1 CORINTIOS 7:29 - Nuevo Testamento en Quichua Cañar 1996

²⁹ C'uyashca criccuna, ñucaca caitami nisha nini: Cai pachapica mana unai huatacunatachu causashun. Chashna cashcamanta huarmiyuc c'aricunaca, mana huarmiyuc cashca shina causachun.

Dios Rimashcata Quillcashcami

²⁹ Cuyashca criccuna, ñucaca caitami nisha nini: Cai pachapica mana unai huatacunatachu causashun. Chaimanta huarmiyuc caricunaca, mana huarmiyuc cashca shina causachun.

1 CORINTIOS 7:29 ပူးပေါင်းရင်းမြစ်များ

SAN LUCAS 14:20

Cutin shucca: ‘ “Ñucaca cunanllami cazararcani. Chaimantami mana shamui pudini ninmi” nigrishpa cui’ nirca.

1 CORINTIOS 7:28

Cazarashpapish mana juchallinguichu. Shinallatac soltera cazarashpapish mana juchallinchu. Shina cacpipish cazaraccunaca llaquitami cai pachapi apancuna. Chai llaquicunata charichunca, ñucaca mana munanichu.

1 CORINTIOS 7:30

Llaquilla caccunaca, mana llaquilla cashca shina cachun. Shinallatac cushilla caccunapish, mana cushilla cashca shina cachun. Chashnallatac ima randishcata charishpapish, imata mana charishca shina cachun.

1 CORINTIOS 7:31

Cai pachapi ima tiyashcallahuan cushicucpish, ama cushicuchun. Cai pacha ima tiyashcacunaca chingarinallami.

1 PEDRO 1:24

Dios quillcachishcapica: “Tucui gentecunaca q'uihua shinallami. Paicuna ‘jatunmi cani’ nishcapish, sisashca q'uihua shinallami. Q'uihua chaquiricpica, sisaca urmanllami.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Taita Diosman mañaracuichiclla.

1 JUAN 2:17

Cai pachaca tucui ima tiyashca millai munaicunandicmi chingaringa, ashtahuanpish Dios munashcata ruhuacca huiñaitami causanga.