1 TESALONICENSES 5:19 - Nuevo Testamento en Quichua Cañar 1996

¹⁹ Diospac Espíritu imata ruhuachun yuyaita cucpica, ninata huañuchic shina pacta mana ruhuashun ninguichicman.

Dios Rimashcata Quillcashcami

¹⁹ Diospac Espiritutaca ama chiriyachichicchu.

1 TESALONICENSES 5:19 ပူးပေါင်းရင်းမြစ်များ

HECHOS 7:51

Ashtahuanpish cancunaca upa shina cashpami, Taita Dios ima nishcata mana uyashpa, shungucaman sinchiyashca canguichic. Cancunapac ñaupa taitacuna shinami, Diospac Espiritutapish mana cazuccuna canguichic.

1 CORINTIOS 14:30

Shina cacpipish maijan chaipi tiyacucman imata huillana cashcata Dios ricuchicpica, chai puntaman huillacca upallachun.

EFESIOS 4:30

Taita Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan unanchishpa ch'icanyachirca. Chaimanta millaita rimashpa ama Diospac Espirituta nanachichicchu.

EFESIOS 6:16

Tucuimanta yallica, millai diablo cachashca nina shina yuyaicunata jarcaringapacca Diosta crishpa, escudota churarishca shina caichic.

1 TESALONICENSES 5:20

Dios ima nicushcata Diosllatac huillana yuyaita cucpica, pacta mana uyashun ninguichicman.

1 TIMOTEO 4:14

Criccunata pushaccuna cambac uma jahuapi maquita churashpa mañacpica, Dios imata ruhuachun cushcata pacta cungaringuiman. Paicunaca Taita Dios yuyaita cucpimi, chashnaca ruhuarcacuna.

2 TIMOTEO 1:6

Shina cashcamanta cambac uma jahuapi ñuca maquita churacpi, Taita Dios ima ruhuana cashcata cushcataca, nina huañugricucta causachic shina cutin causachichunmi nini.