1 PEDRO 4:2 - Nuevo Testamento en Quichua Cañar 1996

² Cai pachapi causashcacaman cai pacha jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

Dios Rimashcata Quillcashcami

² Cai pachapi causashcacaman jucha munaicunata mana ruhuashpa, ashtahuanpish Dios munashca shina causangapacmi, chai shinaca saquin.

1 PEDRO 4:2 ပူးပေါင်းရင်းမြစ်များ

SAN MATEO 12:50

Maijanpish jahua pachapi cac ñuca Taita munashcata ruhuaccunallami, ñuca mama, ñuca pani, ñuca huauqui— nirca.

SAN MATEO 20:4

Paicunata ricushpaca: ‘Cancunapish ñuca chagrapi uvasta pallangapac richic. Cancuna pallashcamantaca, mashna cullquita cuna cashcataca cushallami’ nicpi, paicunapish rircallami.

SAN MATEO 21:31

Cai ishcaicunamantaca, ¿maijantac taita mandashcataca ruhuarca?— nishpa Jesús tapucpica, paicunaca: —Punta churiyari— nircacuna. Shina nicpi Jesusca: —Chai shinallatacmi Taita Dios mandacucmanca, Roma*f** llactaman impuestota japiccuna, shinallatac huaclli huarmicunarac cancuna manarac yaicucpi yaicungacuna. Chaica chashnatacmi.

SAN MATEO 7:21

Ñucata ‘Apunchic Jesús, Apunchic Jesús’ niccunamantaca, mana tucuichu jahua pacha Taita Dios mandacucmanca yaicungacuna, ashtahuanpish jahua pachapi cac ñuca Taita munashcata ruhuaccunallami chaimanca yaicungacuna.

MARCOS 3:35

Maijanpish Taita Dios munashcata ruhuaccunallami ñuca huauqui, ñuca pani, ñuca mamaca— nirca.

MARCOS 7:21

Shungu ucumanta millai yuyaicuna llucshicpimi, cazarashca jahua shuc-huan huacllirinacuncuna, manarac cazarashca cashpapish huacllirinacuncuna, huañuchincuna,

SAN JUAN 1:13

Chaicunaca mana runacunapac munaimanta, shinallatac mana cai pachapi huacharishcallamantachu Taita Diospac huahuacuna tucun, ashtahuanpish Taita Diospac munaimantami paipac huahuacuna tucun.

SAN JUAN 7:17

Maijanpish Diospacta ruhuana munaita chariccunami, ñuca yachachishcaca ñuca quiquin munaimanta cashcata, mana cashpaca Diosmanta cashcata yachac chayancuna.

ROMANOS 12:2

Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

ROMANOS 14:7

Maijan ñucanchic causashpapish, mana quiquinpacllatacchu causanchic. Shinallatac maijan ñucanchic huañushpapish, mana quiquinpacllatacchu huañunchic.

ROMANOS 6:11

Chashnallatac cancunapish juchata ruhuangapacca, huañushca shinami cana canguichic. Shina cashpapish Diospacta ruhuangapacca causacuc shinami, Cristohuan shuc shinalla cana canguichic.

ROMANOS 6:2

¡Mana chashnachu cana can! Juchata ña mana ruhuangapacmi, ñucanchicca huañushca shina canchic. Shina cacpica, ¿ima shinatac juchata ruhuashpa c'atishunyari?

ROMANOS 7:4

C'uyashca criccuna, chai shinallatacmi Cristo huañushcamantaca mandashcacunata ama ruhuangapac Cristohuan pacta huañushca shina canguichic. Cunanca Taita Diospacta allita ruhuangapacmi, huañushcacunapuramanta causaric Jesucristopaclla canguichic.

2 CORINTIOS 5:15

Cristoca cunan causacuccuna ama paicuna quiquinpaclla causachun, ashtahuanpish Cristopac causachunmi tucuimanta huañurca. Chashnaca tucuipac allipacmi huañushpa causarirca.

EFESIOS 2:3

Shinallatacmi tucui ñucanchicpish ñaupaca quiquin munaita ruhuashpa, cai pacha jucha munashcallata, ñucanchic yuyashcallata c'atishpa causarcanchic. Chashna quiquin munashcata c'atishpa juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

EFESIOS 5:17

Imata mana yachaccuna shina ama caichicchu, ashtahuanpish Apunchic Jesucristo ima munashcata yachana yuyailla caichic.

EFESIOS 6:6

Imata ruhuashpapish, ama paicuna ricucucpi alli ricuringaraiculla ruhuac tucuichicchu, ashtahuanpish Cristopacta ruhuaccuna cashcamanta tucui shunguhuan Dios munashcata pactachishpa, amopacta ruhuaichic.

COLOSENSES 1:9

Chaimantami ñucanchicca yachac chayashca punzhamanta pacha, cancunamanta Taita Diosman mañacunchiclla. Dios munashcata cancuna allita ricsichun, paipac Espíritu cancunaman yuyaita cushpa allita yachachichunmi,

COLOSENSES 3:3

Cancunaca Cristota crishcamantami, paihuan huañushca shina canguichic. Cancuna causagrinataca, Cristohuanmi Taita Diosca pacashpa charicun.

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli c'atishpa, tucui shunguhuan Diospac munaita alli yachashpa, Diospacta ruhuachunmi, punzhanta Taita Diosman mañacunlla.

1 TESALONICENSES 5:18

Tucui imamantapish Diostaca pagui nicuichiclla. Jesucristota criccunataca chashna ruhuachunmi, Taita Diosca munan.

HEBREOS 13:21

Diosllatac tucui imapipish pai munashca shina allicunata ruhuac cachun cancunaman yachachichun, shinallatac Jesucristomanta tucui ñucanchicta pai munashca shina ruhuachichun nishpami mañani. ¡Apunchic Jesusllata huiñai huiñaita “sumacmari cangui” nishca cachun! Chashna cachun.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

1 PEDRO 1:14

Alli cazuc huahuacuna shina, Diosta cazuichic. Diosta manarac ricsic cashpa, jucha munashca shina causanataca ama munaichicchu.

1 PEDRO 2:1

Shina cashcamanta tucui laya millaicunatapish, llullashpa crichinatapish, shuccuna ama charichun munanatapish, mishqui shimi canatapish, shinallatac tucui laya mana allita parlanacunatapish saquichic.

1 JUAN 2:17

Cai pachaca tucui ima tiyashca millai munaicunandicmi chingaringa, ashtahuanpish Dios munashcata ruhuacca huiñaitami causanga.