1 CORINTIOS 9:5 - Nuevo Testamento en Quichua Cañar 1996

⁵ Shinallatac ñucanchicpish caishuccuna shina, Apunchic Jesuspac huauquicuna shina, Cefas*f** shina, ¿manachu shuc cric huarmita cazarashpa, apai pudinchic?

Dios Rimashcata Quillcashcami

⁵ ¿Manachu ñucanchicpish apostolcuna shina, Apunchic Jesuspac huauquicuna shina, Cefas shina, shuc cric huarmita cazarashpa, apai pudinchic?

1 CORINTIOS 9:5 ပူးပေါင်းရင်းမြစ်များ

SAN MATEO 13:55

Paica carpinteropac churillami. Paipac mamapish Mariami. Paica Jacobopac, Josepac, Simonpac shinallatac Judaspac huauquimi.

SAN MATEO 8:14

Jesusca Pedropac huasiman rishpami, Pedropac suedra fiebre ung:uihuan camapi cacta ricurca.

MARCOS 1:30

Chai huasipica, Simonpac suedrami fiebrehuan ungushca, camapi carca. Chaitami Jesusmanca huillarcacuna.

MARCOS 6:3

Cai runaca Mariapac huahua carpinterollami. Jacobopac, Josepac, Judaspac, Simonpacpish huauquimi can. Paipac panicunapish, cai llactallapitacmi ñucanchichuan causan— nircacuna. Shina nishpami, Jesús yachachishcataca mana crircacuna.

SAN LUCAS 6:15

Chashnallatac Mateo, Tomás, Alfeopac churi Jacobo, Simón Celote*f** nishca runapish carcami.

SAN LUCAS 8:20

Chaimantami Jesusmanca: —Cambac mama, cambac huauquicunami canhuan tupangapac canzhapi shuyacuncuna— nishpa huillarcacuna.

SAN JUAN 1:42

Chaimantami Andresca Simonta Jesuspacman pusharca. Chashna pushacpimi, Jesusca Simonta ricushpaca: —Juanpac churi Simonmi cangui. Cunanmantaca Cefas shutitami shutichini— nirca. (“Cefas” nishpaca, “Pedro*f**” nisha ninmi).

SAN JUAN 2:12

Chai q'uipami, Jesusca paipac mamahuan, huauquicunahuan, shinallatac yachacuccunahuanpish Capernaum puebloman rirca. Chaipica, tauca punzhacunatami carca.

HECHOS 1:14

Tucui paicunami Jesuspac huauquicunahuanpish, paipac mama Mariahuanpish, shinallatac caishuc huarmicunahuanpish Taita Diosman mañangapac tandanacuclla carcacuna.

ROMANOS 16:1

Jesusmanta ñucanchic pani Febetami alli chasquichun nini. Paica Cencrea pueblopi tandanacushca criccunata ayudacmi.

1 CORINTIOS 1:12

Cancunapuramanta maijancunaca: “Ñucaca Pablota c'aticmi cani”, shuccunaca: “Ñucaca Apolosta c'aticmi cani”, shuccunaca: “Ñucaca Cefasta*f** c'aticmi cani”, cutin shuccunaca: “Ñucaca Cristota c'aticmi cani” nishcatami nisha nini.

1 CORINTIOS 7:15

Shina cashpapish cusa cashpa, huarmi cashpa, mana cric cashcamanta shitasha nishpaca, shitachunlla. Shina cashpaca, maijan cric huauqui, maijan cric pani cashpapish shitai pudinmi. Taita Diosca ñucanchictaca sumacta causachunmi c'ayarca.

1 CORINTIOS 7:39

Cusayuc huarmica cusa causacucpica, mandashcapi nishca shinaca maita mana ch'icanyaipacmi, ashtahuanpish cusa huañucpica, Apunchic Jesusta cric-huanca pihuan cashpapish cazaranallami.

1 CORINTIOS 7:7

Ñucamanta nishpaca, tucui c'aricuna ñuca shina causachunmi munani. Shina cacpipish mana tucuimanchu Taita Diosca chai shina canata cushca, ashtahuanpish shucmanca shuctac laya canata, caishucmanca shuctac laya canatami cushca.

1 CORINTIOS 7:8

Mosocunapish, viuda huarmicunapish ñuca shina mana cazarashpaca, allimi canguichicman ninimi.

GÁLATAS 1:19

Chaipica Jesús acllashca caishuc huillaccunataca pitapish mana ricurcanichu, ashtahuanpish Apunchic Jesuspac huauqui Jacobollatami ricurcani.

1 TIMOTEO 3:2

Shina cashcamanta tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, mana yalli pucllaric, mana maipish cachun causac, huasiman chayaccunatapish alli chasquic, yachachinatapish alli yachachicmi cana can.

1 TIMOTEO 4:3

Chai yachachiccunaca cazaranapish, maijan micunata micunapish mana allichu nincunami. Ashtahuanpish Taita Diosca cashcata yachac criccunamanca paita pagui nishpa micuchunmi, chaicunataca ruhuarca.

1 TIMOTEO 5:2

Ñaupa huiñai mamitacunataca quiquin mamata shina, shinallatac q'uipa huiñai solteracunataca quiquin panita shina chuya shunguhuan rimangui.

TITO 1:6

Criccunata pushacca pipish mana juchanchishca, shuc huarmillahuan causacmi cana can. Paipac huahuacunapish Apunchic Jesucristotaca cricmi cana can. Shinallatac millaita ruhuashcamantapish, mana cazushcamantapish pi mana juchanchishcami cana can.

HEBREOS 13:4

Cazaranataca tucui mashnallatac alli nichic. Ama shuccunahuan huacllirishpa causaichicchu. Mosocunapish, cazadocunapish huacllirishpa causaccunataca Taita Diosca taripashpa llaquichingami.