1 PEDRO 4:6 - Nuevo Testamento en Quichua Cañar 1996

⁶ Chaimantami huañushca gentecunamanpish, paicunapac espiritupi Dios munashca shina causachun, alli huillaita huillagrirca. Paicunaca Taita Dios munashcamantami, tucui gentecuna huañuna cashca shina huañurcacuna.

Dios Rimashcata Quillcashcami

⁶ Chaimantami huañushca gentecunamanpish, causaipi paicuna ima ruhuashcata Dios taripacpi, paicunapac espiritupi Dios munashca shina causachun, alli huillaita huillagrirca.

1 PEDRO 4:6 ပူးပေါင်းရင်းမြစ်များ

SAN MATEO 24:9

Chai punzhacunapimi cancunata llaquichishpa huañuchichun japichingacuna. Ñucata c'aticushcamantaca, tucuimi cancunataca p'iñangacuna.

ROMANOS 8:2

Jesucristohuan shuc shinalla tucushpa causaccunataca, Diospac Espíritu causaita cushpa mandacushcamantami, jucha mandashpa causanamantapish, huañuimantapish chashnaca cacharichirca.

GÁLATAS 2:19

Moisés mandashcacunallatacmi Diospacta ruhuashpa causachun, chai mandashcacunata pactachishpa causanamantaca anchuchirca. Chaimantami Moisés mandashcacunata pactachingapacca, huañushca shina cani.

GÁLATAS 5:25

Cunan Diospac Espiritumanta causacushpaca, Diospac Espiritullatac yuyaita cushpa pushachun saquishunchic.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

1 PEDRO 3:18

Cristoca ñucanchic juchacunamantami, shuc cutinlla huiñai huiñaipac llaquita apashpa huañurca. Paica ñucanchicta Taita Diospacman pushangapacmi, manapish juchayuc cashpa, millaicunamanta llaquita apashpa huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

1 PEDRO 3:19

Paica chashna cashpami, huichcashca cac almacunaman huillangapac rirca.

APOCALIPSIS 14:18

Shinallatac ninata cuidachun churashca shuc ángel altarmanta llucshishpaca, jinu hosista charicucta sinchita rimashpami: —¡Cambac hosista llucchishpa, cai pachapi tiyac uvasta p'iti! Uvasca ñami p'ucushca— nirca.