1 TESALONICENSES 4:9 - Nuevo Testamento en Quichua Cañar 1996

⁹ Criccunapura c'uyanacuchun nishpaca, ña mana quillcanachu cani, ashtahuanpish Taita Diosllatacmi caishuc-huan chaishuchuan ima shina c'uyanacunataca ña yachachishca.

Dios Rimashcata Quillcashcami

⁹ Diosllatacmi caishuc-huan chaishuc-huan cuyanacunataca ña yachachishca, chaimantami ña mana ashtahuan cuyanacunamantaca quillcana canchic.

1 TESALONICENSES 4:9 ပူးပေါင်းရင်းမြစ်များ

SAN MATEO 22:39

Q'uipa mandashcapish, chai shinallatacmi: ‘Can ima shinami c'uyaringui, chashnallatac shuccunatapish c'uyangui’ ninmi.

SAN JUAN 14:26

Ashtahuanpish Taita Dios ñucapac randi cachagricuc Cushichic paipac Espíritu shamushpami, tucui imatapish yachachinga, shinallatac tucui ñuca ima nishcacunatapish yuyachinga.

HECHOS 4:32

Criccunaca achca cashpapish, tucuimi shuc shungulla, shuc yuyailla carcacuna. Pi “caica ñucapacmi, chaica cambacmi” mana ninacucchu carca. Chaimantami ima charishcacunapish tucuipac carca.

ROMANOS 12:10

Crishcamanta huauquindicpura cashcamantami, caishuc chaishuchuan c'uyanacuna canguichic. Shuccunaca quiquinta yalli cashcata yuyashpa, allimi nishpa yuyanami canguichic.

2 CORINTIOS 9:1

Diospaclla cac criccunaman cullquita cushpa ayudachun nishpaca, ña mana cancunaman quillcashpa c'atinachu cani.

FILIPENSES 3:15

Alli sinchi criccunaca chai shinallatacmi yuyana canchi. Ima shuc layata yuyacucpipish, Diosllatacmi cancuna alli yachachunca yuyaita cunga.

1 TESALONICENSES 5:1

C'uyashca criccuna, Apunchic Jesús ima huata, ima punzha cutimuna cashcataca, mana quillcanachu cani.

HEBREOS 10:16

“Shamuc punzhacunapica, paicunahuan ari ninacushpaca, ñuca mandashcacunataca paicunapac shungupimi yuyarichun churasha. Shinallatac paicunapac yuyaipimi, quillcashca shina cachun churasha” ninmi.

HEBREOS 13:1

Criccunaca shuc shinalla caishuc chaishuchuan c'uyanacunataca, amatac saquinguichicchu.

1 PEDRO 3:8

Ashtahuanpish cancunaca caishuc chaishuchuan c'uyanacushpa, llaquinacushpa, shuc shinalla yuyashpa, ama jatun tucushpa, alli shunguhuan causaichic.

1 PEDRO 4:8

Tucuimanta yallica caishuc chaishuc c'uyanacuichic. Chashna c'uyanacushpaca, achca juchacunatami perdonanguichic.

2 PEDRO 1:7

Ña Diosta allita yuyariccuna cashpaca, criccunapura c'uyanacunami canguichic. Ña criccunapura c'uyanacushpaca, tucui mashnata c'uyaccunami cana canguichic.

1 JUAN 2:10

Maijanpish criccunata c'uyacca achicyachic luzpimi causacun. Chashna cashcamantaca ima juchapish paitaca mana urmachingachu.

1 JUAN 3:11

“Caishuc chaishuchuan c'uyanacuichic” nishpa huillashcataca, callarimanta pachami cancunaca ña uyashcanguichic.

1 JUAN 3:23

Paica paipac Churi Jesucristota crichun, shinallatac pai mandashca shina caishuc chaishuchuan c'uyanacuchunmi, ñucanchictaca mandan.

1 JUAN 4:21

“Taita Diosta c'uyashpaca, criccunapurapish caishuc chaishuchuan c'uyanacuichic” nishpami, Apunchic Jesusca mandashca.