1 TESALONICENSES 5:11 - Nuevo Testamento en Quichua Cañar 1996

¹¹ Chashna cashcamanta ima shinami cunan cancuna c'aticuc shinallatac, caishuc chaishuchuan alli c'atina yuyaita cunacushpa, ayudanacushpa causaichic.

Dios Rimashcata Quillcashcami

¹¹ Chaimanta ima shinami cunan cancuna caticuc shinallatac, caishuc chaishuc-huan alli catina yuyaita cunacushpa, ayudanacushpa causaichic.

1 TESALONICENSES 5:11 ပူးပေါင်းရင်းမြစ်များ

ROMANOS 14:19

Chashna cashcamanta caishuc chaishuc ima shina sumacta causanatapish, ima shina ashtahuan ayudanacunatapish munashunchic. Ayudanacushpa, Jesusta alli ningapacca imapipish mana p'iñanacunallata munashunchic.

ROMANOS 15:14

Ñuca c'uyashca criccuna, cancunaca yallita c'uyac shungu cashcata, tucuita alli yachac cashcata, shinallatac caishuc chaishucta cunac cashcatami yachani.

ROMANOS 15:2

Tucui ñucanchicmi shuctac criccuna crishpa c'atichun, paicunapac allipac allita ruhuana canchic.

1 CORINTIOS 10:23

“Imata ruhuasha nishpapish, ruhuanallami” nincunami. Chaica chashnatacmi. Shina quiquin munaita ruhuanalla cacpipish, criccunata sinchiyachingapacca mana tucuichu alli can.

1 CORINTIOS 14:12

Diospac Espíritu imata ruhuac cachun cushcacunata charisha nicushpaca, tandanacushca criccuna alli c'atichunmi, ayudanata ashtahuan munana canguichic.

1 CORINTIOS 14:29

Shinallatac Dios ima nishcata huillaccuna tiyashpaca, ishcai cashpa, quimsa cashpa huillachun. Shuccunaca chai huillashca alli cashcata, mana alli cashcata yuyarichun ninimi.

1 CORINTIOS 14:5

Ñucaca tucui cancuna jaicapi mana uyashca rimaicunata rimaccuna cachunmi munaiman. Shina cacpipish Dios ima nishcata huillaccuna cachunmi, ashtahuanca munani. Chashna cashpami, jaicapi mana uyashca rimaicunata rimactapish atishpa, ashtahuan alli canguichic. Jaicapi mana uyashca rimaicunata rimacpish, tandanacushca criccuna entendichun chai rimashca imata nisha nicushcata huillashpaca, Dios ima nishcata huillac shinallatacmi.

2 CORINTIOS 12:19

Ñucanchic cancunata ima mana allita ruhuashcamanta “allipi llucshingaraicumi chashnaca nicun” ninguichicchari. ¡Mana chashnachu! Ashtahuanpish ñucanchicca Taita Diospac ñaupapi, shinallatac Jesucristopac acllashcacuna cashcamantami chashnaca ninchic. C'uyashca criccuna, imatapish ruhuashpaca, tandanacushca criccuna sinchiyashpa c'atichunmi chashnaca ruhuanchic.

EFESIOS 4:12

Tucui paipaclla caccunataca paipacta ruhuashpa, Cristopac cuerpo shina tandanacushca criccuna ashtahuan sinchi cachunmi, chashnaca acllarca.

EFESIOS 4:16

Tucui criccuna Cristopac cuerpo shina cashpaca, tauca cashpapish chaqui maqui llutarishca shinami shuc shinalla canchic. Chashna tauca cashpapish c'uyanacushpa, caishuc chaishuc allita ruhuacpica, tandanacuica sinchiyashpa c'atingami.

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc alli rimaicunallatac rimaichic. Chashna rimacta uyashpami, shuccunapish yuyaita japingacuna.

1 TESALONICENSES 4:10

Macedonia llactapi causac tucui criccunahuanca c'uyanacushpami, cancunaca causacunguichic. Shina cacpipish c'uyashca criccuna, ashtahuan c'uyanacushpa causachunmi mañanchic.

1 TESALONICENSES 4:18

Chaimanta cai rimashcacunahuan caishuc chaishuc cushichinacuichic.

1 TIMOTEO 1:4

yachacushpallapish ama c'atichun nishpa jarcangui. Chai yachanacunaca yanga parlocuna, shinallatac mana yupaipac ñaupa taitacunapac shuticunallami. Tucui chaicunaca p'iñanacuillapi churashpami, maijanpish Jesusta cricpi, Taita Dios quishpichisha nicushca crinataca jarcan.

HEBREOS 10:25

Shinallatac mana tandanacuccuna shina ama cashunchic. Chaipac randica ñucanchic tandanacuicunaman caishuc chaishuc tandanacushpa, Apunchic Jesús ñalla cutimuna cashcata yuyachinacushpa, ashtahuan c'atina yuyaita cushunchic.

HEBREOS 3:13

Chaipac randica Dios quillcachishcapi nishca shina, cunan causacushparac punzhanta caishuc chaishuc yuyachinacushpa, cancunapac shungu rumiyashca shina tucuchunpish, juchapi pandarichunpish ama saquinguichicchu.

2 PEDRO 1:12

Chaimanta tucui caicunata cancuna yachacpipish, cashcata nic yachachishcata allita c'aticucpipish, punzhantami yuyachicushalla.

SAN JUDAS 1:20

Ashtahuanpish c'uyashca criccuna, Diospaclla cachun cushca crinata allita c'atiraichic. Diosman mañashpapish, Diospac Espíritu yuyaita cushca shina mañaichic.