1 PEDRO 2:24 - Nuevo Testamento en Quichua Cañar 1996

²⁴ Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

Dios Rimashcata Quillcashcami

²⁴ Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

1 PEDRO 2:24 ပူးပေါင်းရင်းမြစ်များ

SAN MATEO 27:26

Chashna nicpimi, Pilatoca Barrabasta cacharishpa, Jesustaca azutichishpa cruzpi chacatachun Roma*f** llactamanta soldadocunaman curca.

SAN MATEO 5:20

Chashna cashcamantami cashna nini: Mandashcacunata yachachiccunatapish, fariseocunatapish*f** atishpa ashtahuan allita mana ruhuashpaca, jahua pacha Taita Dios mandacucmanca jaicapi mana yaicunguichicchu.

SAN MATEO 8:17

Caicunaca, Diosmanta ñaupa huillac Isaías huillashca pactachunmi, chashnaca tucurca. Pai huillashpaca: “Pai quiquinmi ñucanchic ung:uicunatapish, ñucanchicta irquiyachic nanaicunatapish aparca” nishcami.

MARCOS 15:15

Gentecuna chashna caparicpimi, Pilatoca paicunahuan alli saquiringaraicu Barrabastaca cacharirca. Jesustaca azutichircami. Chashna azutichishca q'uipaca, cruzpi chacatachunmi soldadocunaman curca.

SAN LUCAS 4:18

“Ñucaca Diospac Espirituhuanmi cani. Taita Diosca ñucata acllashpaca, llaquilla causac huacchacunaman alli huillaita huillachun, shungupi llaquirishpa causaccunatapish alliyachichunmi cacharca. Prezu caccunamanpish, ña chaimanta llucshina tiyashcata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunpish cacharcami.

SAN JUAN 1:29

Cayandic punzha Jesús paipacman chayamucucta ricushpami, Juanca cashna nirca: —Riquichic. Caimi cai pachapi causaccunamantaca, juchacunata anchuchichun Taita Dios cachashca Pactalla Ovejaca.*f**

SAN JUAN 19:1

Chaimantami Pilatoca Jesusta macachun mandarca.

HECHOS 10:35

Mai llactapipish Diosta manchashpa allita ruhuaccunataca, Taita Diosca alli nicmi cashca.

HECHOS 10:39

Ñucanchicca Jerusalén pueblopipish, Judea llactapipish Jesús tucui imalla ruhuashcacunata ricushpa, huillaccunami canchic. Chai tucui allita ruhuacucpipish, paitaca cruzpi chacatashpami huañuchircacuna.

HECHOS 13:29

Jesusmanta Dios quillcachishcapi tucui nishcacunata pactachishca q'uipaca, chacatashcamanta uricuchishpami enterrarcacuna.

HECHOS 5:30

Cancunami Jesustaca chacatashpa huañuchircanguichic. Shina huañuchicpipish, ñucanchic ñaupa taitacunapac Mandac Diosmi paitaca causachirca.

ROMANOS 6:11

Chashnallatac cancunapish juchata ruhuangapacca, huañushca shinami cana canguichic. Shina cashpapish Diospacta ruhuangapacca causacuc shinami, Cristohuan shuc shinalla cana canguichic.

ROMANOS 6:13

Imapish mana allicunata cancunapac cuerpo ruhuachunca, mana saquinachu canguichic. Chaipac randica ña mana juchata ruhuangapac huañushpa, ña causarishca shina cancunapac cuerpotaca Diospacllata ruhuachun paillaman cuichic.

ROMANOS 6:16

Shuc amota servingapac yaicushpaca, cazungapacmi yaicuna. Chaitaca cancunallatac yachanguichicmi. Shina cashpaca, chai amota serviccunami canguichic. Chai shinallatacmi jucha mandashcata ruhuacushpaca, huañuiman apac juchata servic shina juchata ruhuacunguichic. Ashtahuanpish Taita Diosta cazushpaca, paihuan alli tucuchun chasquishcacunami canguichic.

ROMANOS 6:2

¡Mana chashnachu cana can! Juchata ña mana ruhuangapacmi, ñucanchicca huañushca shina canchic. Shina cacpica, ¿ima shinatac juchata ruhuashpa c'atishunyari?

ROMANOS 6:22

Ashtahuanpish cancunaca jucha mandashca causacushcamanta Taita Dios cacharichicpica, paita serviccunami tucushcanguichic. Chashna tucushpaca, Taita Diospaclla ch'icanyarishpa causashpa, huiñai causaita chasquishpami allita japircanguichic.

ROMANOS 6:7

Maijanpish huañushpaca, ña mana jucha mandashcachu causacun.

