1 TESALONICENSES 1:10 - Nuevo Testamento en Quichua Cañar 1996

¹⁰ Shinallatac huañushcacunapuramanta Taita Dios causachishca, paipac Churi Jesucristo jahua pachamanta cutin shamunata shuyacushcatapish parlancunami. Taita Dios p'iñarishpa, shamuc punzhapi llaquichinamanta quishpichicca Jesucristomi.

Dios Rimashcata Quillcashcami

¹⁰ Shinallatac huañushcacunapuramanta Dios causachishca quishpichic Jesucristo jahua pachamanta shamunata shuyacushcatapish, Dios piñarishpa llaquichimanta pai quishpichic cashcatapish parlancunami.

1 TESALONICENSES 1:10 ပူးပေါင်းရင်းမြစ်များ

SAN MATEO 1:21

Paica shuc c'ari huahuatami charinga. Chai huahuataca JESÚS shutitami shutichingui. Paimi tucui pai acllashcacunataca juchacunamanta quishpichinga. Chaimantami chai shutica canga” nirca.

SAN MATEO 16:27

Ashtahuanpish Runa Tucungapac shamushca*f** ñucaca, ñuca Taitapac sumaimana achiclla cashcahuan, shinallatac paipac angelcunahuan cutimushpaca, tucuimanmi imata ruhuashca shinallatac ricushpa cusha.

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

SAN MATEO 3:7

Shina bautizacucpimi, achca fariseocunapish,*f** saduceocunapish*f** bautizarisha nishpa shamurca. Shina shamucta ricushpami, Juanca: —¡Culebra shina millai gentecuna! Taita Dios p'iñarishpa ima mundota ñalla llaquichigricushcamanta cancuna quishpirichunca, ¿pitac huillarcayari?

SAN LUCAS 2:25

Chai punzhacunallapitacmi, Simeón runaca Jerusalenpi causacurca. Paica Diosta manchac, paita cazuc cashpami, israelcunata*f** Taita Dios quishpichingapac shamucta shuyacurca. Simeonca Diospac Espirituhuanmi carca.

SAN LUCAS 3:7

Bautizarisha nishpa shamuc gentecunataca, Juanca cashnami nirca: —¡Culebra shina millai gentecuna! Taita Dios p'iñarishpa, yallita ñalla llaquichigricushcamanta cancuna quishpirichunca, ¿pitac huillarcayari?

HECHOS 1:11

—Galilea llacta runacuna, ¿ima nishpatac huichailla chaparacunguichic? Cai cancunapacmanta jahua pachaman pushashca Jesusllatacmi, cutin shamunga. Ima shinami pai ricta ricurcanguichic, chashnallatacmi cutimunga— nircacuna.

HECHOS 17:31

Taita Diosca pai acllashca punzhapimi, tucui cai pachapi causaccunataca imalla ruhuashca shinallatac taripanga. Chaita ruhuachunca, pai acllashca runatami cachanga. Chashna taripanata gentecuna yachachunmi, paitaca huañushcacunapuramanta causachirca” nirca.

HECHOS 2:24

Chashna cancuna Jesusta huañuchicpipish, Taita Diosca llaquiman apac huañuimantaca cacharichishpami causachirca. Shina ruhuacpimi, huañuipish Jesustaca mana ati pudirca.

HECHOS 2:32

Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

HECHOS 3:21

‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

ROMANOS 1:4

Shina cacpipish pai huañushcacunapuramanta causaricpimi, Diospac Espirituca Diospac Churi imatapish ruhuaclla cashcata ricuchirca.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

ROMANOS 4:25

Apunchic Jesusca ñucanchic juchacunamantami japi tucushpa huañurca. Ñucanchic paihuan alli tucuchunmi, Taita Diosca Jesustaca huañushcacunapuramanta causachirca.

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

1 CORINTIOS 1:7

Chai shina cacpimi, Apunchic Jesucristo cutimunata cancuna shuyacuccunamanca, Taita Diosca imatapish paipacta ruhuachun ayudacunlla.

GÁLATAS 3:13

Shina cacpimi Moisés mandashcacunata ñucanchic mana pactachishpa, llaquiman rinalla cacpipish, Cristoca ñucanchicpac randi cruzpi llaquita apashpa quishpichirca. Dios quillcachishcapica: “Maijanpish cruzpi chacatashca huañucca, Dios llaquichishcami huañun” ninmi.

