1 PEDRO 2:20 - Nuevo Testamento en Quichua Cañar 1996

²⁰ Cancuna ima mana allita ruhuashcamanta llaquichicpi, mana p'iñarishpa, llaquita apashpaca, ¿ima allitatac japinguichicyari? Allita ruhuashcamanta llaquichicpi, mana p'iñarishpa, llaquita apashpami, Diostaca cushichinguichic.

Dios Rimashcata Quillcashcami

²⁰ Cancuna ima mana allita ruhuashcamanta llaquichicpi, mana piñarishpa, llaquita apashpaca, ¿ima allitatac japinguichicyari? Allita ruhuashcamanta llaquichicpi, mana piñarishpa, llaquita apashpami, Diostaca cushichinguichic.

1 PEDRO 2:20 ပူးပေါင်းရင်းမြစ်များ

SAN MATEO 26:67

Chashna nishpaca, ñahuipi t'ucashpami macarcacuna. Cutin maijancunaca huactashpami:

SAN MATEO 5:47

Shinallatac cancunapuralla alabadunacushpaca, ima allita mana ruhuanguichicchu. Taita Diosta mana ricsiccunapish chashnaca ruhuancunallami.

MARCOS 14:65

Chashna nishpami, maijancunaca Jesusta t'ucai callarircacuna. Shinallatac ñahuita lienso pañuhuan huatashpami huactarcacuna. Chaimantaca: —¡Maijantac canta huactanchic, huillai!— nircacunami. Diosman mañana huasita cuidaccunapish, shinallatacmi Jesustaca ñahuipi huactarcacuna.

SAN LUCAS 6:32

Cancunata c'uyaccunallata c'uyashpaca, ima allita mana ruhuanguichicchu. Diosta mana cazucccunapish paicunata c'uyaccunataca c'uyancunallatacmi.

1 CORINTIOS 4:11

Cunancamanmi yarcaihuan, yacunaihuan, causana huasi illaclla, churana illaclla tucushpa, llaquita apashpa, gentecuna macashcapish canchic.

GÁLATAS 4:18

Shuccuna alli yuyaicunahuan cacpica, paicunapura tucunaca allimi. Chashnaca mana ñuca cancunahuan cacllapichu alli can, ashtahuanpish tucui punzhacunami chashna ruhuana can.

EFESIOS 5:10

Cancunaca punzhantami Apunchic Jesús munashca shina causanata yuyana canguichic.

FILIPENSES 4:18

Cancuna Epafroditoman mingashpa ñucaman cuchun cachashcataca, tucuitami chasquircani. Cunan chaihuancarin, tucui imapacpish yalli yallitami charini. Cancuna ñucaman cushcacunaca Diosmanca mishquilla ashnacuc shinami ricurin. Chaitami Taita Diosca cushicushpa chasquin.

1 PEDRO 2:19

Dios munashca shina causacushpa, manapish llaquichina cacpi llaquichishca cashpaca, Taita Diospac ñaupapica allitami ruhuanguichic.

1 PEDRO 3:14

Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata p'iñaccunataca ama manchaichicchu, llaquillapish ama caichicchu.

1 PEDRO 3:17

Dios chai shina munacpica, mana allita ruhuashcamanta llaquita apanapac randica, allita ruhuashcamanta llaquita apanami ashtahuan alli.