1 CORINTIOS 8:1 - Nuevo Testamento en Quichua Cañar 1996

¹ Cunanca ruhuashcalla dioscunaman animalcunata huañuchishpa, cushca aichata micunamantami huillasha. Ari, imapish cashcata ruhuanamantaca tucuillatacmi yachanchic. Shina cashpapish chai yachaicunaca jatun tucuna yuyaitami apamun. Ashtahuanpish c'uyanacushpa causashpami, tandanacushca criccunaca sinchiyanga.

Dios Rimashcata Quillcashcami

¹ Cunanca ruhuashcalla dioscunaman animalcunata huañuchishpa, cushca aichata micunamantami huillasha. Ari, imapish cashcata ruhuanamantaca tucuimi yachanchic. Shina cashpapish chai yachaicunaca jatun tucuna yuyaitami apamun. Ashtahuanpish cuyanacushpa causashpami, tandanacushca criccunaca sinchiyanga.

1 CORINTIOS 8:1 ပူးပေါင်းရင်းမြစ်များ

HECHOS 15:10

Chaimanta cunanca ñucanchic ñaupa taitacunapish, ñucanchicpish maita mana pactachipac cashcata, cunanlla criccunata chaita pactachichun nishpaca, Taita Diostami p'iñachicunguichic.

HECHOS 15:29

Ruhuashcalla dioscunaman cushcacunatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu. Cai nishcacunata cazushpaca, allitami ruhuanguichic. Allilla cashca cachun” nishpami quillcarcacuna.

HECHOS 21:25

Mana Israel*f** criccunamanca, ñami cashna nishpa quillcarcanchic: ‘Moisés mandashcacunapi nicushcacunataca, caicunatami pactachina canguichic: Ruhuashcalla dioscunaman ima cushcacunatapish, yahuartapish, sipishpa huañuchishca aichatapish ama micunguichicchu. Shinallatac ama huaclliringuichicchu’ nishpami, yuyarinacushpa ña quillcarcanchic— nircacuna.

ROMANOS 11:25

Ñuca c'uyashca criccuna, cancuna ama yachac tucushca cachunmi, manarac piman Dios yachachishcata huillani: Mashnalla crina cac mana israelcuna cringacamanmi, maijan israelcunaca*f** sinchi shungu tucushca.

ROMANOS 12:16

Caishuc chaishuchuan alli apanacushpa causaichic. Ima cashpapish ama jatun tucuichicchu, ashtahuanpish chai mana jatun tucuccunahuan tandanacuichic. Cancunapac quiquin yuyaillapi ama “yachacmi cani” nichicchu.

ROMANOS 14:10

Shina cacpica, ¿ima nishpatac caishuc crictaca p'iñashpa rimangui? ¿Ima nishpatac caishuc crictaca p'iñangui? Tucuimi Diospac ñaupapica ricurigrishun. Paimi allitapish, mana allitapish ninga.

ROMANOS 14:14

Imapish paillatac mana allica mana tiyanchu. Ñucaca Apunchic Jesusta cric cashcamantaca, chaitaca allimi yachani. Ashtahuanpish maijan ima mana alli canata yuyacpica, paimanmi mana alli canga.

ROMANOS 14:19

Chashna cashcamanta caishuc chaishuc ima shina sumacta causanatapish, ima shina ashtahuan ayudanacunatapish munashunchic. Ayudanacushpa, Jesusta alli ningapacca imapipish mana p'iñanacunallata munashunchic.

ROMANOS 14:22

Chashna cashcamanta can ima shina crishcataca canllatacmi Diospac ñaupapi charina cangui. Maijanpish paipac yuyaipi mana juchanchishca cashcamanta alli yuyacmanca, ¡mai cushicuimi can!

ROMANOS 14:3

Shina cashcamanta tucuita micucca mana tucuita micuctaca mana p'iñanachu, shinallatac mana tucuita micucpish, tucuita micuctaca mana p'iñashpa rimanachu. Diosca ima shina cashcatapish chasquishcallami.

ROMANOS 15:14

Ñuca c'uyashca criccuna, cancunaca yallita c'uyac shungu cashcata, tucuita alli yachac cashcata, shinallatac caishuc chaishucta cunac cashcatami yachani.

1 CORINTIOS 1:5

Paimantami Taita Diosca cancunataca yachaipipish, rimaipipish chayuccuna shinata ruhuashca.

1 CORINTIOS 10:15

Yachaccunata shinami cancunataca rimani. Ñuca nishcata uyashpaca, cancunallatac yuyarichic.

1 CORINTIOS 10:28

Shina cacpipish maijan: “Cai aichaca animalta huañuchishpa, ruhuashcalla diosman cushcami” nicpica, ama micuichicchu. Chai nictapish, yuyaitapish ama ima mana allita ruhuachunmi, chashnaca nini.