FILIPENSES 3:20

Ashtahuanpish ñucanchic causana llactaca jahua pachami. Chai jahua pachamanta Quishpichic Apunchic Jesucristo cutimunallatacmi shuyacunchic.

COLOSENSES 1:18

Shinallatac Cristomi tandanacushca criccunataca uma shina mandacun. Tandanacushca criccunaca paipac cuerpo shinami canchic. Pai manarac ima tiyacpi, ña tiyac cashcamanta, shinallatac huañushcacunapuramanta punta causaric cashcamantami, Taita Diosca tucuita punta cachun churarca.

1 TESALONICENSES 1:7

Chai shina cashpami, cancunaca Macedonia llactapi, Acaya llactapi causac tucui criccunamanca allita c'atinata ricuchircanguichic.

1 TESALONICENSES 2:16

Mana israelcunapish*f** quishpirichun nishpa ñucanchic huillashun nicpica, israelcunaca jarcanata munancunami. Chashna jarcashcamantami ashtahuan juchayuc tucuncuna. Chaimantami Taita Diosca paicunata p'iñashpa, yalli jatun llaquita paicunamanca ña cachashca.

1 TESALONICENSES 2:7

Ñucanchicca Jesús acllashca huillaccuna cashcamantaca, cancunataca mandanchicmanllami carcanchic. Shina cashpapish huahuacuna shinami, cancunahuanca tucurcanchic. Ima shinami shuc mama quiquin huahuacunata cuidashpa huiñachic shinami, cancunataca yallita c'uyanchic.

1 TESALONICENSES 5:9

Ñucanchictaca Taita Diosca p'iñarishpa, llaquichingapacca mana acllarcachu. Chaipac randica, ñucanchic Apunchic Jesusmanta quishpirichunmi acllarca.

2 TIMOTEO 4:1

Canmanca Taita Diospac ñaupapi, shinallatac huañushcacunatapish, causaccunatapish Jatun Mandac shina taripangapac shamuc Apunchic Jesucristopac ñaupapimi caitaca mingani:

TITO 2:13

Shinallatac chai c'uyaimi, ñucanchicta Mandac Dios Quishpichic Jesucristo sumaimana cashcahuan, cutimuna cushicui punzha pactanata shuyanata yachachicun.

HEBREOS 10:27

Ashtahuanpish chashna ruhuaccunamanca manchanayai taripana punzha, shinallatac rupachishpa chingachic ninallami shuyacun. Chai ninaca Diosta mana cazuccunatami tucuchinga.

HEBREOS 9:28

Shinallatacmi Apunchic Jesusca achca gentecunapac juchacunata p'ichangapacca, pai quiquinllatac curishpa huañurca. Q'uipataca ña mana juchacunata anchuchingapac shamungachu, ashtahuanpish paita shuyacuccunata quishpichingapacmi shamunga.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

1 PEDRO 1:3

¡Ñucanchic Apunchic Jesucristopac Taita Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana c'uyaimanta Jesucristota causachishpa, ñucanchictaca cutin huacharishca shinata ruhuarca.

1 PEDRO 2:21

Chai shina causachunmi Taita Diosca c'ayarca. Cristoca pai llaquita apashca shinallatac cancunapish llaquita apachunmi, cancunamanta llaquita aparca.

1 PEDRO 3:18

Cristoca ñucanchic juchacunamantami, shuc cutinlla huiñai huiñaipac llaquita apashpa huañurca. Paica ñucanchicta Taita Diospacman pushangapacmi, manapish juchayuc cashpa, millaicunamanta llaquita apashpa huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

2 PEDRO 3:12

Taita Dios taripana punzha utca shamuchunca, ima shinapish Diospaclla causanata munashpa shuyacuichic. Chai punzhapica, jahua pachataca ninahuanmi tucuchinga. Shinallatac caipi tiyaccunataca ninallatacmi tucui yacuyachinga.

2 PEDRO 3:14

Chaimanta c'uyashca criccuna, caicunata shuyacushcamantaca, Taita Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

APOCALIPSIS 1:18

Ñucaca huañushpapish causacunimi. Cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 1:7

¡Cristoca ñallami p'uyupi shamunga! Paitaca tucuimi ricunga. Shinallatac paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.