1 PEDRO 5:9 - Nuevo Testamento en Quichua Cañar 1996

⁹ Cai pachapica tucui criccunami cancuna shinallatac llaquita apacuncuna. Chaita yachashpami, Jesusta alli crishpa, diablotaca atinata yuyana canguichic.

Dios Rimashcata Quillcashcami

⁹ Cai pachapica tucui criccunami cancuna shinallatac llaquita apacuncuna. Chaita yachashpami, Jesusta alli crishpa, diablotaca mishaichic.

1 PEDRO 5:9 ပူးပေါင်းရင်းမြစ်များ

SAN LUCAS 22:32

Chashna cacpipish ‘ña mana c'atishachu’ ama nichunca, ñucaca canmanta Taita Diosman mañarcanimi. Can llaquirishpa, Taita Diosman cutirishpaca, caishuc ñucata c'aticcunamanpish ñucata c'atichun alli yuyaita cungui— nirca.

SAN JUAN 16:33

Tucui caicunataca cancuna ñucahuan shuc shinalla cashcata yachashpa, shungupi yallita cushicuita charichunmi nini. Cai pachapica cancunaca llaquita apanguichicmi. Shina cacpipish, cai pacha mana allicunata ñuca mishashcata yuyarishpa, ama manchashpa cushicuichiclla— nirca.

HECHOS 14:22

Chai pueblocunaman chayashpa, chaipi causac criccunataca: “Jesusta crishcata mana saquishpa, alli c'atichic” nircacunami. Shinallatac: “Tucui laya llaquicunata apashpami, Taita Dios mandacucmanca yaicuna canchic” nircacuna.

1 CORINTIOS 10:13

Cancunaca pi mana apaipac mana alli munaitaca mana apashcanguichicchu. Shinallatac Taita Diosca cancuna mana apaipac mana alli munaita apachunca mana saquingachu. Taita Diosca imatapish pactachic cashpami, cancuna mana alli munaita jahualla apachunca, chai munaimanta llucshina yuyaitapish cunga.

EFESIOS 4:27

Diablo ashtahuan pandachishpa c'atichunca ama saquichicchu.

EFESIOS 6:16

Tucuimanta yallica, millai diablo cachashca nina shina yuyaicunata jarcaringapacca Diosta crishpa, escudota churarishca shina caichic.

COLOSENSES 2:5

Cancunahuan ñuca ñahui ñahui mana cashpapish, ñuca yuyaipica cancunahuan cashca shinallatacmi cani. Cancuna Cristopi shunguta churashpa, caishuc chaishuchuan shuc shinalla cashcata yachashpami cushicuni.

1 TESALONICENSES 3:3

Chashnaca cancuna llaquicunamanta “ña mana c'atishun” nishpa ama yuyachunmi, paitaca cacharcanchic. Chai shina llaquicunata apana cashcataca cancunallatac yachanguichicmi.

1 TIMOTEO 6:12

Huiñai causaita japingapacca, macanacuipi mishac shina crishca yuyaihuan alli c'atingui. Cantaca achcacunapac ñaupapi “tucui shunguhuan crinimi” nicpimi, chai causaita japichun Taita Diosca acllashca.

2 TIMOTEO 3:12

Maijanpish Apunchic Jesushuan shuc shinalla tucushpa, paipaclla causanata munaccunaca llaquita apangami.

2 TIMOTEO 4:7

Ñucaca Jesusta crinata mana saquishpami, callpaipi mishac shina chai chayana cashcaman ña chayashcani.

HEBREOS 11:33

Crishcamantami llactata mandaccunahuan macanacushpa mishashpa, paicunaca cashcata ruhuac mandaccunapish tucurcacuna. Dios cushami nishca allicunatapish japircacunami. Shinallatac leoncunapac shimicunatapish, ama imata ruhuachun huichcarcacunami.

HEBREOS 12:8

Taita Diosca tucui paipac huahuacunata llaquichic shinallatac, cancunata mana llaquichishpa chashnalla saquicpica, mana paipac quiquin huahuacuna shinachu canguichic.

SANTIAGO 4:7

Diablota mana ricunachishpa, Taita Diosllata cazuichic. Shina ruhuacpica, diabloca cancunamanta caruyangallami.

1 PEDRO 1:6

Chaimantami cancunaca ashacaman tucui laya llaquicunata apana cacpipish, mai cushicuna canguichic.

1 PEDRO 2:21

Chai shina causachunmi Taita Diosca c'ayarca. Cristoca pai llaquita apashca shinallatac cancunapish llaquita apachunmi, cancunamanta llaquita aparca.

1 PEDRO 3:14

Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata p'iñaccunataca ama manchaichicchu, llaquillapish ama caichicchu.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuc shinalla cashpami, cancunahuan pacta Dios mandacucpi cashpa, llaquita apashpa c'uyac shunguhuan ima llaquitapish apana yuyailla cani. Taita Dios Jesusman huillachishcata ñuca huillashcamantami, yacu chaupipi cac Patmos llactapi prezu carcani.

APOCALIPSIS 6:11

Chashna nicpi paicunaman yuraclla churanata cushpaca: —Cancuna shinallatac Jesucristopacta ruhuaccuna cashcamanta mashnacuna huañuchina cashca pactangacaman, ashata samaricuichiclla— nictami uyarcani.

APOCALIPSIS 7:14

Shina tapucpica: —Amito, canllatac yachanguimi— nircanimi. Shina nicpi paica cashnami nirca: —Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacsharishcamanta yuraclla tucushcacunami.