1 PEDRO 4:8 - Nuevo Testamento en Quichua Cañar 1996

⁸ Tucuimanta yallica caishuc chaishuc c'uyanacuichic. Chashna c'uyanacushpaca, achca juchacunatami perdonanguichic.

Dios Rimashcata Quillcashcami

⁸ Tucuimanta yallica caishuc chaishuc cuyanacuichic. Chashna cuyanacushpaca, achca juchacunatami perdonanguichic.

1 PEDRO 4:8 ပူးပေါင်းရင်းမြစ်များ

1 CORINTIOS 13:1

Gentecunapac rimaita shinallatac angelcunapac rimaita ñuca rimashpapish, c'uyaita mana charishpaca, chilin nic fierro, chilin nic platillo shinallami uyarini.

1 CORINTIOS 13:4

Maijanpish c'uyaita charicca, llaquichicpipish mana p'iñaric, alli shunguyucmi. Shuccuna ama charichun nishpa mana munacchu, shinallatac “allimi cani” nishpa mana jatun tucushcachu.

COLOSENSES 3:14

Tucuimanta yallica, c'uyanacushpami causana canguichic. Chashna c'uyanacushpa causashpami, tucui mashna shuc shinalla sumacta causanguichic.

1 TESALONICENSES 3:12

Ñucanchic cancunata c'uyac shinallatac, cancunamanpish caishuc-huan chaishuc-huan, shinallatac shuctaccunahuanpish c'uyanacuna yuyaita Apunchic Jesús ashtahuan cuchunmi munanchic.

2 TESALONICENSES 1:3

C'uyashca criccuna, cancuna crishpa, ashtahuan sinchiyashpa c'aticushcamanta, shinallatac caishuc chaishuchuan ashtahuan c'uyanacushpa causacushcamantaca, Taita Diostaca pagui nina cacpitacmi pagui nicunchic.

1 TIMOTEO 1:5

Caita mandashpaca, shungupi mana mapa yuyaihuan, pipish mana juchanchishca, mana nic tucushpalla crishpa, caishuc chaishuchuan c'uyanacuchunmi nini.

HEBREOS 13:1

Criccunaca shuc shinalla caishuc chaishuchuan c'uyanacunataca, amatac saquinguichicchu.

SANTIAGO 5:12

Ñuca c'uyashca criccuna, tucuimanta yallica caitami nini: Imata ruhuangapacca jahua pachamantapish, cai pachamantapish, shinallatac ima tiyashcamantapish ama nichicchu. Dios ama juchanchichunca, pactachingapac cashpaca “ari” nichic, mana pactachingapac cashpaca “mana” nichic.

SANTIAGO 5:20

chai pandarishpa causacuc juchayucpac almata huañuimanta quishpichinmi. Shinallatac Taita Diosca achca juchacunatapish perdonangami. Chaitaca yuyarinami canguichic.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

3 JUAN 1:2

C'uyashca Gayo, ima shinami Taita Diospac ñaupapi alli cangui, shinallatac cambac tucui causaipipish alli cachun nishpami, Taita Diosman mañani.