1 PEDRO 5:3 - Nuevo Testamento en Quichua Cañar 1996

³ Cancunaman mingashca criccunataca, mana yalli mandashpalla charinachu canguichic, ashtahuanpish alli ruhuashcata paicuna ricushpa c'atichunca, cancunaracmi allita ruhuana canguichic.

Dios Rimashcata Quillcashcami

³ Cancunaman mingashca criccunataca, ama cancunapac gentecunata shina mandashpa charichicchu, ashtahuanpish alli ruhuashcata ricushpa catichunca, cancunaracmi allita ruhuana canguichic.

1 PEDRO 5:3 ပူးပေါင်းရင်းမြစ်များ

SAN JUAN 13:15

Cancunapish chashnallatac ruhuachunmi, ñucaca chashna jahuashpa ricuchini.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

1 CORINTIOS 11:11

Ashtahuanpish Apunchic Jesucristota crishpa, paihuan shuc shinalla tucushcamantaca, c'aripish mana huarmita yallichu, shinallatac huarmipish mana c'arita yallichu.

1 CORINTIOS 3:5

Ñucanchicca Pablo cashpa, Apolos cashpapish ima mana canchicchu, ashtahuanpish Apunchic Jesuspacta ruhuaccunallami canchic. Ñucanchic huillacpimi, cancunapish paita criccuna tucurcanguichic. Ñucanchicca Apunchic Jesús imata ruhuachun ricuchishcallata ruhuaccunami canchic.

1 CORINTIOS 3:9

Ñucanchicca ishcaitacmi Diospacta ruhuaccuna canchic. Cancunaca Dios tarpuna allpa shina, Dios huasichina huasi shinami canguichic.

2 CORINTIOS 1:24

Cancunaca ña alli criccunami canguichic. Chaimantami crishpa caita chaita ruhuachun nishpa, ña mana mandanchic, ashtahuanpish cancuna cushicuihuan crishpa c'atichunmi, ñucanchicca ayudanata munanchic.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta c'uyac cashcamantami, cancunata serviccuna canchic.

FILIPENSES 3:17

C'uyashca criccuna, ñuca causashca shinallatac cancunapish causaichic. Chashnallatac ñucanchic cancunaman yachachishcata c'atishpa causaccunata ricushpa, paicuna shina causaichic.

FILIPENSES 4:9

Ñucamanta imata yachacushcatapish, ñuca ima ruhuashcata ricushcatapish, ñuca ima nishcata uyashcatapish, tucui chaicunata ruhuacpimi, sumac causaita cuc Taita Diosca cancunahuanca canga.

1 TESALONICENSES 1:7

Chai shina cashpami, cancunaca Macedonia llactapi, Acaya llactapi causac tucui criccunamanca allita c'atinata ricuchircanguichic.

2 TESALONICENSES 3:9

Ñucanchicca cancunaman imata mañashpapish, mañanallami carcanchic. Shina cacpipish ñucanchic ruhuashca shinallatac cancunapish ruhuachun nishpami, ñucanchic micungapacca imatapish trabajarcanchic.

1 TIMOTEO 4:12

Criccuna canta ricushpa allita causachunca, allita ruhuashpa, alli shimicunata rimashpa, alli c'uyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

TITO 2:7

Ima ruhuaipipish canrac allita ruhuashpa ricuchingui. Yachachicushpapish ama pucllarishpa, ama nic tucushpalla yachachingui.

1 PEDRO 2:9

Ashtahuanpish cancunaca Dios acllashpa ch'icanyachishcacuna, Jatun Mandacpacta ruhuac curacuna, jucha illaccuna cachun acllashcacuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.