1 PEDRO 1:2 - Nuevo Testamento en Quichua Cañar 1996

² Cancunataca Taita Diosmi ña ñaupamanta pacha pai munashca shina paipac huahuacuna cachun acllashca. Taita Diosca paita c'uyashpa causachun, shinallatac Jesucristopac yahuarhuan chuyayachishca cachunmi, cancunata paipac Espiritumanta paipacllatac ruhuashca. Taita Dios mai c'uyashpa, cancunaman sumac causaita yallita cushca cachun ninimi.

Dios Rimashcata Quillcashcami

² Cancunataca Diosmi ña ñaupamanta pacha pai munashca shina paipaclla cachun acllashca. Diosca paita cuyashpa causachun, shinallatac Jesucristopac yahuarhuan chuyayachishca cachunmi, cancunataca paipac Espiritumanta paipacllatac ruhuashca. Dios mai cuyashpa, cancunaman sumac causaita yallita cushca cachun ninimi.

1 PEDRO 1:2 ပူးပေါင်းရင်းမြစ်များ

SAN MATEO 24:22

Chai llaqui punzhacunata Taita Dios mana ashata chaupicpica, pipish mana causai pudinmanchu. Ashtahuanpish Taita Diosca pai acllashcacunata c'uyashcamantami, chai llaqui punzhacunataca chaupinga.

SAN MATEO 24:24

Chai punzhacunapica ‘ñucami Cristo cani’ nishpa huillaccunapish, ‘Diosmantami huillacunchic’ niccunapish tiyangami. Chaicunaca pi mana ruhuaipaccunatapish, pi mana ricushcacunatapish ruhuashpa ricuchingami. Chashna ruhuashpaca, Taita Dios acllashcacunatapish ima shinapish pandachinatami yuyangacuna.

SAN MATEO 24:31

Chashna shamushpaca, ñuca angelcunatami cachasha. Trompetapi sinchita tocacpi, paicunami ñuca acllashcacunata cai pachapi tiyac mai llactacunamantapish tandachingacuna.

MARCOS 13:20

Chai llaqui punzhacunata Dios mana ashata chaupicpica, pipish mana causai pudinmanchu. Ashtahuanpish Taita Diosca pai acllashcacunata c'uyashcamantami, chai llaqui punzhacunataca chaupisha nishca.

MARCOS 13:22

Chai punzhacunapica ‘ñucami Cristoca cani’ nishpa llullaccunapish, shinallatac ‘Diosmantami huillacunchic’ niccunapish tiyangami. Chaicunaca pi mana ruhuaipaccunatapish, pi mana ricushcacunatapish ruhuashpa ricuchingacunami. Chashna ruhuashpaca, Taita Dios acllashcacunatapish ima shinapish pandachinatami yuyangacuna. Chashna cacpipish paicunaca mana pandaringacunachu.

MARCOS 13:27

Chashna shamushpaca, ñuca angelcunatami cachasha. Paicunami ñuca acllashcacunataca cai pachapi tiyac mai llactacunamantapish tandachinga.

SAN LUCAS 18:7

Pai acllashcacuna tutapish, punzhapish mañacucpica, Taita Dioscarin ¿manachu uyanga? ¿Mana uyashpa shuyachun nicungallachu?

HECHOS 15:18

Ñaupamanta pacha tucui ima tucuna cashcata huillac Mandac Diosmi, chashnaca nicuni’ ninmi.

HECHOS 2:23

Chashna cashpapish Taita Dios ñaupaman yachashca, munashca shinallatacmi, Jesustaca cancunaman cucpi, prezu japishpa, millai runacunaman chacatachun cushpa huañuchircanguichic.

HECHOS 20:32

Cunanca Taita Dios paipac c'uyaimanta rimashca shimicunahuan sinchiyachichunmi, cancunataca paiman mingani. Shinallatac pai acllashcacuna japina cashcatapish, paillatacmi cunga.

ROMANOS 1:5

Jesucristomantami paimanta huillashpa alli canataca chasquircani. Tucui llactacunapi paita crishpa cazuccuna tiyachunmi, paimanta huillachun ñucataca acllarca.

ROMANOS 11:2

Taita Diosca callarimanta pachami israelcunataca acllarca. Chaimanta cunanca mana shitashcachu. Dios quillcachishcapi Eliasmanta ima nishcataca, ¿manachu yachanguichic? Chaipica pai Diosman mañacushpaca israelcunata juchanchishpami cashna nirca:

ROMANOS 11:28

Cancuna mana israelcuna quishpirichunmi, israelcunaca quishpirinamanta alli huillaita mana cazushpa, Dios p'iñashca tucushcacuna. Shina cacpipish Taita Diosca paicunapac ñaupa taitacunata acllashcamantami, paicunataca c'uyacun.

ROMANOS 15:16

mana israelcunapac allipac Jesucristopacta ruhuachun ñucaman mingashcamantami cashna quillcani. Mana israelcuna Diosman cutirishpa, paipac Espíritu yuyaita cucpi, millaimanta anchurishpa Diospaclla cachunmi, quishpirinamanta alli huillaita huillashpa Diospacta ruhuacuni.

ROMANOS 16:19

Cancuna alli huillaita cazuccuna cashcataca tucuimi yachancuna. Chaimantami cushicuni. Shinallatac cancuna yachac cashcata ricuchingapacca, millaita mana ruhuashpa ashtahuanpish allita ruhuashpa ricuchichunmi munani.

