1 PEDRO 5:14 - Nuevo Testamento en Quichua Cañar 1996

¹⁴ Caishuc chaishuc chuya shunguhuan muchashpa, “allilla cashca cachun” ninacuichic. Apunchic Jesushuan shuc shinalla tucushcacunaca, tucui mashna sumac causaita charishca canguichicman.

Dios Rimashcata Quillcashcami

¹⁴ Caishuc chaishuc cuyaihuan muchashpa, “allilla cashca cachun” ninacuichic. Apunchic Jesus-huan shuc shinalla tucushcacunaca, tucui mashna sumac causaita charishca canguichicman.

1 PEDRO 5:14 ပူးပေါင်းရင်းမြစ်များ

SAN MATEO 5:47

Shinallatac cancunapuralla alabadunacushpaca, ima allita mana ruhuanguichicchu. Taita Diosta mana ricsiccunapish chashnaca ruhuancunallami.

SAN JUAN 14:27

Ñuca rishpaca, cancunamanca sumac cushicui causaitami saquini. Shina cashpapish, cai pachapi causac gentecuna cushca cushicui shinataca mana saquinichu. Cancunaca ama llaquirichicchu, shinallatac ama manchaichicchu.

SAN JUAN 16:33

Tucui caicunataca cancuna ñucahuan shuc shinalla cashcata yachashpa, shungupi yallita cushicuita charichunmi nini. Cai pachapica cancunaca llaquita apanguichicmi. Shina cacpipish, cai pacha mana allicunata ñuca mishashcata yuyarishpa, ama manchashpa cushicuichiclla— nirca.

SAN JUAN 20:19

Semana callari chai domingo punzhapitacmi ña tutayamugricucpi, yachacuccunaca mandac israelcunata*f** manchashcamanta pungucunata huichcarishpa, tucui tandarishpa tiyacurcacuna. Chashna cacpimi, Jesús paicunapacman chayashpa, chaupipi shayarishpaca: —Cushicuichic, ama manchaichicchu— nirca.

SAN JUAN 20:26

Pusac punzha q'uipami, cutin yachacuccunaca chai ucullapitac tandanacushca carcacuna. Shinallatac Tomaspish chaipimi carca. Huasi pungucuna huichcashca cacpimi, Jesusca cutin paicunapacman chayashpa chaupipi shayarishpaca: —Cushicuichic, ama manchaichicchu— nirca.

ROMANOS 16:16

Chuya shunguhuan muchashpa, caishuc chaishuc “allilla cashca cachun” ninacuichic. Cristota cric tucui tandanacushca criccunapish “allilla cashca cachun” nishpami cachancuna.

ROMANOS 8:1

Chashna cashcamanta cunanca maijanpish Jesucristohuan shuc shinalla caccunamanca, ña mana jatun llaquica tiyangachu.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

1 CORINTIOS 16:20

Tucui criccunami “allilla cashca cachun” nishpa cachancuna. Chuya shunguhuan muchashpa, caishuc chaishuc “allilla cashca cachun” ninacuichic.

2 CORINTIOS 13:12

Chuya shunguhuan muchashpa, caishuc chaishuc “allilla cashca cachun” ninacuichic.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

EFESIOS 6:23

Taita Diospish, Apunchic Jesucristopish tucui criccunaman sumac causaita, c'uyac canata, alli cric canata cushca cachun.

1 TESALONICENSES 5:26

Tucui criccunata chuya shunguhuan muchashpa, caishuc chaishuc “allilla cashca cachun” ninacuichic.

1 PEDRO 1:2

Cancunataca Taita Diosmi ña ñaupamanta pacha pai munashca shina paipac huahuacuna cachun acllashca. Taita Diosca paita c'uyashpa causachun, shinallatac Jesucristopac yahuarhuan chuyayachishca cachunmi, cancunata paipac Espiritumanta paipacllatac ruhuashca. Taita Dios mai c'uyashpa, cancunaman sumac causaita yallita cushca cachun ninimi.

3 JUAN 1:14

Ashtahuanpish canhuan ñahui ñahui cangapacmi, utca shamusha nicuni. Chaipimi ashtahuan parlanacushun.