1 CORINTIOS 9:1 - Nuevo Testamento en Quichua Cañar 1996

¹ Ñucaca Jesús acllashca huillac cashcamantaca, imatapish ruhuai pudinimi. Ñucanchic Apunchic Jesucristotapish ñucallatacmi ricurcani. Apunchic Jesucristomanta ñuca huillacpimi, cancunaca criccuna tucurcanguichic. Chaitaca cancunallatac yachanguichicmi.

Dios Rimashcata Quillcashcami

¹ Ñucaca apostolmi cani, imatapish ruhuai pudinimi. Ñucanchic Apunchic Jesucristotapish ñucallatacmi ricurcani. Apunchic Jesucristomanta ñuca huillacpimi, cancunaca crircanguichic.

1 CORINTIOS 9:1 ပူးပေါင်းရင်းမြစ်များ

HECHOS 13:2

Shuc punzha paicuna ayunashpa, Taita Diosman mañashpa tiyacucpimi, Diospac Espirituca: “Bernabetapish, Saulotapish ñuca ruhuai nishcata ruhuachun cachaichic. Paicunataca ñami acllarcani” nirca.

HECHOS 14:14

Chashna ruhuagricucta ricushpaca, Pablopish, Bernabepish llaquirishcata ricuchingapacca churanacunata lliquirishpa, chaipi caccunapac chaupiman yaicushpami:

HECHOS 14:4

Chashna cacpimi, chai pueblopi causaccunaca maijancunaca israelcunapura, maijancunaca Jesús acllashca huillaccunapura tucushpa chaupirircacuna.

HECHOS 23:11

Apunchic Jesusca chai tuta ricurishpami Pablotaca: “Pablo, ama manchanguichu. Ima shinami cai Jerusalenpi ñucamanta huillacungui, chashnallatac Roma*f** pueblopipish huillana cangui” nirca.

HECHOS 9:15

Chashna nicpipish, cutinmi Apunchic Jesusca: —Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga.

HECHOS 9:17

Chashna nicpi, Ananiasca Saulo shuyacuc huasiman rishpa, Saulopac uma jahuapi maquita churashpaca: —Huauqui Saulo. Can caiman shamucucpi, ricuric Apunchic Jesusllatacmi, cambac ñahui cutin ricuchun, shinallatac Diospac Espíritu cambac shungupi junda cachunpish, ñucataca cambacman cacharca— nirca.

HECHOS 9:3

Quillcata apashpa, Damasco puebloman ña chayacucpimi, cungailla jahua pachamanta relampa shina, jaguin nishpa, paipac muyundicta achicyachirca.

HECHOS 9:5

Shina nicta uyashpa Sauloca: —¿Pitac cangui Amito?— nirca. Shina nicpica: —Ñucaca can p'iñashpa llaquichicuc Jesusmi cani. Canca puya puntapi huagra jaitashpa chugriric shinami, canllatac llaquita apacungui— nirca.

ROMANOS 1:1

Jesucristopacta ruhuac Pablomi caita quillcani. Diosmanta alli huillaita huillachunmi, ñucataca Taita Diosca Jesusmanta huillac cachun c'ayashpa ch'icanyachirca.

ROMANOS 1:5

Jesucristomantami paimanta huillashpa alli canataca chasquircani. Tucui llactacunapi paita crishpa cazuccuna tiyachunmi, paimanta huillachun ñucataca acllarca.

ROMANOS 11:13

Shina cacpipish cancuna mana israelcunamanca caitami nisha nini: Taita Diosca ñucataca mana israelcunaman huillachun cachashcamantami, ñuca imata ruhuashcacuna yalli alli cashcata yachani.

1 CORINTIOS 1:1

Taita Dios munashca shina, Jesucristomanta huillac cachun c'ayashca Pablomi cani. Jesusmanta huauqui Sosteneshuan pacta

1 CORINTIOS 10:29

Cancunapac yuyaimantaca mana rimanichu, ashtahuanpish chai nicpac yuyaimantami rimacuni. Ñucaca imatapish ruhuai pudinimi. Shina cashpapish shuccunapac yuyaipi mana alli nishpa juchanchichunca, mana munanichu.

1 CORINTIOS 10:30

Ñuca imata micushpapish, Diosta pagui nishpa micucpica, ¿ima nishpatac ñuca micushcamanta shuccunaca rimangayari?

1 CORINTIOS 11:16

Tucui caicunamanta maijanpish mana uyasha nishpa rimasha nicca, caita entendichun: Ñucanchicpish, Diospaclla cac tandanacushca criccunapish, chashna shuctac layaman causana tiyashcataca mana yachanchicchu.

1 CORINTIOS 3:6

Shina cashpami ñucaca muyuta tarpuc shina, cutin Apolosca parcuc shina cancunamanca yachachircanchic. Shina cacpipish tarpushca muyuta huiñachicca Taita Diosmi can.

1 CORINTIOS 9:19

Ñucaca pipac mana huatashca shina cashpapish, achca gentecunata Cristopacman chayachingapacmi, tucuipac huatashca shina tucuni.

2 CORINTIOS 10:7

Cancunaca ima shina cashcata mana ricushpami, jahualla ima shina cashcallatatac ricunguichic. Maijan cancuna “Cristopacmi cani” nishpaca, ñucanchictapish Cristopac cashcatami yuyana canguichic.

2 CORINTIOS 11:5

Chashna nishpaca, q'uipata huillangapac shamuc “jatun yachaccunami” nishca huillaccunamanta “yanga yangallami cani” ninataca mana ninichu.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai c'uyashpa, cancunaman allicunata cushcataca ama yangalla cashcata yuyanguichicchu nishpa rimanchic.

GÁLATAS 1:1

Ñucaca mana gentecunalla acllashcapac huillachun cachashcachu cani, ashtahuanpish Taita Diospish, shinallatac pai causachishca Jesucristopish huillachun cachashca Pablomi cani.

GÁLATAS 5:1

Moisés mandashcacunata cazushpa ama huatashca shina cachunmi, Jesucristoca ñucanchictaca cacharichirca. Shina cashcamanta ama cutinllatac huatashca shina tucunata yuyaichicchu.

1 TESALONICENSES 2:6

Cancuna cashpapish, shuccuna cashpapish, pi cashpapish ñucanchicta alli nichunca jaicapi mana munashcanchicchu.

1 TIMOTEO 2:7

Tucui caicunata mana israelcunaman*f** huillashpa yachachichunmi, Jesusca ñucataca acllarca. Paicunamanca cashcata nic alli huillaita crichun nishpami yachachini. Ñucaca mana llullashpami, chashnatac cashcata nini.

2 TIMOTEO 1:11

Taita Diosmi cai alli huillaita huillanata ñucaman mingarca. Shinallatac huillac cachunpish, yachachic cachunpish ñucataca cacharca.