1 TESALONICENSES 2:16 - Nuevo Testamento en Quichua Cañar 1996

¹⁶ Mana israelcunapish*f** quishpirichun nishpa ñucanchic huillashun nicpica, israelcunaca jarcanata munancunami. Chashna jarcashcamantami ashtahuan juchayuc tucuncuna. Chaimantami Taita Diosca paicunata p'iñashpa, yalli jatun llaquita paicunamanca ña cachashca.

Dios Rimashcata Quillcashcami

¹⁶ Mana israelcuna quishpirichun, ñucanchic huillashun nicpipish mana saquinchu. Chashnami ashtahuan juchayuc tucuncuna. Chaimantami Diosca yallita piñarishpa llaquichinga.

1 TESALONICENSES 2:16 ပူးပေါင်းရင်းမြစ်များ

SAN MATEO 12:45

Chashna tarishpaca, paita yalli ashtahuan millai caishuc canchis supaicunata pushashpami, chai runapica causangapac shamun. Chaimantami chai runaca, ñaupa causacushcatapish yalli ashtahuan millai runa tucun. Chai shinallatacmi cunan punzhapi causac millai gentecunapish tucunga— nirca.

SAN MATEO 23:32

Cancunapac ñaupa taitacuna imata ruhuacushcataca, ¡cunan punzhapipish ruhuashpa tucuchichicyari!

SAN MATEO 24:14

Taita Dios mandacucmanta alli huillaitaca tucui gentecuna yachachunmi, tucui llactacunapi huillashca canga. Chai q'uipami cai pachaca tucuringa.

SAN MATEO 24:6

Cancunaca quiquin llactapipish, caru llactapipish ‘ima mundo macanacuicunami tiyan’ nishcatapish uyanguichicmi. Chaita uyashpapish, ama mancharinguichicchu. Chashna ima mundo llaquicunaca tiyangallatacmi. Shina cacpipish cai pachaca manarac tucuringachu.

SAN MATEO 3:12

Cai pachapi causaccunataca huairachinahuan shamushpa, trigomanta huairachishpa, t'amutaca ch'icanyachic shinami ñalla ch'icanyachinga. Allicunataca grano huacaichina huasipi tandac shinami huacaichinga. Shinallatac millaicunataca t'amuta rupachic shinami, jaicapi mana huañuc ninapi rupachinga— nirca.

MARCOS 16:16

Maijanpish cai alli huillaita crishpa bautizarictaca, quishpichishcami canga. Ashtahuanpish cai alli huillaita mana crictaca, huiñaitami llaquiman cachashca canga.

HECHOS 13:45

Chashna mana israelcunapish achcacuna tandanacushcata israelcuna ricushpami, p'iñarishpa: “Pablo yachachishcaca yangallami” nishpa c'amircacuna.

HECHOS 13:50

Ashtahuanpish: “Chai runacunata c'atishpa cachashunchic” nishpami, israelcunaca gentecunapac alli nishca, Diosta yuyaric huarmicunatapish, shinallatac chai pueblota mandaccunatapish cunarcacuna. Chaimantaca Pablotapish, Bernabetapish llaquichishpami, chai llactamantaca llucchishpa cacharcacuna.

HECHOS 14:19

Antioquía pueblomantapish, Iconio pueblomantapish maijan israelcuna*f** shamushpaca, gentecunata jatarichishpami, Pablotaca rumicunahuan shitashpa, huañunalla tucungacaman macarcacuna. Chaimantaca: “Ñami huañun” nishpa, siricta aisashpa, chai pueblomanta llucchircacuna.

HECHOS 14:2

Ashtahuanpish Jesusta mana cric israelcunaca criccunahuan ama apanacuchunmi, mana israelcunaman panda yuyaita curcacuna.

HECHOS 14:5

Chashna tucushpaca israelcunapish, mana israelcunapish mandaccunahuan tandanacushpami: “Paicunataca c'amishpa, rumicunahuan shitashun” ninacurcacuna.

HECHOS 17:13

Tesalónica pueblopi causac israelcunaca Berea pueblopipish Diosmanta Pablo huillacucta yachashpami, chaiman rishpa, paita llaquichingapac chai pueblopi causaccunata jatarichircacuna.

