1 CORINTIOS 9:19 - Nuevo Testamento en Quichua Cañar 1996

¹⁹ Ñucaca pipac mana huatashca shina cashpapish, achca gentecunata Cristopacman chayachingapacmi, tucuipac huatashca shina tucuni.

Dios Rimashcata Quillcashcami

¹⁹ Ñucaca mana pipac servic cashpapish, achca gentecunata Cristopacman chayachingapacmi, tucuipac servic tucuni.

1 CORINTIOS 9:19 ပူးပေါင်းရင်းမြစ်များ

SAN MATEO 18:15

Maijanpish criccunapurapi canta ima mana allita ruhuacpica, pai ima mana alli ruhuashcata ricuchishpa, paillahuan allichingui. Chashna can rimashcata uyashpa alli tucucpica, canca cutinllatacmi paitaca Diospacman tigrachishcangui.

ROMANOS 1:14

Ñucaca griegocunamanpish,*f** mana griegocunamanpish, yachaccunamanpish, mana yachaccunamanpish huillanami cani.

ROMANOS 11:14

Ñuca quiquin llacta aillucunallatac cancuna quishpirishpa alli c'aticushcata ricushpa, quishpirina munaita japishpa, maijancunallapish quishpirichunmi munani.

ROMANOS 15:2

Tucui ñucanchicmi shuctac criccuna crishpa c'atichun, paicunapac allipac allita ruhuana canchic.

1 CORINTIOS 10:29

Cancunapac yuyaimantaca mana rimanichu, ashtahuanpish chai nicpac yuyaimantami rimacuni. Ñucaca imatapish ruhuai pudinimi. Shina cashpapish shuccunapac yuyaipi mana alli nishpa juchanchichunca, mana munanichu.

1 CORINTIOS 10:33

Ñucaca mana quiquinpac allita mashcashpami, imata ruhuashpapish tucuipac allipac paicuna quishpirichun ruhuacuni.

1 CORINTIOS 7:16

Can huarmica, ¿cambac cusa canmanta quishpirina cashcata, mana quishpirina cashcataca yachanguichu? ¿Can cusapish cambac huarmi canmanta quishpirina cashcata, mana quishpirina cashcataca yachanguichu?

1 CORINTIOS 9:1

Ñucaca Jesús acllashca huillac cashcamantaca, imatapish ruhuai pudinimi. Ñucanchic Apunchic Jesucristotapish ñucallatacmi ricurcani. Apunchic Jesucristomanta ñuca huillacpimi, cancunaca criccuna tucurcanguichic. Chaitaca cancunallatac yachanguichicmi.

2 CORINTIOS 12:14

Caihuanca quimsa cutin cancunata ricugringapacmi ña allichirishca cani. Cunan rishpapish, imata mañashpa mana quichushachu. Huahuacunaca mana taitacunamanca cullquita tandachinchu, ashtahuanpish taitacunami huahuacunamanca cullquita tandachina can. Chashna cashcamanta ñucaca cancuna ima charishcata japingaraicuca mana rishachu, ashtahuanpish cancunapac allipacmi risha nini.

2 CORINTIOS 4:15

Ñucanchicca cai llaquicunata apacushpaca, cancunata c'uyashpa llaquita apacushcatami yachanchic. Shina cacpimi Taita Dios mai c'uyac cashcata yachashpaca, pagui nishpa achcacuna Diostaca “allimari cangui” ningacuna.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta c'uyac cashcamantami, cancunata serviccuna canchic.

GÁLATAS 5:1

Moisés mandashcacunata cazushpa ama huatashca shina cachunmi, Jesucristoca ñucanchictaca cacharichirca. Shina cashcamanta ama cutinllatac huatashca shina tucunata yuyaichicchu.

GÁLATAS 5:13

C'uyashca criccuna, cancunataca Taita Dios ama huatashca shina causachunmi c'ayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuchuan c'uyanacushpa, ayudanacushpa causaichic.

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuacushpaca canpish quishpiringuimi, shinallatac can huillashcata uyaccunapish quishpiringacunami.

2 TIMOTEO 2:10

Chaimantami Taita Dios tucui acllashcacuna Jesucristohuan shuc shinalla tucushpa, sumaimana huiñai causaita paicunapish japichun nishpa cai llaquicunataca apacuni.

1 PEDRO 3:1

Shinallatac huarmicuna, cancunapac quiquin cusacunata alli cazuichic. Chashna cazucpimi, mana cric cusapish Dios rimashca shimita mana uyasha nicushpapish,