1 TESALONICENSES 5:22 - Nuevo Testamento en Quichua Cañar 1996

²² Tucui laya mana allicunamanta anchurichic.

Dios Rimashcata Quillcashcami

²² Tucui mana allimanta huacaichirichic.

1 TESALONICENSES 5:22 ပူးပေါင်းရင်းမြစ်များ

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica tucuipac ñaupapi allita ruhuanata yuyaichic.

1 CORINTIOS 8:13

Shina cashcamanta ruhuashcalla dioscunaman cushca aichata ñuca micushcallamanta shuc cric pandarina cacpica, paita mana pandachingapacca chai aichataca mana micunachu cani.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.

FILIPENSES 4:8

C'uyashca criccuna, cunanca ña caillatami nisha nini: Tucui imapipish mana llullac canata, shuccuna alli nishca canata, tucui imatapish allita ruhuac canata, tucui imapipish mapa illac canata, pimanpish c'uyaita ricuchic canata, shinallatac tucuipac alli nishca canatapish yuyaichic. Chai shina yuyaicuna tiyacpica, chaillata yuyashpa c'atichic. Tucui imapipish alli nishca canallata yuyaichic.

1 TESALONICENSES 4:12

Chashna ruhuashpa causashpami, imapish mana illaclla, shinallatac mana criccunapacpish alli nishca causanguichic.

1 TESALONICENSES 5:21

Alli cashcata, mana alli cashcataca alli yuyarichic. Alli cashcataca yuyarirashca, huacaichishpa causaichic.

1 TESALONICENSES 5:23

Sumac causaita cuc Diosllatac cancunapac espiritutapish, almatapish, cuerpotapish Apunchic Jesús cutimuna punzhapacca paipaclla, pi mana juchanchipacta ruhuashpa huacaichichun.

SAN JUDAS 1:23

Ninapi huiñaita rupangapac ricuccunataca, ninamanta aisac shina quishpichichic. Shuccuna mana allita ruhuacpipish, paicuna shina mana allita ruhuanamanta cuidarishpa ayudanami canguichic. Shina cacpipish paicuna mana allita ruhuashcamanta churanacunacaman mapayashcataca millanami canguichic.