1 CORINTIOS 14:20

C'uyashca criccuna, ama huahuacuna shina imatapish yuyaichicchu. Mana allita ama ruhuangapacca, llullu huahuacuna shinami cana canguichic. Ashtahuanpish allita yuyaringapacca, ña yuyaccuna shinami cana canguichic.

1 CORINTIOS 15:34

Cancunaca alli yuyaiman tigrarichic, ama juchata ruhuaichicchu. Cancunapuramanta maijancunaca manarac Diosta ricsinguichicchu. Caicunataca cancuna pingaita charichunmi nini.

1 CORINTIOS 4:10

Ñucanchicca Cristota c'aticushcamantaca imata mana yachac, upacuna shina cashcatami yachanchic. Cutin cancunaca Cristomanta yachaccuna cashcatami yuyanguichic. Ñucanchicca imatapish mana ruhuaipaccuna cashcatami yachanchic. Cancunaca imatapish ruhuaipaccunalla cashcatami yuyanguichic. Ñucanchictaca mana ricunachishpa, p'iñaccuna cashcatami yachanchic. Cutin cancunaca: “Ñucanchictaca tucuimi alli nincuna” nishpami yuyanguichic.

1 CORINTIOS 4:18

Maijan cancunaca: “Pabloca ña mana ricungapac shamungachu” yuyashpami, “ñucami alli yachac cani” niricunguichic.

1 CORINTIOS 4:6

C'uyashca criccuna, Apolostapish shinallatac ñucallatatacpish ima shina cashcata ricuichic. Caicunataca cancunapac allipacllatacmi rimani. Caitaca ñucanchic shina pipish quillcashcapi nishca shinamanta ama yallita ruhuachun, shinallatac “paimi alli, caishucca mana allichu” nishpa ama rimachunmi quillcani.

1 CORINTIOS 5:2

¿Cancunaca chai shina cashca jahuachu jatun tucunguichic? ¡Chaipac randica, tucui shungumantamari llaquirina canguichic! Pipish chai shina huacllirictaca, cancunapuramanta llucchishpami cachana canguichic.

1 CORINTIOS 5:6

Cancunaca chai shina mana allicuna tiyashca jahuaca, mana jatun tucunachu canguichic. “Ashalla levadura tucui chaputa punguillichic” nishcataca, cancunallatac yachanguichicmi.

1 CORINTIOS 8:2

Maijanpish “ña yachanimi” nishpapish, chai yachana cashca shinataca manarac yachanchu.

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

1 CORINTIOS 8:7

Ashtahuanpish caicunataca mana tucuichu yachancuna. Maijancunaca chai ruhuashcalla dioscunata adoraccuna cashcamantami, chairac chai dioscunaman cushca aichata micucuncunarac. Chashnaca paicunapac yuyaipi manarac sinchi criccuna cashcamantami, chashna micushpaca, paicunapac yuyaica mana allita ruhuacushcata yuyancuna.

EFESIOS 4:16

Tucui criccuna Cristopac cuerpo shina cashpaca, tauca cashpapish chaqui maqui llutarishca shinami shuc shinalla canchic. Chashna tauca cashpapish c'uyanacushpa, caishuc chaishuc allita ruhuacpica, tandanacuica sinchiyashpa c'atingami.

COLOSENSES 2:18

“Diosta alli cazuccunami canchic” nishpa nic tucuccuna, “angelcunata alli niccunami canchic” niccuna, shinallatac “muscuipi imatapish ricuccunami canchic” niccuna pandachichunca, ama saquinguichicchu. Paicunaca imamantapish “allimi canchic” mana nirina cashpapish, paicunapac yuyaillamantami “allimi canchic” nirincuna.

APOCALIPSIS 2:14

Shina cacpipish cancuna mana allita ruhuacushcataca taucacunatami ricuni. Chaipica Balaam yachachishcacunata c'atishpa mana saquinata munaccunatami charinguichic. Paimi israelcunataca*f** chai ruhuashcalla dioscunaman cushca micunata micuchunlla, huacllirichunlla, juchapi urmachichunlla nishpa, Balactaca yachachishca carca.

APOCALIPSIS 2:20

Shina cacpipish shuc mana allitami cancunapica ricuni. Chai Jezabel huarmi yachachichunmi saquinguichic. Paica ‘Diosmanta yachachicuni’ nishpapish, paipac yachachishcacunahuanmi ruhuashcalla dioscunaman cushca micunacunata micuchun nishpa, shinallatac huacllirichun nishpami ñucapacta ruhuaccunataca pandachicun.