pactacpi ñuca huillachun mingashpa, mandashpa huillachirca.