1 TESALONICENSES 4:17 - Nuevo Testamento en Quichua Cañar 1996

¹⁷ Chai q'uipaca, ñucanchic causacuccunaca causarishcacunandicmi Apunchic Jesushuan jahua pachapi tupangapac p'uyupi apashca cashun. Chashna apacpica, Apunchic Jesushuanmi huiñaita causashun.

Dios Rimashcata Quillcashcami

¹⁷ Chai quipaca, ñucanchic causacuccunaca causarishcacunandimi Apunchic Jesus-huan jahua pachapi tupangapac puyupi apashca cashun. Chashnami Apunchic Jesus-huan huiñaita causashun.

1 TESALONICENSES 4:17 ပူးပေါင်းရင်းမြစ်များ

SAN MATEO 26:64

Shina nicpi Jesusca: —Ña canllatac nishcanguimi. Ashtahuanpish ñucaca cancunamanca cashnami nini: Cunanmanta pacha Runa Tucungapac shamushca*f** ñucataca, imatapish ruhuaclla Taita Diospac alli maquiman tiyacuctami ricunguichic. Shinallatac jahua pachamanta p'uyupi shamucuctapish ricunguichicmi— nirca.

MARCOS 14:62

Chashna tapucpi Jesusca: —Ari, chaimi cani. Runa Tucungapac*f** shamushca ñucataca, imatapish ruhuaclla Taita Diospac alli maquiman tiyacuctapish, p'uyupi jahua pachamanta shamucuctapish ricunguichicmi— nirca.

SAN JUAN 12:26

Maijanpish ñucapacta ruhuasha nishpaca, ñucata c'atichun. Ñuca maipimi cani, chaipimi paipish canga. Shinallatac maijanpish ñucapacta ruhuactaca ñuca Taitapish alli ningami.

SAN JUAN 14:3

Ñuca rishpa cancuna causanata allichishca q'uipaca, ñuca maipimi causani, chaipi cancuna ñucahuan causagrichunmi cutin pushangapac cutimusha.

SAN JUAN 17:24

Taitalla, cai pacha manarac tiyacpimi, ñucataca c'uyashpa sumacyachishcangui. Chaimantami can cushcacunaca ñuca sumacyachishca cashcata ricuchunca, ñuca maipimi cani chaillapitac paicunapish cachun munani.

HECHOS 1:9

Chashna nishca q'uipami, paicuna ricucucpi, Jesustaca jahua pachaman Taita Diosca pusharca. Chashna pushacpi, p'uyu paita pacacpica, ña mana ricurcacunachu.

HECHOS 8:39

Yacumanta llucshicpica, Diospac Espíritu Felipeta apacpimi, chai eunuco runaca ña mana cutin Felipetaca ricurca. Chashna mana ricuricpipish, cushicushpa rircallami.

1 CORINTIOS 15:52

Chashnaca ñahuita quimllai shinallapimi, tucuri trompeta tocashpa uyaricpica, ñucanchicca shuctacyachishca cashun. Shinallatac huañushcacunaca mana cutin huañungapacmi causachishca canga. Shinallatac ñucanchicca shuctacyachishcami cashun.

2 CORINTIOS 5:8

Chaimantami paillapi shunguta churashca canchic. Shina cashpapish cai cuerpomanta anchurishpami, Apunchic Jesushuan causagrinata munanchic.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

1 TESALONICENSES 3:13

Shinallatac cancunata Taita Dios tucui shunguhuan cricta ruhuachunmi munanchic. Chashna cashpami Apunchic Jesús paipaclla caccunahuan tigramucpica, ñucanchic Taita Diospac ñaupapica Diospaclla tucushca, pi mana juchanchipac cashun.

1 TESALONICENSES 4:15

Chaimantami Apunchic Jesús cutimungacaman, “ñucanchic causaccunaca huañushcacunata ñaupashpa, jahua pachamanca mana rishunchu” nishpa, Apunchic Jesús yachachishca shinallatac cancunamanca yachachinchic.

1 TESALONICENSES 4:18

Chaimanta cai rimashcacunahuan caishuc chaishuc cushichinacuichic.

1 TESALONICENSES 5:10

Causacushpapish, huañushpapish paihuan pacta cachunmi, Jesucristoca ñucanchicmanta huañurca.

2 PEDRO 3:13

Shina cashpapish ñucanchicca Taita Dios cusha nishca mushuc jahua pachata, mushuc cai pachatami shuyacunchic. Chaipimi imapish cashcatatac ruhuashpa causashun.

APOCALIPSIS 1:7

¡Cristoca ñallami p'uyupi shamunga! Paitaca tucuimi ricunga. Shinallatac paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

APOCALIPSIS 11:12

Chai ishcai huillaccunaca: “¡Caiman huichicuichic!” nishpa, jahua pachamanta sinchita caparishcatami uyarca. Shina nicpica, paicunata p'iñaccuna ricucucpimi p'uyupi huichicurcacuna.

APOCALIPSIS 12:5

Chai huarmica shuc c'ari huahuatami sajuarirca. Chai huahuami tucui cai pachapi causaccunataca fierro varahuan mandanga. Ashtahuanpish chai huahuaca mandashpa tiyarinapi tiyacuc Diospac ñaupamanmi apashca carca.