1 PEDRO 3:17 - Nuevo Testamento en Quichua Cañar 1996

¹⁷ Dios chai shina munacpica, mana allita ruhuashcamanta llaquita apanapac randica, allita ruhuashcamanta llaquita apanami ashtahuan alli.

Dios Rimashcata Quillcashcami

¹⁷ Dios chai shina munacpica, mana allita ruhuashcamanta llaquita apanapac randica, allita ruhuashcamanta llaquita apanami ashtahuan alli.

1 PEDRO 3:17 ပူးပေါင်းရင်းမြစ်များ

SAN MATEO 26:39

Shina nishpaca, Jesusca ashata chainicman rishpami pambapi tuparicta cumurishpa, Taita Diosman mañashpaca: —Ñuca Taitalla, ima shinamanta cai jayacta ubiana shina llaquicunata ñuca mana apana cacpica, jarcaiyari. Shina cacpipish ama ñuca munashcata ruhuaichu, ashtahuanpish can munashcata ruhuai— nirca.

SAN MATEO 26:42

Cutinllatac Jesús mañangapac rishpaca: —Ñuca Taitalla, jayacta ubiana shina llaquicunata ñuca apanata mana jarcaipac cacpica, can munashca shina cachun— nishpami mañarca.

HECHOS 18:21

—Ñucaca pascua*f** punzhacunapica Jerusalenpimi cana cani. Taita Dios munacpica, cutinmi cancunata ricungapac cutimusha— nirca. Shinami: “Shuc punzhacaman” nishpa, barcopi tiyarishpa Efeso pueblomantaca rircalla.

HECHOS 21:14

Chashna nicpi, ima shina mana jarcai pudishpami: —Mandac Dios pai munashcata ruhuachun— saquircanchiclla.

1 PEDRO 1:6

Chaimantami cancunaca ashacaman tucui laya llaquicunata apana cacpipish, mai cushicuna canguichic.

1 PEDRO 2:15

Imata mana yachac upacuna cancunata ama juchanchichunca, allita ruhuachunmi Taita Diosca munan.

1 PEDRO 2:20

Cancuna ima mana allita ruhuashcamanta llaquichicpi, mana p'iñarishpa, llaquita apashpaca, ¿ima allitatac japinguichicyari? Allita ruhuashcamanta llaquichicpi, mana p'iñarishpa, llaquita apashpami, Diostaca cushichinguichic.

1 PEDRO 3:14

Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata p'iñaccunataca ama manchaichicchu, llaquillapish ama caichicchu.

1 PEDRO 4:15

Maijan cancunamanta llaquita apashpaca, amatapish huañuchic cashcamanta, shuhua cashcamanta, ima mana allita ruhuac cashcamanta, shuccunapac causaipi satiric cashcamanta llaquichishca cachun.

1 PEDRO 4:19

Chashna cashcamanta maijanpish Dios munashca shina llaquita apacca, imatapish pactachic, tucuita ruhuac Diospac maquipi almata mingashpami, allita ruhuashpa c'atina can.