1 PEDRO 5:1 - Nuevo Testamento en Quichua Cañar 1996

¹ Cunanca cancunapuramanta tandanacushca criccunata pushaccunatami cunashpa rimasha nini. Ñucapish paicuna shinallatac pushacmi cani. Shinallatac Cristo ima shina llaquita apashcatapish ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

Dios Rimashcata Quillcashcami

¹ Cunanca cancunapurapi cac tandanacushca criccunata pushaccunatami, ñucapish paicuna shinallatac pushac cashcamanta cunashpa rimasha nini. Ñucaca Cristo ima shina llaquita apashcata ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

1 PEDRO 5:1 ပူးပေါင်းရင်းမြစ်များ

SAN LUCAS 24:48

Shinallatac cai tucui imalla tucushcata ricushcataca, cancunami huillana canguichic.

HECHOS 1:22

Paicunaca Juan bautizacushca punzhamanta pacha, Jesús jahua pachaman ringacaman ñucanchichuan puric runacunami. Chashna cashcamanta Jesús causarishcata ñucanchichuan huillachunca, paicunapuramanta maijanta cashpapish shucta acllashunchic” nirca.

HECHOS 1:8

Shina cacpipish, Diospac Espíritu cancunapacman shamucpimi, tucui imatapish ruhuai pudinguichic. Chaimantami Jerusalén pueblopipish, tucui Judea llactapipish, Samaria llactapipish, shinallatac mai tiyashca llactacunapipish ñucamanta huillagringuichic— nirca.

HECHOS 11:30

Paicuna ña chashna ruhuashpaca, Judea llactapi causac criccunata pushaccunaman cuchunmi, Bernabeman, Sauloman mingashpa cacharcacuna.

HECHOS 14:23

Shinallatac tandanacushca criccunapurapica, maipipish pushac runacunataca acllarcacunami. Chashna acllashpaca, ayunashpa Taita Diosman mañashpami, paicuna crishca Apunchic Jesusman mingarcacuna.

HECHOS 15:4

Paicuna Jerusalenman ña chayacpica, Jesús acllashca huillaccunapish, criccunata pushaccunapish, shinallatac tucui criccunapish allimi chasquircacuna. Pablopish, Bernabepish Taita Dios paicunahuan ima shina cashcatami parlarcacuna.

HECHOS 15:6

Chaita uyashpami, Jesús acllashca huillaccunapish, criccunata pushaccunapish chashna nishcataca alli yuyarinacungapac tandanacurcacuna.

HECHOS 2:32

Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

HECHOS 20:17

Pabloca Mileto pueblopi cashpami, Efeso pueblopi tandanacushca criccunata pushaccunata c'ayac cacharca.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

HECHOS 21:18

Chai cayandic punzhaca Pabloca ñucanchicta pushashpami, Jacobota ricungapac rirca. Chai huasipica criccunata pushaccunapish tucuimi tandanacushca cashca carca.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

2 CORINTIOS 5:1

Ñucanchicca chingariclla cai pachapi tiyac carpa huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasi shina cuerpota charishcatami yachanchic. Chai huasica jahua pachapimi, Taita Dios allichishca tiyacun.

2 CORINTIOS 5:8

Chaimantami paillapi shunguta churashca canchic. Shina cashpapish cai cuerpomanta anchurishpami, Apunchic Jesushuan causagrinata munanchic.

FILIPENSES 1:19

Cancuna ñucamanta Taita Diosman mañacushcamantapish, Jesucristopac Espíritu ñucata ayudashcamantapish, caimanta llucshina cashcata alli yachashpami, cashnaca cushicuni.

1 TIMOTEO 5:1

Ñaupa huiñai taitacunata rimashpaca, ama sinchita rimangui, ashtahuanpish sumacta quiquin taitata shina cunangui. Shinallatac q'uipa huiñaicunataca, quiquin huauquita shina sumacta rimangui.

1 TIMOTEO 5:19

Tandanacushca criccunata pushacta maijan shuclla juchanchicpica ama juchanchinguichu, ashtahuanpish ishcai, quimsa “chaica chashnatacmi” nicpi, canca juchanchingui.

2 TIMOTEO 4:8

Cunan punzhamanta pachami cashcata ricuchic, ñucaman cuna cashca coronata Taita Diosca charicun. Chaitaca cashcata ruhuashpa taripac Apunchic Jesucristomi, taripana punzhapica cunga. Mana ñucallamanchu cunga, ashtahuanpish tucui pai cutimuna punzhata c'uyaihuan shuyaccunamanpish cungami.

TITO 1:5

Yacu chaupipi tiyac Creta llactapi canta saquishpaca, ñuca nishca shinallatac chai allichina cashcata allichichunpish, tandanacushca criccuna tiyac pueblocunapica criccunata pushacta acllashpa churachunpishmi cantaca saquimurcani.

FILEMÓN 1:9

Chashna cashpapish ñucanchic c'uyanacushcamantami, canmanca c'uyaihuan mañani. Ñucaca ña yuyacmi cani. Cunancarin Jesucristomanta huillashpa puricucpi, prezu japishcami tiyacuni.

HEBREOS 12:1

Shina cashcamanta ñucanchic muyundicpi Diosta alli crishcata ricuchiccuna p'uyu shina achcacuna tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcamanca mana shaicushpa rishunchiclla.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

1 PEDRO 1:7

Cancuna crishcaca curi shinami. Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.

1 PEDRO 5:4

Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

1 JUAN 3:2

C'uyashca criccuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

2 JUAN 1:1

Ñucaca criccunata pushac cashpami, Dios acllashca tandanacushca criccunamanpish, mashnalla chaipi caccunamanpish tucui ñuca c'uyaihuan caita quillcani. Mana ñucallachu c'uyani, ashtahuanpish tucui mashnalla cashcata nic huillashcata uyashpa criccunapish c'uyancunami.

3 JUAN 1:1

Criccunata pushac ñucami ñuca tucui shunguhuan c'uyashca Gayoman cai quillcata quillcani.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuc shinalla cashpami, cancunahuan pacta Dios mandacucpi cashpa, llaquita apashpa c'uyac shunguhuan ima llaquitapish apana yuyailla cani. Taita Dios Jesusman huillachishcata ñuca huillashcamantami, yacu chaupipi cac Patmos llactapi prezu carcani.