1 PEDRO 3:11 - Nuevo Testamento en Quichua Cañar 1996

¹¹ Millaimanta anchurishpa, allita ruhuanami can. Shuccunahuan sumacta causanata munashpa, chashnalla causanami can.

Dios Rimashcata Quillcashcami

¹¹ Millaimanta anchurishpa, allita ruhuanami can. Shuccunahuan sumacta causanata munashpa, chashnalla catinami alli can.

1 PEDRO 3:11 ပူးပေါင်းရင်းမြစ်များ

SAN MATEO 5:45

Chashna cashpami, cancunaca jahua pachapi cac Taita Diospac huahuacuna canguichic. Paica allicunaman, mana allicunaman, shinallatac paita cazuccunaman, mana cazuccunamanpish intitapish, tamiatapish cachanllami.

SAN MATEO 5:9

P'iñanacushcata allichiccuna, ¡cushicuichic! Cancunatami Taita Diosca: ‘Ñuca huahuacunami canguichic’ ninga.

SAN MATEO 6:13

Ama ima millaipi urmachun saquinguichu, ashtahuanpish tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]’ nishpa mañanguichic.

MARCOS 14:7

Mana imata charic huacchacunaca ima punzhapish mana illangachu. Paicunaman ima allita ruhuasha nishpaca ruhuanguichiclla, ashtahuanpish ñucaca cancunahuanca mana causacushallachu.

SAN LUCAS 1:79

Huañuna manchaihuan amsapi causaccunata achicyachingami. Ñucanchictaca sumac causai ñanta pushangami” nirca.

SAN LUCAS 6:35

Ashtahuanpish cancunaca p'iñaccunata c'uyashpami, allita ruhuana canguichic. Imata mañachishpaca, chaimanta imata japinataca mana yuyanachu canguichic. Chashna ruhuashpami, cancunaca allicunata japinguichic. Jahua pachapi causac Taita Diospac huahuacunapish canguichicmi. Taita Diosca mana paita pagui niccunatapish, millaicunatapish llaquinmi.

SAN LUCAS 6:9

Jesusca paita juchanchishun nicuccunataca: —Cancunataca caillata tapusha: Mandashcacunapi nishca shinaca samana punzhapica, ¿imata ruhuanatac alli canga? ¿Allita ruhuanachu, mana cashpaca, mana allita ruhuanachu alli canga? ¿Huañuimanta quishpichinachu alli canga? Mana cashpaca, ¿causaita quichunachu alli canga?— nishpa tapurca.

SAN JUAN 17:15

Cai pachamanta paicunata anchuchichunca mana mañanichu, ashtahuanpish tucui millaimanta huacaichichunmi mañani.

ROMANOS 12:18

Cancuna pudishcacamanca tucuihuan alli apanacushpa causanata yuyaichic.

ROMANOS 14:17

Taita Dios mandacucpi causanaca mana ubianata, micunata yuyashpalla causanachu, ashtahuanpish cashcata ruhuashpa, mana p'iñanacushpa, Diospac Espíritu yuyaita cushca shina cushicushpa causanami can.

ROMANOS 14:19

Chashna cashcamanta caishuc chaishuc ima shina sumacta causanatapish, ima shina ashtahuan ayudanacunatapish munashunchic. Ayudanacushpa, Jesusta alli ningapacca imapipish mana p'iñanacunallata munashunchic.

ROMANOS 5:1

Ñucanchic crishcamanta paihuan alli tucuchun Taita Dios chasquicpimi, Apunchic Jesucristomanta Taita Dioshuan cushi canata charinchic.

ROMANOS 7:19

Allita ruhuasha nicushcataca mana ruhuanichu, ashtahuanpish mana ruhuasha nicushca chai mana allitaracmi ruhuani.

ROMANOS 7:21

Ñuca ima allita ruhuasha nicushpapish, ñucapi tiyac juchaca mana allicunallata ruhuachic cashcatami yachani.

ROMANOS 8:6

Cai pacha jucha munashcata ruhuashpa causaccunaca huañuitami japinga. Ashtahuanpish Diospac Espíritu yuyaita cushca shina causaccunaca, sumac causaitami charinga.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

GÁLATAS 6:10

Chaimanta imata ruhuanalla cacpica, tucuiman allita ruhuashpa c'atishunlla. Tucuimanta yallica criccunaman allita ruhuashun.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Taita Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

HEBREOS 12:14

Diospaclla mana causashpaca, pipish Apunchic Jesustaca mana ricungachu. Chaimanta Diospaclla causashpa, tucui mashnahuan apanacushpa, alli causanata munaichic.

HEBREOS 13:16

Cancunaca allita ruhuashpa, ima charishcata caishuc chaishuc caranacunataca, amatac cungaringuichicchu. Chashna ruhuashpami, animalta Diosman cushpa rupachic shina, Taita Diosta cushichinguichic.

SANTIAGO 4:17

Maijanpish allita ruhuana cashcata yachashca jahua mana ruhuacca, juchayucmi tucun.

1 PEDRO 3:12

Mandac Diosca cashcata ruhuaccunataca cuidanmi, shinallatac mañashcata uyangapacpish shuyaracunmi. Ashtahuanpish mana allita ruhuaccunataca p'iñanmi” ninmi.

3 JUAN 1:11

C'uyashca Gayo, chashna mana alli ruhuaccunataca ama c'atinguichu, ashtahuanpish allita ruhuaccunata c'atingui. Maijanpish allita ruhuacca Diospacmi, ashtahuanpish mana allita ruhuacca Diostaca mana ricsinchu.