1 TESALONICENSES 1:9 - Nuevo Testamento en Quichua Cañar 1996

⁹ Chaipac randica, paicunallatacmi ñucanchic chayacpi cancuna ima shina chasquishcata, shinallatac ima shina ruhuashcalla dioscunata alli ninata saquishpa, causac Taita Diostatac servingapac tigrarishcata parlancuna.

Dios Rimashcata Quillcashcami

⁹ Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

1 TESALONICENSES 1:9 ပူးပေါင်းရင်းမြစ်များ

SAN MATEO 16:16

Shina tapucpi Simón Pedroca: —Canca causac Diospac Churi, Quishpichic Cristomi cangui— nirca.

HECHOS 14:15

—¡Uyaichic! ¿Imapactac chashna ruhuashun ninguichic? Ñucanchicca cancuna shina runacunallami canchic. Cancuna cashna yangalla ruhuanata saquishpa, causac Taita Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

ROMANOS 9:26

Shinallatac maipimi ‘cancunaca mana ñuca huahuacunachu canguichic’ nircani, chaillapitacmi ‘cancunaca causac Diospac huahuacunami canguichic’ nisha” nishcami.

1 CORINTIOS 12:2

Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi.

1 TESALONICENSES 2:1

C'uyashca criccuna, ñucanchic cancunata ricungapac rishpa, mana yanga rishcataca cancunallatacmi yachanguichic.

1 TESALONICENSES 2:13

Ñucanchic huillacpi, mana gentecunalla huillashcata yuyashpa, ashtahuanpish quishpirinamanta huillashcaca Diosmanta cashcata yachashpa chasquishcamantami, punzhanta Diostaca pagui nicunchiclla. Chaica Dios rimashca shimi cashpatacmari, cancunata shuctacyachicpi, sumacta causacunguichic.

1 TIMOTEO 4:10

Ñucanchicca causac Diospimi shunguta churashcanchic. Paica tucui cai pachapi causaccunata Quishpichicmi. Ashtahuancarin paita criccunatami quishpichin. Chaimantami maijancuna p'iñacpipish, llaquita apashpa paipactaca ruhuashpa c'aticunchic.

HEBREOS 12:22

Ashtahuanpish cancunaca Sión*f** urcuman, causac Diospac jahua pacha Jerusalén puebloman, chaipi huaranga angelcuna tandanacushpa, Taita Diosta alli nicucmanmi chayarcanguichic.

1 JUAN 5:21

C'uyashca huahuacuna, ruhuashcalla dioscunata adoranamantaca huacaichiringuichic.

APOCALIPSIS 17:2

Chai huarmihuanmi tucui cai pachapi tiyac jatun mandaccunaca mana allita ruhuashpa huacllirircacuna— nirca.