1 TESALONICENSES 2:9 - Nuevo Testamento en Quichua Cañar 1996

⁹ C'uyashca criccuna, ñucanchic micungapacca mana samarishpami, imatapish ruhuarcanchic. Chaitaca yuyaringuichicmi. Quishpirinamanta alli huillaita huillacushpaca, maijan cancunata micunata mañashpa mana llaquichingapacmi, tutapish, punzhapish imallata ruhuarcanchic.

Dios Rimashcata Quillcashcami

⁹ Ñucanchic micungapacca yallita shaicushpami trabajarcanchic. Alli huillaita huillacushpaca, cancunamanta imata mañashpa mana llaquichingapacmi tutapish, punzhapish trabajarcanchic. Chaitaca cancunallatac yachanguichicmi

1 TESALONICENSES 2:9 ပူးပေါင်းရင်းမြစ်များ

SAN LUCAS 18:7

Pai acllashcacuna tutapish, punzhapish mañacucpica, Taita Dioscarin ¿manachu uyanga? ¿Mana uyashpa shuyachun nicungallachu?

SAN LUCAS 2:37

Shinami, ña pusac chunga chuscu huatata viuda causarca. Chai yuyac huarmica Diosman mañana huasiman rinata mana saquishpami, tutapish, punzhapish Diosta servishpa, ayunashpa, Taita Diosman mañashpa causac carca.

HECHOS 18:3

Aquila huarmindicca carpata ruhuaccuna cacpimi, Pablopish chaillatatac ruhuac cashcamanta carpata ruhuashpa paicunahuan cangapac saquirirca.

HECHOS 20:24

Chashna llaquichishpa huañuchina cacpipish, ñucaca mana llaquirinichu, ashtahuancarin Taita Dios mai c'uyac cashcata Apunchic Jesús huillachun nishcataca, huañuna punzhacaman cushicushpa pactachinatacmi cani.

HECHOS 20:31

Chaimanta cancunaca alli yuyaihuan cana canguichic. Ñucaca quimsa huatacaman tutapish, punzhapish mana samashpami, tucui cancunataca shucllancaman huacashpa cunacurcanilla.

ROMANOS 1:1

Jesucristopacta ruhuac Pablomi caita quillcani. Diosmanta alli huillaita huillachunmi, ñucataca Taita Diosca Jesusmanta huillac cachun c'ayashpa ch'icanyachirca.

ROMANOS 15:16

mana israelcunapac allipac Jesucristopacta ruhuachun ñucaman mingashcamantami cashna quillcani. Mana israelcuna Diosman cutirishpa, paipac Espíritu yuyaita cucpi, millaimanta anchurishpa Diospaclla cachunmi, quishpirinamanta alli huillaita huillashpa Diospacta ruhuacuni.

ROMANOS 15:19

Diospac Espíritu imatapish ruhuachicpimi, pi mana ruhuaipaccunatapish, pi mana ricushcacunatapish ruhuarcani. Chashnami Jerusalén pueblomanta callarishpa, Iliria llactacaman maipipish Cristomanta alli huillaitaca huillarcani.

1 CORINTIOS 4:12

Shinallatac ñucanchic quiquin maquihuan imallata ruhuashpami shaicushcanchic. C'amishpa rimaccunamanca, Taita Dios allicunata cushca cachun ninchicmi. Shuccuna llaquichicpipish, llaquita apanchicllami.

1 CORINTIOS 9:15

Shina cacpipish chashna japina cashcataca mana japishcanichu. Shinallatac cancuna imallata cuchun nishpapish, mana quillcanichu. Pimanta imata mana chasquishpa cushicunata quichuchinapac randica, huañunatami munani.

1 CORINTIOS 9:18

Shina cacpica ñuca tucuimanta yalli japinaca, pimanta imata mana japishpa, cushicushpa Cristomanta alli huillaita huillanami can. Chashnaca alli huillaita huillashcamanta japina cashca jahuapish, mana japishpami causacuni.

1 CORINTIOS 9:4

Ñucanchic huillacushcamantaca micunatapish, ubianatapish, ¿manachu chasquina canchic?

2 CORINTIOS 11:27

Quiquin maquihuanmi shaicucta trabajarcani. Tauca cutinmi mana suiñushpa pacarircani. Yarcaihuanpish, yacunaihuanpish carcanimi. Tauca cutinmi mana micurcani. Chirimantapish, churana illashcamantapish llaquita aparcanimi.

2 CORINTIOS 11:9

Ñuca cancunahuan cashpaca, ima illac cashpapish imata mañashpa mana p'iñachircanichu. Chai imalla illashcataca Macedonia llactamanta shamuc criccunami curcacuna. Chashna cashpami, cancunataca imata mañashpa mana p'iñachircani. Chai shinallatacmi mana p'iñachishpa c'atinata munani.

2 CORINTIOS 6:5

Shinami macacpipish, carcelpi churacpipish, tandanacushpa c'amicpipish, sinchi ruhuaipipish, mana suiñushpapish, shinallatac yarcaihuanpish carcanchic.

FILIPENSES 4:16

Tesalónica pueblopi cacpipish, ñucaman ima illashcataca cutin cutinmi carashpa cacharcanguichic.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.

1 TESALONICENSES 2:2

Filipos pueblopi ñucanchicta yallita c'amishpa, llaquichishca cashcataca yachanguichicmi. Shinallatac cancunapacman chayashpa ñucanchic llaquihuan cashpapish, Diosllatac mana manchashpa cancunaman paimanta alli huillaita huillachun yuyaita cushcatapish yachanguichicmi.

1 TESALONICENSES 2:6

Cancuna cashpapish, shuccuna cashpapish, pi cashpapish ñucanchicta alli nichunca jaicapi mana munashcanchicchu.

1 TESALONICENSES 3:10

Ñucanchicca cancunapacman rishpa, ñahui ñahui cancunata ricushpa, crina yuyaita cushpa, ashtahuan sinchiyachinatami munanchic. Chai munaicuna pactachunmi, tutapish punzhapish Taita Diosmanca mañacunchiclla.

1 TIMOTEO 1:11

Cashnaca quishpirinamanta sumac alli huillaimi yachachin. Chaita huillachunmi, tucui mashna alli nina Taita Dios ñucaman mingarca.

1 TIMOTEO 4:10

Ñucanchicca causac Diospimi shunguta churashcanchic. Paica tucui cai pachapi causaccunata Quishpichicmi. Ashtahuancarin paita criccunatami quishpichin. Chaimantami maijancuna p'iñacpipish, llaquita apashpa paipactaca ruhuashpa c'aticunchic.

1 TIMOTEO 5:5

Imatapish mana charic viuda huarmica Taita Diospi shunguta churashpami, “paica cungallami” nishpa punzhapish, tutapish mañacunlla.

2 TIMOTEO 1:3

Ñaupa taitacuna ruhuashca shinallatac, ñucapish tucui shunguhuan Diospacta ruhuashpa, tutapish, punzhapish paiman mañacushpaca, canta yuyarishpami pagui nicunilla.