1 TESALONICENSES 5:23 - Nuevo Testamento en Quichua Cañar 1996

²³ Sumac causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca paipaclla, pi mana juchanchipacta ruhuashpa huacaichichun.

Dios Rimashcata Quillcashcami

²³ Cushi causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca jucha illac, pi mana juchanchipacta ruhuashpa huacaichichun.

1 TESALONICENSES 5:23 ပူးပေါင်းရင်းမြစ်များ

SAN LUCAS 1:46

Chashna nicpi, Mariaca cashnami nirca: “Ñucaca tucui shunguhuanmi Taita Diostaca ‘allimari cangui’ nicunilla.

SAN JUAN 17:19

Paicunapish cashcata nic cambac rimashca shimihuan cambaclla tucuchunmi, ñucapish paicunapac allipac cambaclla tucuni.

HECHOS 20:32

Cunanca Taita Dios paipac c'uyaimanta rimashca shimicunahuan sinchiyachichunmi, cancunataca paiman mingani. Shinallatac pai acllashcacuna japina cashcatapish, paillatacmi cunga.

HECHOS 26:18

Canmi paicuna amsapi shina causacuccunataca, ñahuita pascac shina alli yuyaita cungui. Chashna ruhuacpimi, Satanás*f** mandacushcamanta anchurishpa, Taita Dios mandashca causangacuna. Ñucata cricpimi, Taita Dios paicunapac juchacunata perdonanga. Shinallatac Taita Dios paipaclla cachun acllashcacunaman cusha nishcatapish chasquingacunami’ nircami.

ROMANOS 15:13

Shuyana yuyaita cuc Taita Diosllatac, criccuna cashcamanta cancunamanca sumac causaitapish, cushi canatapish yallita cushca canman. Imatapish ruhuaclla paipac Espiritullahuantac japingapac shuyana yuyaita yallita charichunmi, chashnaca nini.

ROMANOS 15:33

Sumac causaita cuc Taita Diosca tucui cancunahuan cachun. Chashna cachun.

ROMANOS 15:5

Alli shungu canatapish, cushi canatapish cuc Diosllatac, Jesucristo causashca shina cancuna shuc yuyailla causanata cushca canman.

ROMANOS 16:20

Chashnami sumac cushicui causaita cuc Taita Diosca Satanastaca*f** cancunapac chaqui sarunapi ñalla churanga. Ñucanchic Apunchic Jesusca cancunata mai c'uyashpa allicunata cushca cachun.

1 CORINTIOS 1:2

Corinto pueblopi Diospaclla cac tandanacushca criccunamanmi, cai quillcataca quillcanchic. Cancunaca Jesucristohuan shuc shinalla tucushcamanta Diospaclla tucushpa, maipipish Apunchic Jesucristoman tucui mañaccunahuan pacta, pai Diospaclla cachun acllashpa c'ayashcacunami canguichic. Apunchic Jesucristoca tucui paicunapacpish, ñucanchicpacpish Mandacmi.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

1 CORINTIOS 14:33

Taita Diosca maipish cachun ruhuachunca mana munanchu. Paica sumac causaita cuc Diosmi. Diospaclla cac tandanacushca criccuna imata ruhuac cashca shinallatacmi,

2 CORINTIOS 5:19

Chashnaca Taita Dios gentecunapac juchata mana yuyarishpami, Jesucristomanta tucui cai pachapi causaccuna paihuan alli tucuchun chasquicun. Dioshuan alli tucunata huillaccuna cachunmi, ñucanchicman mingarca.

FILIPENSES 1:10

Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

FILIPENSES 1:6

Cancunapi callarimanta pacha allita ruhuac Taita Diosca Jesucristo cutimuna punzhacaman, chai allita ruhuashpa c'atina cashcatami yachani.

FILIPENSES 4:9

Ñucamanta imata yachacushcatapish, ñuca ima ruhuashcata ricushcatapish, ñuca ima nishcata uyashcatapish, tucui chaicunata ruhuacpimi, sumac causaita cuc Taita Diosca cancunahuanca canga.