ROMANOS 7:6

Mandashcacunaca huatashca shinami charicurca. Shina cacpipish cunanca mandashcacunata ama ruhuangapac cacharirishpa, huañushca shinami tucushcanchic. Chashna Dios cacharichicpimi, ñaupa quillcashca mandashca causanamanta llucchishpa, Diospac Espíritu mushuc yuyaita cucpi, Diosta servishpa causacunchic.

1 CORINTIOS 15:3

Tucuimanta yallica, ñuca ima shina chasquishca shinallatacmi, cancunamanpish yachachircani. Dios quillcachishcapi nishca shinallatacmi, Cristoca ñucanchic juchacunata perdonangapac huañurca.

2 CORINTIOS 6:17

Shina cashcamantami Mandac Diosca: “Paicunapuramanta llucshichic. Paicunamanta ch'icanyarichic. Ima millana mapayachic-huanca ama chapurichicchu. Shina cacpica ñucaca chasquishami” ninmi.

GÁLATAS 3:13

Shina cacpimi Moisés mandashcacunata ñucanchic mana pactachishpa, llaquiman rinalla cacpipish, Cristoca ñucanchicpac randi cruzpi llaquita apashpa quishpichirca. Dios quillcachishcapica: “Maijanpish cruzpi chacatashca huañucca, Dios llaquichishcami huañun” ninmi.

EFESIOS 5:9

Achic luzca alli shungu canata, imapish cashcata ruhuanata, shinallatac mana llullac cana yuyaitami cun.

FILIPENSES 1:11

Cancuna Jesucristollamanta alli grano p'ucuc shina allita ruhuacpimi, Taita Diostaca “allimari cangui, sumacmari cangui” ningacuna.

COLOSENSES 2:14

Juchata ruhuashcamanta ñucanchic quishpiringapac maita mana pagaipac cacpimi, Jesucristo cruzpi huañushcamanta Taita Diosca chai debitaca anchuchirca. Chai debitaca paganatacmi carcanchic.

COLOSENSES 2:20

Cancuna Jesucristohuan huañushca shina cashcamantaca, cai pachapi tiyashca imapish manchanacunaca cancunata ña mana mandacunchu. Shina cashpaca, ¿ima nishpatac cai pacha mandashca shina causacunguichic?

COLOSENSES 3:3

Cancunaca Cristota crishcamantami, paihuan huañushca shina canguichic. Cancuna causagrinataca, Cristohuanmi Taita Diosca pacashpa charicun.

HEBREOS 10:10

Ñucanchic Taita Diospaclla cachunca, Jesucristomi Dios munashca shina pai quiquinllatac curishpa, shuc cutinlla huiñaipac huañurca.

HEBREOS 10:5

Chashna cashcamantami Apunchic Jesusca cai pachaman shamushpaca, Taita Diostaca cashna nirca: “Animalcunata canman cushpa huañuchishcatapish, imallata canman cushcacunatapish, mana nircanguichu. Ashtahuanpish runa tucuchunmi, ñucataca allichircangui.

HEBREOS 12:13

Shinallatac cancunapac huishtu chaquicuna alliyashpa, ama ashtahuan huishtuyachunca, ñanta allichic shina allita causaichic.

HEBREOS 7:26

Ñucanchic charishun nishca shinami, Jesusca curacunata jatun mandac cura can. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Taita Diosca churashca.

HEBREOS 9:28

Shinallatacmi Apunchic Jesusca achca gentecunapac juchacunata p'ichangapacca, pai quiquinllatac curishpa huañurca. Q'uipataca ña mana juchacunata anchuchingapac shamungachu, ashtahuanpish paita shuyacuccunata quishpichingapacmi shamunga.

SANTIAGO 5:16

Chaimanta alliyashca cangapacca, ima mana allita ruhuashcacunatapish caishuc chaishuc ama pacashpa huillanacuichic. Taita Dios alliyachichunpish, caishuc chaishucmanta Diosman mañaichic. Taita Diosman cashcata ruhuac mañacpica, imatapish pactachingallami.

1 JUAN 2:29

Jesucristo imatapish cashcata ruhuac cashcataca yachanguichicmi. Chashna yachashpaca, maijanpish cashcata ruhuacca Diospac huahua cashcatami yachanguichic.

1 JUAN 3:7

C'uyashca huahuacuna, pacta pi cancunata crichinman. Maijanpish cashcata ruhuashpa causacca, cashcata ruhuac Cristo shinallatac allitami ruhuan.

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca tiyan. Chai yuraca quillanta p'ucushpami, huatapica chunga ishcai cutin p'ucun. Shinallatac p'angacunapish gentecunata jambingapac allimi can.