1 TESALONICENSES 5:6 - Nuevo Testamento en Quichua Cañar 1996

⁶ Chashna cashcamantami caishuccuna suiñucuc shinaca ña mana causana canchic, ashtahuanpish ñucanchicca alli yuyaihuanmi riccharishca shina causana canchic.

Dios Rimashcata Quillcashcami

⁶ Chaimanta mana caishuccuna shina sueñunachu canchic. Ashtahuanpish riccharishca shina chaparanami canchic.

1 TESALONICENSES 5:6 ပူးပေါင်းရင်းမြစ်များ

SAN MATEO 13:25

paita p'iñac runa shamushpa, gentecuna suiñucucpi mana alli q'uihua muyuta jichac shinami.

SAN MATEO 24:42

Cancunata Mandac ima horas chayamunata mana yachashcamanta, alli yuyaihuan chaparacuichic.

SAN MATEO 25:13

Chai shinallatac Runa Tucungapac shamushca*f** ñuca ima punzha, ima horas cutimunata mana yachashcamantaca, alli yuyaihuan chaparacuichic.

SAN MATEO 25:5

Novio mana utca shamucpica, chai chunga solteracunaca suiñui aticpimi suiñurcacuna.

SAN MATEO 26:38

Chaimantami Jesusca: —Ñuca shungupica, huañuna nanaihuan shinami munai llaquiricuni. Cancunaca ñuca shinallatac, ama suiñushpa caillapi chaparacuichic— nirca.

MARCOS 13:37

Cancunata ‘chaparacuichic’ nishpaca, tucui mashnacunatami chashna nini— nirca.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN LUCAS 12:39

Ashtahuanpish caita yuyarichic: Ima horas shuhua shamunata huasiyuc yachashpaca, huasita jutcushpa ima charishcata shuhuachunca mana saquinmanchu.

SAN LUCAS 21:36

Chashna tucuna cashcamanta cancunaca allichirishca, ña rinallami cana canguichic. Chai tucui llaqui japinamanta quishpiringapacca, Runa Tucungapac shamushca ñucapac ñaupapi alli ricuringapacpish, Taita Diosman mañaracuichiclla— nirca.

SAN LUCAS 22:46

Chaita ricushpaca: —¿Ima nishpatac suiñucunguichic? Ima millai yuyaicuna ama urmachichunca, jatarishpa Taita Diosman mañaichic— nirca.

HECHOS 20:31

Chaimanta cancunaca alli yuyaihuan cana canguichic. Ñucaca quimsa huatacaman tutapish, punzhapish mana samashpami, tucui cancunataca shucllancaman huacashpa cunacurcanilla.

1 CORINTIOS 15:34

Cancunaca alli yuyaiman tigrarichic, ama juchata ruhuaichicchu. Cancunapuramanta maijancunaca manarac Diosta ricsinguichicchu. Caicunataca cancuna pingaita charichunmi nini.

1 CORINTIOS 16:13

Riccharishca shina tucui shunguhuan crishpa, imatapish mana manchashpa, alli sinchiyashpa c'atiraichic.

EFESIOS 2:3

Shinallatacmi tucui ñucanchicpish ñaupaca quiquin munaita ruhuashpa, cai pacha jucha munashcallata, ñucanchic yuyashcallata c'atishpa causarcanchic. Chashna quiquin munashcata c'atishpa juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

EFESIOS 5:14

Chashna achic luzman llucchicpica, imapish luzpimi canga. Chaimantami: “Suiñushcamanta ricchari, huañushcacunapuramanta jatari. Cristomi cantaca achicyachinga” nincuna.

EFESIOS 6:18

Diosman mañanataca ama saquichicchu. Diospac Espíritu yuyaita cushca shina Taita Diosmanca mañaraichic. Mana q'uillanachishpa chaparacuichic. Shinallatac Diospaclla cac tucui criccunamanta punzhanta Diosman mañaichic.

FILIPENSES 4:5

Apunchic Jesús cutimunaca ña caillapimi. Shina cashcamanta cancuna shungumanta llaquiccuna cashcata tucuiman ricuchichic.

COLOSENSES 4:2

Cancuna Taita Diosta pagui nishpami, riccharishca shina punzhanta mañacunalla canguichic.

1 TESALONICENSES 4:13

C'uyashca criccuna, “huañushcacuna mana causaringachu” niccuna shina ama llaquilla cachunmi, huañushcacuna ima tucuna cashcata yachachun munanchic.

1 TESALONICENSES 5:10

Causacushpapish, huañushpapish paihuan pacta cachunmi, Jesucristoca ñucanchicmanta huañurca.

1 TESALONICENSES 5:8

Ashtahuanpish ñucanchicca punzhapi shina causacushcamantaca, alli yuyaihuanmi c'atina canchic. Fierro churanata churaric shinaca, Apunchic Jesusta crishpa, c'uyaihuan causanami canchic. Chashnallatac umapi fierro cascota churaric shinaca, quishpirina yuyaihuanmi cushicushpa shuyana canchic.

1 TIMOTEO 2:15

Shina cashpapish huarmicunaca huahuacunata charishpa, alli cric cashpa, c'uyashpa, Diospaclla alli yuyaihuan causashpaca quishpiringami.

1 TIMOTEO 2:9

Shinallatac huarmicuna churarishpapish, churana caipacllatac churarishpa, curimanta, perlasmanta ruhuashcacunahuanpish, yallita valic churanacunahuanpish ama allichirichunmi munani. Umata huatallishpapish, ama yallita allichirichun ninimi.

1 TIMOTEO 3:11

Shinallatac huarmicunapish tucuipac alli nishca, pihuanpish mana huashalla parlaric, alli yuyaita charic, imapipish allita ruhuaccunami cana can.

1 TIMOTEO 3:2

Shina cashcamanta tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, mana yalli pucllaric, mana maipish cachun causac, huasiman chayaccunatapish alli chasquic, yachachinatapish alli yachachicmi cana can.

2 TIMOTEO 4:5

Chashna cacpipish canca llaquita apashpa, cambac ruhuana cashcata pactachinguilla. Ashtahuan alli yuyaihuan quishpirinamanta alli huillaitaca huillanguilla.

TITO 2:12

Chai c'uyaimi mana allita ruhuanatapish, mana alli munaicunatapish saquinata yachachishpa, cai pachapica alli yuyaihuan allillata ruhuashpa, Diosta cazushpa causanata yachachicun.

TITO 2:6

Shinallatac q'uipa huiñai mosocunatapish alli yuyaihuan purichun yachachingui.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Taita Dios paipac sumaimana c'uyaimanta ñucanchic japina cashcata japingapac cushicushpa shuyacuichic.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Taita Diosman mañaracuichiclla.

1 PEDRO 5:8

Cancunata mana ricunachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

APOCALIPSIS 16:15

Chaipica: —Uyaichic, ñucaca cancuna mana yuyashca horaspimi shuhua shamuc shina shamusha. Maijanpish riccharishca shina, churanata churarishca chapacucmanca, ¡mai cushicuimi canga! Chashna churarishca mana lluchulla cashpami, mana pinganachinga— nishcatami uyarcani.

APOCALIPSIS 3:2

Cancuna ima ruhuashcacunapish ñuca Diospac ñaupapica manarac allitac cashcatami ricuni. Chaimanta cancunapac allita ruhuana munaicuna amarac tucuricpi, riccharic shina cutin sinchiyashpa, maipi mana alli ruhuacushcataca allichichic.