HECHOS 19:9

“Jesusta crishpa, alli causaichic” nishpa huillacucpipish, maijan rumi shungu gentecunaca chai huillashcata mana cazushpami, tucuipac ñaupapi millaita rimarcacuna. Chaimantami Pabloca tucui criccunandic Tirano runa yachachina huasiman rishpa, punzhanta huillashpa yachachirca.

HECHOS 21:21

Ashtahuanpish cantaca caru llactapi causac israelcunataca: ‘Moisés mandashcacunata ama cazuichicchu, cancunapac c'ari huahuacunatapish circuncisionta*f** ama ruhuaichicchu, shinallatac israelcuna imallata ruhuana cashcatapish ama ruhuaichicchu’ nishpa yachachicushcatami, maijancunaca yachac chayashcacuna.

HECHOS 23:12

Cayandic tutamantaca maijan israelcunaca:*f** “Pablota huañuchingacamanmi manatac micushunchu, manatac ubiashunchu. Ñucanchic mana chaita pactachicpica, Taita Dios ñucanchicta llaquichichun” nishpa, shuc yuyailla tucurcacuna.

HECHOS 24:9

Chaipi cac israelcunapish: —Ari, chashnatacmi— nircacuna.

HECHOS 25:2

Chaiman chayacpica, curacunata mandac curacunapish, israelcunapuramanta*f** caishuc mandaccunapish Pablota juchanchingapacmi, Festopacman shamurcacuna.

HECHOS 25:7

Ña pai chayamucpica, Jerusalenmanta shamushca israelcunaca muyundicta shayarishpami, Pablotaca manapish cashcacunata munai juchanchishpa rimarcacuna. Ashtahuanpish paicuna juchanchicushcataca chashnatacmi nishpaca, pipish mana nircachu.

HECHOS 4:12

Cai pachapi causaccunata quishpichichunca, Jesusllatami Taita Diosca cacharca. Chaimanta ñucanchicta quishpichingapacca, pi shuctac Quishpichicca mana tiyanchu— nirca.

HECHOS 9:23

Ña Saulo unaita huillashpa causacucpimi, israelcuna*f** tandanacushpa, huañuchinata yuyarircacuna.

1 CORINTIOS 10:33

Ñucaca mana quiquinpac allita mashcashpami, imata ruhuashpapish tucuipac allipac paicuna quishpirichun ruhuacuni.

GÁLATAS 5:11

C'uyashca criccuna, ñuca cancunaman “circuncisionta ruhuanaca allimi” nishpa puricpica, israelcunaca*f** mana p'iñanmanchu carca, shinallatac Jesucristo ñucanchicmanta cruzpi huañushcata huillashcapish ña mana paicunata p'iñachinmanchu.

EFESIOS 3:13

Shina cashcamanta ñuca cancunamanta llaquita apacucpipish ama llaquirishpa, ashtahuanpish ñaupaman c'atichunmi mañani. Cancunapac allipacmi cashna llaquicunata apacuni.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

1 TESALONICENSES 1:10

Shinallatac huañushcacunapuramanta Taita Dios causachishca, paipac Churi Jesucristo jahua pachamanta cutin shamunata shuyacushcatapish parlancunami. Taita Dios p'iñarishpa, shamuc punzhapi llaquichinamanta quishpichicca Jesucristomi.

2 TESALONICENSES 2:10

Jatun llaquiman ricuccunataca tucui laya mana allita ruhuashpami, umashpa crichinga. Paicuna quishpiringapac cashcata nic huillashcata p'iñashpa, mana chasquishcamantami chashnaca tucunga.

1 TIMOTEO 2:4

Paica quishpirinamanta alli huillaica chashnatac cashcata yachac chayashpa, tucui gentecuna quishpirichunmi munan.

HEBREOS 6:8

Ashtahuanpish cashallata, mana alli q'uihuallata p'ucushpaca, imapish mana alli allpa shina cashcatami ricuchin. Chaicunataca Dios p'iñarishpami ñalla tucuchinga.

APOCALIPSIS 22:11

Mana allita ruhuaccunaca chashnallatac ruhuashpa c'atichun, millanayaita ruhuaccunaca chashnallatac ruhuashpa c'atichun saquinguilla. Cutin allita ruhuaccunaca chashnallatac allita ruhuashpa c'atichun, shinallatac Diospaclla caccunapish Diospaclla causashpa c'atichun saquinguilla— nirca.