1 CORINTIOS 9:15 - Nuevo Testamento en Quichua Cañar 1996

¹⁵ Shina cacpipish chashna japina cashcataca mana japishcanichu. Shinallatac cancuna imallata cuchun nishpapish, mana quillcanichu. Pimanta imata mana chasquishpa cushicunata quichuchinapac randica, huañunatami munani.

Dios Rimashcata Quillcashcami

¹⁵ Shina cacpipish, cancunamantaca imata mana japishcanichu. Cancunamanta imata japingapacpish mana quillcanichu. Pimanta imata mana chasquishpa, alli huillaita huillashpa cushicunata chingachinapac randica, huañunatami munani.

1 CORINTIOS 9:15 ပူးပေါင်းရင်းမြစ်များ

SAN MATEO 18:6

Maijanpish cai uchilla huahua shina ñucata c'aticcunata juchapi urmachictaca, shuc jatun cutana rumita cungapi huatashpa, jatun cucha chaupipi shitanami ashtahuan alli canman.

HECHOS 18:3

Aquila huarmindicca carpata ruhuaccuna cacpimi, Pablopish chaillatatac ruhuac cashcamanta carpata ruhuashpa paicunahuan cangapac saquirirca.

HECHOS 20:24

Chashna llaquichishpa huañuchina cacpipish, ñucaca mana llaquirinichu, ashtahuancarin Taita Dios mai c'uyac cashcata Apunchic Jesús huillachun nishcataca, huañuna punzhacaman cushicushpa pactachinatacmi cani.

HECHOS 20:33

Ñucaca pipac cullquitapish, curitapish, churanatapish mana munashcanichu.

HECHOS 20:34

Chaipac randica ñucamanpish, ñucahuan puriccunamanpish ima illashcata charingapacca, ñuca maquillahuantac ruhuashpami, imallatapish japic carcani. Chaitaca cancunallatac yachanguichicmi.

HECHOS 8:3

Ashtahuanpish Sauloca tandanacushca criccunata ima shinapish chingachinata yuyashpami, huasi huasi yaicushpa c'aricuna cachun, huarmicuna cachun, carcelman cachac carca.

1 CORINTIOS 4:12

Shinallatac ñucanchic quiquin maquihuan imallata ruhuashpami shaicushcanchic. C'amishpa rimaccunamanca, Taita Dios allicunata cushca cachun ninchicmi. Shuccuna llaquichicpipish, llaquita apanchicllami.

1 CORINTIOS 9:12

Shuccuna cancunata imatapish cuchun nishpa mañacpica, ñucanchiccarin imallatapish mañanatacmi canchic. Shina cacpipish Cristomanta alli huillai mana jarcarishpa huillashca cachunca, imatapish mana chasquishpami, llaquita apashpa huillacunchiclla.

1 CORINTIOS 9:18

Shina cacpica ñuca tucuimanta yalli japinaca, pimanta imata mana japishpa, cushicushpa Cristomanta alli huillaita huillanami can. Chashnaca alli huillaita huillashcamanta japina cashca jahuapish, mana japishpami causacuni.

1 TESALONICENSES 2:9

C'uyashca criccuna, ñucanchic micungapacca mana samarishpami, imatapish ruhuarcanchic. Chaitaca yuyaringuichicmi. Quishpirinamanta alli huillaita huillacushpaca, maijan cancunata micunata mañashpa mana llaquichingapacmi, tutapish, punzhapish imallata ruhuarcanchic.

2 TESALONICENSES 3:8

Ñucanchicca pipac micunatapish mana yanga micurcanchicchu. Chaipac randica, micunata mañashpa cancunata mana p'iñachingapacmi tutapish, punzhapish mana samarishpa, imatapish ruhuashpa causarcanchic.