COLOSENSES 1:22

Shina cacpipish cunanca Cristo runa tucushpa, llaquita apashpa huañushcamantami, Taita Diosca cancunata paihuan alli tucuchun chasquirca. Chashnami cancunataca paipac ñaupapi paipaclla cachun, jucha illac cachun, shinallatac chuyayachishca cachunpish chashnaca ruhuarca.

1 TESALONICENSES 2:19

Apunchic Jesús cutimui punzhapi paipac ñaupapica, ¿pimantatac cushicushun? ¿Pimantatac “allimi canchic” nishca cashun? Shinallatac ¿pimantatac ñucanchic shuyacushca japina cashcatapish japishun? Chaitaca cancunamantami japishun.

1 TESALONICENSES 3:11

Cancunata ricugrichunca, ñucanchic Taita Diospish, Apunchic Jesuspish ayudachunmi munanchic.

1 TESALONICENSES 3:13

Shinallatac cancunata Taita Dios tucui shunguhuan cricta ruhuachunmi munanchic. Chashna cashpami Apunchic Jesús paipaclla caccunahuan tigramucpica, ñucanchic Taita Diospac ñaupapica Diospaclla tucushca, pi mana juchanchipac cashun.

1 TESALONICENSES 4:3

Taita Diosca paipaclla causashpa, pipish ama huacllirishpa,

1 TESALONICENSES 5:22

Tucui laya mana allicunamanta anchurichic.

2 TESALONICENSES 3:16

Sumac causaita cuc Apunchic Jesusllatac cancunapac tucui causaipipish, imapipish sumac causaita cushca cachun. Shinallatac Apunchic Jesusllatac tucui cancunahuan cashca cachun nishpami mañanchic.

HEBREOS 13:20

Ñucanchic Apunchic Jesustaca, sumac causaita cuc Taita Diosmi huañushcacuna puramanta causachirca. Taita Dioshuan huiñaipac ari ninacushcata pactachic yahuarta jichashcamantami, paica ovejacunapac michic shina ñucanchic Jatun Michic can.

HEBREOS 2:11

Paica Diospacllata ruhuacmi. Paipish, Diospacllata ruhuashcacunapish shuc Taitapac huahuacuna shinami canchic. Chaimantami Jesusca “ñuca huauquicuna, ñuca panicunami canguichic” ninataca, mana pinganachin.

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadacunatapish yalli filoyucmi. Shina cashcamantami almatapish, espiritutapish, mucucunatapish, tullu ñutcutapish chaupishpa, yaicuipaclla can. Shinallatac shungu imata munashcatapish, yuyashcatapish ricuchinmi.

SANTIAGO 1:4

Ashtahuanpish tucuimanta yallica mana p'iñarishpa, alli shunguyuc canata yuyaichic. Chashna cashpami alli sinchiyashpa, imapish mana illac, pipish mana juchanchipac, alli criccuna canguichic.

1 PEDRO 1:2

Cancunataca Taita Diosmi ña ñaupamanta pacha pai munashca shina paipac huahuacuna cachun acllashca. Taita Diosca paita c'uyashpa causachun, shinallatac Jesucristopac yahuarhuan chuyayachishca cachunmi, cancunata paipac Espiritumanta paipacllatac ruhuashca. Taita Dios mai c'uyashpa, cancunaman sumac causaita yallita cushca cachun ninimi.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

2 PEDRO 3:14

Chaimanta c'uyashca criccuna, caicunata shuyacushcamantaca, Taita Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

SAN JUDAS 1:1

Jesucristopacta ruhuac, Santiagopac huauqui Judasmi, Taita Dios c'uyashpa c'ayashcacunata “allillachu canguichic” nishpa caita quillcashpa cachani. Cancunataca ima millaimantapish Jesucristomi huacaichicun.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi imatapish ruhuaclla cashcahuanca, cancuna ima millaipi ama urmashpa, paipac sumaimana ñaupapi cushilla ricurichun huacaichicun.