ROMANOS 16:26

Huiñaita causacuc Taita Dios mandashca shinami, cunanca chai pacashcataca ñaupa huillaccuna quillcashca shina ricuchin. Cai pacashcataca tucui cai pachapi causaccuna crishpa cazuchunmi ricuchishca.

ROMANOS 8:13

Cai pacha jucha munashca shina causacushpaca, huañunguichicmi. Shina cashpapish Diospac Espíritu yuyaita cushcahuanca, cai pacha jucha munashcataca chingachinguichicmi. Shina chingachishpaca causanguichicmi.

ROMANOS 8:33

Taita Dios acllashcacunataca, ¿pitac juchanchingayari? Taita Diosmi paihuan alli tucuchun paicunataca chasquin.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

1 CORINTIOS 6:11

Shinallatac ñaupamanca cancunapuramanta maijancunaca chashna ruhuaccunallatacmi carcanguichic. Ashtahuanpish cunanca Diospaclla cachun pai acllashpa, chuyayachishcacunami canguichic. Ñucanchic Taita Diospac Espiritumantapish, Apunchic Jesucristomantapish ñami paihuan alli tucuchun chasquishcacuna canguichic.

2 CORINTIOS 10:5

shinallatac “allimi canchic” nishpa, ama Taita Diosta ricsichun nishpa jarcaccunatapish, tucui chingachinchic. Chashnami tucui gentecunapac yuyaicuna Cristota cazuchun munanchic.

2 CORINTIOS 13:14

Apunchic Jesucristo sumac c'uyaita cucpi, Taita Dios c'uyacpi, shinallatac Diospac Espíritu shuc shinallatac ruhuacpi, cushilla causachunmi munani.

COLOSENSES 3:12

Taita Diosca cancunata c'uyashpami, paipaclla cachun acllarca. Chaimantami mushuc churanata churaric shina, shungumanta llaquishpa, c'uyashpa, mana jatun tucushpa, mana p'iñarishpa, shinallatac c'uyac shunguhuan causana canguichic.

2 TESALONICENSES 2:13

Apunchic Jesús c'uyashca criccuna, ñucanchicca cancunata yuyarishpaca, punzhantami Taita Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

2 TIMOTEO 2:10

Chaimantami Taita Dios tucui acllashcacuna Jesucristohuan shuc shinalla tucushpa, sumaimana huiñai causaita paicunapish japichun nishpa cai llaquicunataca apacuni.

TITO 1:1

Diospacta ruhuac, shinallatac Apunchic Jesucristo acllashca huillac Pablomi caita quillcashpa cachani. Dios acllashcacuna cashcata nic huillashcata yachashpa, crishpa paipaclla causachunmi, chashnaca huillani.

HEBREOS 10:22

Chaimantami mana caita chaita yuyashpa, tucui shunguhuan crishpa, ñucanchic shungupi millai yuyaicuna tiyashcatapish anchuchishca, shinallatac chuya yacuhuan chuyayachishca, Taita Diosman cuchuyana canchic.

HEBREOS 11:28

Crishcamantami Moisés pascuata*f** ruhuashpaca, israelcunapuramanta punta huahuataca huañuchic ángel ama huañuchichun, tucui pungucunata yahuarhuan c'ahuichun mandarca.

HEBREOS 12:24

Mushuc ari ninacuita pactachic Jesuspacman, shinallatac pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

HEBREOS 5:9

Chai shina llaquita apashpa, Taita Dios ima nishcata tucui pactachishpami, maijanpish paita cazuccunapacca huiñaita Quishpichic tucurca.

1 PEDRO 1:14

Alli cazuc huahuacuna shina, Diosta cazuichic. Diosta manarac ricsic cashpa, jucha munashca shina causanataca ama munaichicchu.

1 PEDRO 1:19

ashtahuanpish Jesucristopac sumaimana valic yahuarhuanmi quishpichishca canguichic. Paica imapish mapa illac, sumaimana pactalla ovejata*f** Diosman cushpa, rupachishca shinami carca.

1 PEDRO 1:20

Diosca cai pachata manarac ruhuashpami, Cristotaca huañushpa gentecunata quishpichichun nishca. Shina cashpami, cai tucuri punzhacunapi cancunapac allipac quishpichingapac shamurca.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

1 PEDRO 2:9

Ashtahuanpish cancunaca Dios acllashpa ch'icanyachishcacuna, Jatun Mandacpacta ruhuac curacuna, jucha illaccuna cachun acllashcacuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

2 PEDRO 1:2

Taita Diostapish, ñucanchic Apunchic Jesucristotapish allita ricsishcamantaca, sumaimana c'uyaitapish sumac causaitapish yallita chasquishca cachunmi munani.

2 JUAN 1:1

Ñucaca criccunata pushac cashpami, Dios acllashca tandanacushca criccunamanpish, mashnalla chaipi caccunamanpish tucui ñuca c'uyaihuan caita quillcani. Mana ñucallachu c'uyani, ashtahuanpish tucui mashnalla cashcata nic huillashcata uyashpa criccunapish c'uyancunami.

2 JUAN 1:13

Cancunapac ñañan shina caishuc criccunapish, Dios acllashca cashpami “allilla cashca cachun” nishpa cachancuna.

SAN JUDAS 1:2

Taita Dios cancunata mai llaquicpi, paimanta sumac causaitapish, c'uyaitapish ashtahuan chasquichunmi munani.